Aadhar Card Scam In India: ಆಧಾರ್ ಕಾರ್ಡ್ ಜನರಿಗೆ ಅಗತ್ಯವಾದ ದಾಖಲೆಯಾಗಿದೆ. ಆಧಾರ್ ಕಾರ್ಡ್ (Aadhar Card) ಇಲ್ಲದೆ ಈಗಿನ ಕಾಲದಲ್ಲಿ ಯಾವ ಕೆಲಸವೂ ಸಹ ನಡೆಯುವುದಿಲ್ಲ. ಈಗ ಪ್ರತಿಯೊಂದು ಕೆಲಸಕ್ಕೂ ಆಧಾರ್ ಕಾರ್ಡ್ ಅಗತ್ಯವಾಗಿದೆ. ಸಿಮ್ ಕಾರ್ಡ್, ಬ್ಯಾಂಕ್ ನಲ್ಲಿ ಖಾತೆ ತೆರೆಯುವುದು ಸೇರಿದಂತೆ ಸರ್ಕಾರಿ ಯೋಜನೆಗೆ ಅರ್ಜಿ ಸಲ್ಲಿಸಲು ಆಧಾರ್ ಕಾರ್ಡ್ ಪ್ರಮುಖವಾದ ದಾಖಲೆಯಾಗಿದೆ.
ನಿಮ್ಮ ಆಧಾರ್ ಕಾರ್ಡ್ ಮೂಲಕವೂ ವಂಚನೆ ಸಂಭವಿಸುವ ಸಾಧ್ಯತೆ ಇರುತ್ತದೆ. ಆಧಾರ್ ಕಾರ್ಡ್ ಹೊಂದಿರುವವರು ಯಾವುದೇ ಕಾರಣಕ್ಕೂ ಈ ತಪ್ಪುಗಳನ್ನು ಮಾಡಬಾರದು.
ಆಧಾರ್ ಕಾರ್ಡ್ ಇರುವವರು ಈ ತಪ್ಪುಗಳನ್ನು ಮಾಡಬೇಡಿ
* ಕೆಲವು ಜನರು ತನ್ನ ಆಧಾರ್ ಕಾರ್ಡ್ ಡೌನ್ಲೋಡ್ ಮಾಡಲು ತಮ್ಮ ಕಚೇರಿ ಕಂಪ್ಯೂಟರ್, ಸ್ನೇಹಿತರ ಕಂಪ್ಯೂಟರ್ ಅಥವಾ ಸೈಬರ್ ಕೆಫೆಯಲ್ಲಿ ಸ್ಥಾಪಿಸಲಾದ ವ್ಯವಸ್ಥೆಯನ್ನು ಬಳಸುತ್ತಾರೆ. ಇದನ್ನು ಎಂದಿಗೂ ಮಾಡಬೇಡಿ, ಇಲ್ಲದಿದ್ದರೆ ನಿಮ್ಮ ಇ ಆಧಾರ್ ಮತ್ತು ಇತರ ಮಾಹಿತಿ ಸೋರಿಕೆಯಾಗಬಹುದು. ಅಲ್ಲದೆ ಈ ಇ- ಆಧಾರ್ ಅನ್ನು ಬೇರೆ ಯಾರಾದರೂ ಡೌನ್ ಲೋಡ್ ಮಾಡಬಹುದು. ಆದ್ದರಿಂದ ಯಾವಾಗಲೂ ಈ ಕೆಲಸವನ್ನು ನಿಮ್ಮ ಸಿಸ್ಟಮ್ ಅಥವಾ ಮೊಬೈಲ್ ನಿಂದ ಮಾಡುವುದು ಉತ್ತಮ.
* ನಿಮ್ಮ ಮೂಲ ಆಧಾರ್ ಕಾರ್ಡ್ ಅಥವಾ ಅದರ ಫೋಟೋಕಾಪಿಯನ್ನು ಯಾರಿಗೂ ನೀಡಬೇಡಿ. ಇಲ್ಲದಿದ್ದರೆ ಅದನ್ನು ದುರುಪಯೋಗಪಡಿಸಿಕೊಳ್ಳಬಹುದು. ಯಾರಿಗಾದರೂ ಅದನ್ನು ನೀಡಬೇಕಾದರೆ ಅದರ ಒಂದು ಪ್ರತಿಯನ್ನು ಅವರಿಗೆ ನೀಡಿ, ಆದರೆ ಮೂಲ ಆಧಾರ್ ನೀಡಬಾರದು.
* ಸಾಮಾನ್ಯವಾಗಿ ಯಾರಾದರೂ ಆಧಾರ್ ನ ನಕಲನ್ನು ನೀಡಬೇಕಾದಾಗ ಜನರು ಆಧಾರ್ ಕಾರ್ಡ್ ಜೆರಾಕ್ಸ್ ನೀಡುತ್ತಾರೆ. ಆದರೆ ಈ ತಪ್ಪನ್ನು ಎಂದಿಗೂ ಮಾಡಬೇಡಿ. ಇಲ್ಲದಿದ್ದರೆ ಈ ನಕಲನ್ನು ಅನೇಕ ರೀತಿಯಲ್ಲಿ ಬಳಸಬಹುದು. ನೀವು ಮಾಡಬೇಕಾಗಿರುವುದು ಯಾವ ಕೆಲಸಕ್ಕಾಗಿ ಆಧಾರ್ ಕಾರ್ಡ್ ಪ್ರತಿಯನ್ನು ನೀಡುತ್ತಿದ್ದೀರಾ ಅದನ್ನು ಜೆರಾಕ್ಸ್ ಪ್ರತಿ ಮೇಲೆ ಬರೆಯಬೇಕು.