New Rule: ಇಂದಿನಿಂದ ದೇಶದಲ್ಲಿ ಜಾರಿಗೆ ಬಂತು ಹೊಸ ನಿಯಮಗಳು, ನಿಮ್ಮ ಜೇಬಿಗೆ ಇನ್ನಷ್ಟು ಹೊರೆ.
ಆಗಸ್ಟ್ ನಲ್ಲಿ ಯಾವೆಲ್ಲ ನಿಯಮಗಳು ಬದಲಾಗಬಹುದು ಎನ್ನುವ ಬಗ್ಗೆ ಮಾಹಿತಿ ತಿಳಿಯಿರಿ.
August First Rule: ದೇಶಾದ್ಯಂತ ಸರ್ಕಾರವು ಅನೇಕ ಹೊಸ ಹೊಸ ನಿಯಮಗಳು ಜಾರಿಗೆ ತರುತ್ತಿರುತ್ತದೆ. ಪ್ರತಿ ತಿಂಗಳು ಅಗತ್ಯ ವಸ್ತುಗಳ ಬೆಲೆಯಲ್ಲಿ ಏರಿಳಿತ ಕಂಡು ಬರುತಿರುತ್ತದೆ. ಜುಲೈ ತಿಂಗಳ ಪ್ರಾರಂಭದಲ್ಲಿ ಅನೇಕ ನಿಯಮಗಳನ್ನು ಸರ್ಕಾರ ಜಾರಿಗೆ ತಂದಿತ್ತು.
ಸಾಮಾನ್ಯವಾಗಿ ಪೆಟ್ರೋಲ್, ಡೀಸೆಲ್, ಎಲ್ ಪಿ ಜಿ ಗ್ಯಾಸ್ ಸಿಲಿಂಡರ್, ಬ್ಯಾಂಕ್ ಸಂಬಂಧಿತ ಕೆಲಸಗಳ ನಿಯಮದಲ್ಲಿ ಬದಲಾವಣೆಗಳನ್ನು ಮಾಡಲಾಗುತ್ತದೆ. ಇದೀಗ ಜುಲೈ ತಿಂಗಳು ಅಂತ್ಯಗೊಂಡು ಆಗಸ್ಟ್ ತಿಂಗಳು ಆರಂಭವಾಗಿದೆ. ಆಗಸ್ಟ್ ನಲ್ಲಿ ಯಾವೆಲ್ಲ ನಿಯಮಗಳು ಬದಲಾಗಬಹುದು ಎನ್ನುವ ಬಗ್ಗೆ ಇದೀಗ ತಿಳಿಯೋಣ.
ಆಗಸ್ಟ್ ನಲ್ಲಿ ಬದಲಾಗಲಿವೆ ಈ ನಿಯಮಗಳು
ಎಲ್ ಪಿ ಜಿ ಗ್ಯಾಸ್ ಸಿಲಿಂಡರ್ (LPG Gas Cylinder)
ಪ್ರತಿ ತಿಂಗಳ ಮೊದಲ ದಿನದಂದು ಗ್ಯಾಸ್ ಸಿಲಿಂಡರ್ ಗಳ ಬೆಲೆಯನ್ನು ನಿಗದಿಪಡಿಸಲಾಗುತ್ತದೆ. ಇನ್ನು ದೇಶಾದ್ಯಂತ ಆಗಸ್ಟ್ 1 , 2023 ರಿಂದ ಎಲ್ ಪಿ ಜಿ ಗ್ಯಾಸ್ ಸಿಲಿಂಡರ್ ಹಾಗೂ ವಾಣಿಜ್ಯ ಅನಿಲ ಸಿಲಿಂಡರ್ ಗಳ ಬೆಲೆಯನ್ನು ಬದಲಾಯಿಸಬಹುದು ಎಂದು ಹೇಳಲಾಗುತ್ತಿದೆ.
ಬ್ಯಾಂಕ್ ಖಾತೆ (Bank Account)
ನೀವು ಬ್ಯಾಂಕ್ ಆಫ್ ಬರೋಡಾ ಗ್ರಾಹಕರಾಗಿದ್ದರೆ ಈ ಬ್ಯಾಂಕ್ ನ ಬದಲಾವಣೆಯ ನಿಯಮಗಳ ಬಗ್ಗೆ ಮಾಹಿತಿ ತಿಳಿಯುದು ಉತ್ತಮ. ಬ್ಯಾಂಕ್ ಆಫ್ ಬರೋಡಾ ಆಗಸ್ಟ್ 1 ರಿಂದ ಧನಾತ್ಮಕ ಪಾವತಿ ವ್ಯವಸ್ಥೆಯನ್ನು ಪ್ರಾರಂಭಿಸಬಹುದು ಹಾಗೂ ಹಣದ ವಹಿವಾಟಿನ ನಿಯಮಗಳನ್ನು ಬದಲಾಯಿಸಬಹುದು.
ಪಿ ಎಂ ಕಿಸಾನ್ ಸಮ್ಮಾನ್ ಯೋಜನೆ (PM Kisan Samman Yojana)
ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಯ ಪ್ರಯೋಜನ ಪಡೆಯುವವರು ಇ-ಕೆವೈಸಿ ಮಾಡಿಸುದು ಕಡ್ಡಾಯವಾಗಿದೆ. ಕೇಂದ್ರ ಸರ್ಕಾರ ಆಗಸ್ಟ್ ಒಂದರಿಂದ ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಯಲ್ಲಿ ಕೆಲವು ನಿಯಮಗಳನ್ನು ಬದಲಾಯಿಸುವ ನಿರೀಕ್ಷೆಯಲ್ಲಿದೆ.
ಸಂಚಾರ ನಿಯಮ (Traffic Rules)
ದೇಶದಲ್ಲಿ ಸಾರಿಗೆ ಇಲಾಖೆ ಅನೇಕ ಸಂಚಾರ ನಿಯಮಗಳನ್ನು ಜಾರಿಗೆ ತರುತ್ತಿರುತ್ತದೆ. ಮದ್ಯಪಾನ ಸೇವಿಸಿ ವಾಹನ ಚಲಾಯಿಸುದು ಕಾನೂನು ಬಾಹಿರ. ಇನ್ನು ಮದ್ಯದ ಅಮಲಿನಲ್ಲಿ ವಾಹನ ಚಲಾಯಿಸಿದರೆ 10,000 ದಂಡ ಹಾಗೂ 6 ತಿಂಗಳ ಜೈಲು ಶಿಕ್ಷೆಯನ್ನು ವಿಧಿಸಲಾಗುತ್ತದೆ.
ಶಿಕ್ಷೆ ಅನುಭವಿಸಿದ ನಂತರವೂ ಮತ್ತೆ ಅದೇ ತಪ್ಪು ಮಾಡಿದರೆ 15,000 ದಂಡದ ಜೊತೆಗೆ 2 ವರ್ಷಗಳ ಕಾಲ ಜೈಲು ಶಿಕ್ಷೆಯನ್ನು ವಿಧಿಸಬಹುದು. ವಿಮೆ ಇಲ್ಲದೆ ವಾಹನ ಚಲಾಯಿಸಿದರೆ 5,000 ದಂಡವನ್ನು ಪಾವತಿಸಬೇಕಾಗಬಹುದು. ಹಾಗಾಗಿ ಸಂಚಾರ ನಿಯಮವನ್ನು ತಿಳಿದು ವಾಹನ ಚಲಾಯಿಸುದು ಉತ್ತಮ.
ಗೇಮಿಂಗ್ ಅಪ್ಲಿಕೇಶನ್ (Gaming application)
ಇದು ಗೇಮಿಂಗ್ ಅಪ್ಲಿಕೇಶನ್ ಗಳ ಯುಗವಾಗಿದೆ. ಕೆಲವು ಸಮಯಗಳ ಹಿಂದೆ ಸರಕಾರ ಗೇಮಿಂಗ್ ಅಪ್ಲಿಕೇಶನ್ ಗಳ ಮೇಲೆ 28% ಜಿ ಯಸ್ ಟಿ ಯನ್ನು ವಿಧಿಸಿತ್ತು. ಇದೆ ಕಾರಣದಿಂದಾಗಿ ಗೇಮಿಂಗ್ ಕಂಪನಿಗಳು ಸರ್ಕಾರದ ಮೇಲೆ ತುಂಬಾ ಕೋಪಗೊಂಡಿದ್ದವು. ಹೀಗಾಗಿ ಆಗಸ್ಟ್ 1, 2023 ರಿಂದ, ಸರ್ಕಾರವು ಗೇಮಿಂಗ್ ಅಪ್ಲಿಕೇಶನ್ ನ ಬಗ್ಗೆ ಹೊಸ ನಿರ್ಧಾರವನ್ನು ತೆಗೆದುಕೊಳ್ಳ ಬಹುದು ಎಂದು ನಿರೀಕ್ಷಿಸಲಾಗುತ್ತಿದೆ.
ರೈಲ್ವೆ ಟಿಕೆಟ್ (Railway Ticket)
ಆಗಸ್ಟ್ 1, 2023 ರಿಂದ, ನೀವು ರೈಲು ಟಿಕೆಟ್ ಕಾಯ್ದಿರಿಸಿದರೆ ಮತ್ತು ನೀವು 10 ನಿಮಿಷಗಳ ಮುಂಚಿತವಾಗಿ ನಿಮ್ಮ ಆಸನವನ್ನು ತಲುಪದಿದ್ದರೆ ಆ ಆಸನವು ಬೇರೊಬ್ಬರಿಗೆ ಹೋಗಬಹುದು.
ಎಲೆಕ್ಟ್ರೀಕ್ ಕಾರುಗಳಿಗೆ ರಿಯಾಯಿತಿ (Electric Car Offer)
ಕೆಲವು ರಾಜ್ಯಗಳಲ್ಲಿ ಎಲೆಕ್ಟ್ರಿಕ್ ಕಾರುಗಳು ಮತ್ತು ಎಲೆಕ್ಟ್ರಿಕ್ ಮೋಟಾರ್ ಸೈಕಲ್ ಗಳ ಖರೀದಿಗೆ ಸರ್ಕಾರ ಸಬ್ಸಿಡಿ ನೀಡಬಹುದು. ಈ ನಿಯಮದಿಂದ ಎಲೆಕ್ಟ್ರಿಕ್ ವಾಹನಗಳ ಖರೀದಿಯ ಬೆಲೆ ಕಡಿಮೆಯಾಗಬಹುದು.