8th Pay Commission DA Hike August 2025 Update: ರಾಜ್ಯ ಸರ್ಕಾರಿ ನೌಕರರಿಗೆ ಹಾಗೂ ಪಿಂಚಣಿದಾರರಿಗೆ ಸಂತಸದ ಸುದ್ದಿ. 7 ನೇ ವೇತನ ಆಯೋಗ ಡಿಸೆಂಬರ್ 31, 2025 ರಂದು ಮುಗಿಯುತ್ತಿರುವ ಹಿನ್ನೆಲೆಯಲ್ಲಿ, 8 ನೇ ವೇತನ ಆಯೋಗದ ಬಗ್ಗೆ ಚರ್ಚೆಗಳು ಜೋರಾಗಿವೆ ನೆಡೆಯುತ್ತಿದೆ. 50 ಲಕ್ಷಕ್ಕೂ ಹೆಚ್ಚು ಕೇಂದ್ರ ಸರ್ಕಾರಿ ನೌಕರರು ಮತ್ತು 62 ಲಕ್ಷ ಪಿಂಚಣಿದಾರರು ಭಾರೀ ನಿರೀಕ್ಷೆಯೊಂದಿಗೆ ಕಾಯುತ್ತಿದ್ದಾರೆ. ಆಗಸ್ಟ್ 15 ರ ಸ್ವಾತಂತ್ರ್ಯ ದಿನದಂದು ಅಂತಿಮ DA ಹೆಚ್ಚಳವನ್ನು ಘೋಪಿಸುವ ಸಾಧ್ಯತೆ ಇದೆ.
8 ನೇ ವೇತನ ಆಯೋಗದ ಘೋಷಣೆ
ಜನವರಿ 2025ರಲ್ಲಿ ಕೇಂದ್ರ ಕ್ಯಾಬಿನೆಟ್ 8ನೇ ವೇತನ ಆಯೋಗಕ್ಕೆ ಅನುಮೋದನೆ ನೀಡಿದೆ. ಆದರೆ, ಅಧ್ಯಕ್ಷರ ನೇಮಕ ಇನ್ನೂ ಆಗಿಲ್ಲ. ಇದರಿಂದಾಗಿ ಆಯೋಗದ ರಚನೆ ಮತ್ತು ಕಾರ್ಯನಿರ್ವಹಣೆ ವಿಳಂಬವಾಗಬಹುದು. ಪ್ರತಿ 10 ವರ್ಷಗಳಿಗೊಮ್ಮೆ ಸರ್ಕಾರಿ ವೇತನಗಳನ್ನು ಖಾಸಗಿ ಕ್ಷೇತ್ರದೊಂದಿಗೆ ಹೊಂದಿಸಲು ಆಯೋಗಗಳನ್ನು ರಚಿಸಲಾಗುತ್ತದೆ. ಇದು ಯುವ ಪ್ರತಿಭೆಗಳನ್ನು ಆಕರ್ಷಿಸುವ ಉದ್ದೇಶ ಹೊಂದಿದೆ. ಆದರೆ, ಆಯೋಗದ ವರದಿ ಸಿದ್ಧಪಡಿಸಿ, ಕ್ಯಾಬಿನೆಟ್ ಅನುಮೋದನೆ ಪಡೆದು ಅನುಷ್ಠಾನಗೊಳಿಸಲು 18ರಿಂದ 24 ತಿಂಗಳುಗಳು ಬೇಕಾಗಬಹುದು. ಹೀಗಾಗಿ, ಜನವರಿ 2026ರಿಂದ ಅನುಷ್ಠಾನ ಸಾಧ್ಯವಿಲ್ಲ ಎಂದು ತಜ್ಞರು ಹೇಳುತ್ತಾರೆ.
ವೇತನ ರಚನೆ
ಸರ್ಕಾರಿ ನೌಕರರ ವೇತನ ಕೇವಲ ಬೇಸಿಕ್ ಸ್ಯಾಲರಿಯ ಮೇಲೆ ಮಾತ್ರ ಅಲ್ಲ. ಅದರಲ್ಲಿ ಡಿಯರ್ನೆಸ್ ಅಲೌನ್ಸ್ (ಡಿಎ), ಹೌಸ್ ರೆಂಟ್ ಅಲೌನ್ಸ್ (ಎಚ್ಆರ್ಎ), ಟ್ರಾವೆಲ್ ಅಲೌನ್ಸ್ (ಟಿಎ) ಮತ್ತು ಇತರ ಲಾಭಗಳು ಸೇರಿವೆ. ಹಿಂದೆ ಬೇಸಿಕ್ ಪೇ 65% ಇದ್ದರೆ, ಈಗ ಅದು ಸುಮಾರು 50% ಮಾತ್ರ. ಅಲೌನ್ಸ್ಗಳ ಪ್ರಾಮುಖ್ಯತೆ ಹೆಚ್ಚಿದೆ. ಡಿಎಯನ್ನು ವರ್ಷಕ್ಕೆ ಎರಡು ಬಾರಿ ಪರಿಶೀಲಿಸಿ, ಕನ್ಸ್ಯೂಮರ್ ಪ್ರೈಸ್ ಇಂಡೆಕ್ಸ್ (ಸಿಪಿಐ) ಆಧಾರದಲ್ಲಿ ಹೊಂದಿಸಲಾಗುತ್ತದೆ. ಜುಲೈ 2025ರಿಂದ 3% ಅಥವಾ 4% ಡಿಎ ಏರಿಕೆಯಾಗುವ ಸಾಧ್ಯತೆಯಿದೆ ಎಂದು ವರದಿಗಳು ಹೇಳುತ್ತವೆ. ಜೂನ್ 2025ರ ಎಐಸಿಪಿಐ ಡೇಟಾ ಆಗಸ್ಟ್ನಲ್ಲಿ ಬಿಡುಗಡೆಯಾಗಲಿದ್ದು, ಅದರ ಆಧಾರದಲ್ಲಿ ಅಂತಿಮ ಡಿಎ ನಿರ್ಧರಿಸಲಾಗುವುದು. ಸ್ವಾತಂತ್ರ್ಯ ದಿನಾಚರಣೆಯಂದು (ಆಗಸ್ಟ್ 15) ಘೋಷಣೆಯಾಗಬಹುದು ಎಂಬ ಊಹಾಪೋಹಗಳಿವೆ.
ಸರ್ಕಾರಿ ನೌಕರರ ವೇತನದಲ್ಲಿ ಡಿಎ ಮಹತ್ವದ ಪಾತ್ರ ವಹಿಸುತ್ತದೆ. ಹಣದುಬ್ಬರಕ್ಕೆ ತಕ್ಕಂತೆ ಇದನ್ನು ಹೊಂದಿಸುವುದರಿಂದ ನೌಕರರ ಖರೀದಿ ಶಕ್ತಿ ಕಾಯ್ದುಕೊಳ್ಳಲು ಸಹಾಯವಾಗುತ್ತದೆ. ಮಾರ್ಚ್ 2025ರಲ್ಲಿ 2% ಏರಿಕೆ ಘೋಷಿಸಲಾಗಿತ್ತು, ಅದು ಜನವರಿ 2025ರಿಂದ ಅನ್ವಯವಾಗಿದೆ. ಈಗ ಡಿಎ 55% ತಲುಪಿದೆ.
ಫಿಟ್ಮೆಂಟ್ ಫ್ಯಾಕ್ಟರ್ ಮತ್ತು ವೇತನ ಅಂದಾಜು
ಫಿಟ್ಮೆಂಟ್ ಫ್ಯಾಕ್ಟರ್ ವೇತನ ಏರಿಕೆಯಲ್ಲಿ ಕೀಲಿಕೈ. 7ನೇ ಆಯೋಗದಲ್ಲಿ ಅದು 2.57 ಇತ್ತು. 8ನೇ ಆಯೋಗದಲ್ಲಿ 1.83ರಿಂದ 2.46ರ ನಡುವೆ ಇರಬಹುದು ಎಂದು ಅಂಬಿಟ್ ಕ್ಯಾಪಿಟಲ್ ವರದಿ ಹೇಳಿದೆ. ಉದಾಹರಣೆಗೆ, ₹18,000 ಬೇಸಿಕ್ ಸ್ಯಾಲರಿ ಇದ್ದರೆ, 2.46 ಫ್ಯಾಕ್ಟರ್ನೊಂದಿಗೆ ಅದು ₹44,280 ಆಗಬಹುದು. 7ನೇ ಆಯೋಗದಲ್ಲಿ ಬೇಸಿಕ್ ಪೇಗೆ 14.3% ಏರಿಕೆಯಾಗಿತ್ತು, ಅದು 1970ರ ನಂತರದ ಕಡಿಮೆಯದು. ಆದರೆ, ಡಿಎ ಪರಿಷ್ಕರಣೆಗಳಿಂದ ಒಟ್ಟಾರೆ ಏರಿಕೆ 23% ತಲುಪಿತು. 6ನೇ ಆಯೋಗದಲ್ಲಿ 54% ಏರಿಕೆಯಾಗಿತ್ತು.
ಹೊಸ ಆಯೋಗದಿಂದ ನೌಕರರಿಗೆ ಹೆಚ್ಚಿನ ಲಾಭ ಸಿಗುವ ನಿರೀಕ್ಷೆಯಿದೆ. ಆದರೆ, ಅನುಷ್ಠಾನ ವಿಳಂಬವಾದರೆ, 7ನೇ ಆಯೋಗದ ಅಡಿಯಲ್ಲಿ ಕೊನೆಯ ಡಿಎ ಏರಿಕೆಯೇ ಮುಖ್ಯವಾಗುತ್ತದೆ. ಆರ್ಥಿಕ ತಜ್ಞರು ಹೇಳುವಂತೆ, ಇದು ನೌಕರರ ಆರ್ಥಿಕ ಸ್ಥಿತಿಯನ್ನು ಬಲಪಡಿಸುತ್ತದೆ.
