8th Pay Commision Salary Details: ಕೇಂದ್ರ ಸರ್ಕಾರಿ ನೌಕರರು ಮತ್ತು ಪಿಂಚಣಿದಾರರು 8ನೇ ವೇತನ ಆಯೋಗದ ಘೋಷಣೆಯನ್ನು ಉತ್ಸಾಹದಿಂದ ಕಾಯುತ್ತಿದ್ದಾರೆ. ಪ್ರಸ್ತುತ ಇರುವ 7ನೇ ವೇತನ ಆಯೋಗದ ಅವಧಿ ಡಿಸೆಂಬರ್ 31, 2025 ಕ್ಕೆ ಮುಗಿಯಲಿದ್ದು, ಸದ್ಯ ಕೇಂದ್ರ ಸರ್ಕಾರಿ ನೌಕರರು ಮತ್ತು ಪಿಂಚಣಿದಾರರು 8 ನೇ ವೇತನ ಆಯೋಗದ ಜಾರಿಗಾಗಿ ಕಾಯುತ್ತಿದ್ದಾರೆ. ಇದರಿಂದ ನೌಕರರ ಸಂಬಳ ಮತ್ತು ಭತ್ಯೆಗಳಲ್ಲಿ ದೊಡ್ಡ ಬದಲಾವಣೆ ಆಗಲಿದೆ. ಕೇಂದ್ರ ಸರ್ಕಾರವು ಜನವರಿ 2025 ರಲ್ಲಿ 8ನೇ ವೇತನ ಆಯೋಗದ ರಚನೆಯನ್ನು ಘೋಷಿಸಿತ್ತು, ಆದರೆ ಇನ್ನು ಜಾರಿಗೆ ಬರಲಿಲ್ಲ. ದೇಶದಲ್ಲಿ 8 ನೇ ವೇತನ ಆಯೋಗ ಸಂಪೂರ್ಣವಾಗಿ ಜಾರಿಗೆ ಬಂದನಂತರ ನೌಕರರ ಸಂಬಳ ಎಷ್ಟಾಗಲಿದೆ ಅನ್ನುವುದರ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.
8ನೇ ವೇತನ ಆಯೋಗ ಜಾರಿ
ಇದೀಗ ಕೇಂದ್ರ ಸರ್ಕಾರ 8ನೇ ವೇತನ ಆಯೋಗ ರಚನೆಗೆ 2025 ಜನವರಿಯಲ್ಲಿ ಅನುಮೋದನೆ ನೀಡಿದೆ. ಇನ್ನು ನವೆಂಬರ್ ನಲ್ಲಿ Term of Reference (ToR) ಅನುಮೋದನೆಯಾಗಿದೆ. ಆಯೋಗದಲ್ಲಿ ಚೆರ್ ಪರ್ಸನ್, ಒಬ್ಬ ಸದಸ್ಯ ಮತ್ತು ಒಬ್ಬ ಸೆಕ್ರೆಟರಿ ಇರುತ್ತಾರೆ. ಶಿಫಾರಸ್ಸುಗಳನ್ನು 18 ತಿಂಗಳ ಒಳಗೆ ಸಲ್ಲಿಸಬೇಕು. ಅಂದಾಜಿನ ಪ್ರಕಾರ, ಕೇಂದ್ರದಲ್ಲಿ ಶಿಫಾರಸ್ಸುಗಳು ಜನವರಿ 1, 2026 ರಿಂದ ಜಾರಿಗೆ ಬರಲಿದೆ ಮತ್ತು ಆಯೋಗದ ವರದಿ 2026 ರ ಮಧ್ಯ ಅಥವಾ ಅಂತ್ಯದಲ್ಲಿ ಬರಲಿದೆ. ಆದರೆ ಕರ್ನಾಟಕದಲ್ಲಿ 6 ರಿಂದ 12 ತಿಂಗಳು ತಡವಾಗಬಹುದು. ಆಯೋಗದ ಅಧ್ಯಕ್ಷರಾಗಿ ಮಾಜಿ ಸುಪ್ರೀಂ ಕೋರ್ಟ್ ನ್ಯಾಯಾಧೀಶರಾದ ರಂಜನಾ ಪ್ರಕಾಶ್ ದೇಸಾಯಿ ನೇಮಕವಾಗಿದ್ದಾರೆ.
ನೌಕರರ ಸಂಬಳ ಎಷ್ಟು ಹೆಚ್ಚಾಗಬಹುದು?
6ನೇ ವೇತನ ಆಯೋಗದಲ್ಲಿ 40% ಹೆಚ್ಚಳವಾಗಿತ್ತು, 7ನೇ ವೇತನ ಆಯೋಗದಲ್ಲಿ 23 ರಿಂದ 25% ಹೆಚ್ಚಳ ಮತ್ತು Fitment Factor 2.57 ಆಗಿತ್ತು. ಇದೀಗ 8 ನೇ ವೇತನ ಆಯೋಗದಲ್ಲಿ Fitment Factor 2.0 ರಿಂದ 3.0 ವರೆಗೆ ಇರಬಹುದು ಎಂದು ನಿರೀಕ್ಷೆ ಮಾಡಲಾಗಿದೆ. ಇದರಿಂದ ಸಂಬಳದಲ್ಲಿ 20% ನಿಂದ 34% ವರೆಗೆ ಹೆಚ್ಚಳವಾಗುವ ಸಾಧ್ಯತೆ ಇದೆ. ಕೆಲವು ಮೂಲಗಳು 2.28 ಅಥವಾ 2.86 ಆಗಿರುತ್ತದೆ ಎಂದು ಮಾಹಿತಿ ನೀಡಿವೆ. ಅದೇ ರೀತಿಯಲ್ಲಿ ಮೂಲ ವೇತನ ಕನಿಷ್ಠ 18,000 ಇದ್ದರೆ, 45,000 ಕ್ಕೆ ಏರಿಕೆ ಆಗಬಹುದು. 40,000 ಬೇಸಿಕ್ ಇದ್ದರೆ, 1,00,000 ಆಗಬಹುದು. ಇದು ಅಂದಾಜಿನ ಪ್ರಕಾರ, ನಿಖರ ಅಂಕಿ ಅಂಶಗಳಿಗಾಗಿ ಆಯೋಗದ ವರದಿ ಬರುವರೆಗೆ ಕಾಯಬೇಕು.
Fitment Factor
Fitment factor ಎಂದರೆ ಹೊಸ ವೇತನ ಆಯೋಗದ ಶಿಫಾರಸುಗಳ ಪ್ರಕಾರ ಸರ್ಕಾರಿ ನೌಕರರ ಮೂಲ ವೇತನವನ್ನು ಪರಿಷ್ಕರಿಸಲು ಬಳಸಲಾಗುವ ಸಂಖ್ಯೆ (multiplier). ಇದು ಪ್ರಸ್ತುತ ಮೂಲ ವೇತನವನ್ನು ಈ ಅಂಶದಿಂದ ಗುಣಿಸಿ ಹೊಸ ಮೂಲ ವೇತನವನ್ನು ಲೆಕ್ಕಾಚಾರ ಮಾಡುತ್ತದೆ, ಇದು ವೇತನದಲ್ಲಿ ದೊಡ್ಡ ಏರಿಕೆಯನ್ನು ಖಚಿತಪಡಿಸುತ್ತದೆ. ನಿರೀಕ್ಷಿತ fitment factor 2.13 ರಿಂದ 2.86 ವರೆಗೆ ಇದೆ. ಉದ್ಯೋಗಿ ಸಂಘಗಳು ಹೆಚ್ಚಿನದನ್ನು ಬಯಸುತ್ತಿದೆ. ಆದರೆ ಅಂತಿಮವಾಗಿ ಇದು ಆರ್ಥಿಕ ಸ್ಥಿತಿ, ಹಣದುಬ್ಬರ ಮತ್ತು ಬಜೆಟ್ ಮೇಲೆ ಅವಲಂಬಿತವಾಗುತ್ತದೆ.
ಪಿಂಚಣಿ ಲಾಭ
ಈ ಆಯೋಗದಿಂದ ಒಟ್ಟು 50 ಲಕ್ಷ ನೌಕರರು ಮತ್ತು 69 ಲಕ್ಷ ಪಿಂಚಣಿದಾರರು ಲಾಭ ಪಡೆಯಬಹುದು. ಪಿಂಚಣಿದಾರರ ಕನಿಷ್ಠ ಪಿಂಚಣಿ 9,000 ಇದ್ದರೆ, ಹೊಸ ಆಯೋಗದಲ್ಲಿ 20,000-25,000 ಆಗಬಹುದು ಎಂದು ಅಂದಾಜಿಸಲಾಗಿದೆ.
Disclaimer: This information is provided for awareness purposes only. For personalised legal advice, consult a qualified professional and refer to official government notifications.
