ಇನ್ನುಮುಂದೆ ಭಾಪೂಜಿ ಸೇವಾ ಕೇಂದ್ರದಲ್ಲೆ ಸಿಗಲಿದೆ ಈ ಎಲ್ಲಾ ಸೇವೆಗಳು, ಗ್ರಾಮೀಣ ಭಾಗದ ಜನರಿಗೆ ಸಿಹಿಸುದ್ದಿ

Bapuji Seva Kendra Karnataka: ಸರ್ಕಾರಿ ಕೆಲಸ ಅಂದ್ರೆ “ದೇವ್ರು ವರ ಕೊಟ್ರು ಪೂಜಾರಿ ವರ ಕೊಡಲ್ಲ” ಅನ್ನೋ ಮಾತಿತ್ತು. ಚಿಕ್ಕದೊಂದು ದಾಖಲೆಗಾಗಿ ತಾಲೂಕು ಕಚೇರಿಗಳಿಗೆ ಅಲೆದಾಡಿ, ಕ್ಯೂನಲ್ಲಿ ನಿಂತು, ಮಧ್ಯವರ್ತಿಗಳ ಕಾಟ ತಾಳಲಾರದೆ ಗ್ರಾಮೀಣ ಜನರು ಸಮಸ್ಯೆ ಎದುರಿಸುತ್ತಿದ್ದರು. ಆದರೆ, ಈಗ ರಾಜ್ಯದ ಹಳ್ಳಿ ಹಳ್ಳಿಯಲ್ಲೂ ಸಂಚಲನ ಮೂಡಿಸುವಂತ ಸುದ್ದಿ ಹೊರಬಿದ್ದಿದೆ. ನಿಮ್ಮ ಮನೆಯ ಬಾಗಿಲಲ್ಲೇ ಅರಸಿ ಬರಲಿದೆ ಸರ್ಕಾರದ ನೂರಾರು ಸೇವೆಗಳು! ಏನದು ಹೊಸ ಬದಲಾವಣೆ? ಇಲ್ಲಿದೆ ಸಂಪೂರ್ಣ ಮಾಹಿತಿ.

ಗ್ರಾಮ ಪಂಚಾಯಿತಿಯೇ ಮಿನಿ ತಾಲೂಕು ಕಚೇರಿ!

ಹೌದು, ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆಯು (RDPR) ಗ್ರಾಮೀಣ ಜನರಿಗೆ ಸಿಹಿ ಸುದ್ದಿಯೊಂದನ್ನು ನೀಡಿದೆ. ಇನ್ಮುಂದೆ ಜಾತಿ ಪ್ರಮಾಣ ಪತ್ರ, ಆದಾಯ ಪ್ರಮಾಣ ಪತ್ರ ಸೇರಿದಂತೆ ನೂರಾರು ಸರ್ಕಾರಿ ಸೇವೆಗಳಿಗಾಗಿ ನೀವು ಪಟ್ಟಣಕ್ಕೆ ಹೋಗಬೇಕಿಲ್ಲ. ನಿಮ್ಮ ಗ್ರಾಮ ಪಂಚಾಯಿತಿಯಲ್ಲಿರುವ ಬಾಪೂಜಿ ಸೇವಾ ಕೇಂದ್ರಗಳಲ್ಲೇ (Bapuji Seva Kendra) ಈ ಎಲ್ಲಾ ಸೇವೆಗಳು ಲಭ್ಯವಾಗಲಿವೆ.

ರಾಜ್ಯ ಸರ್ಕಾರವು ಬಾಪೂಜಿ ಸೇವಾ ಕೇಂದ್ರಗಳನ್ನು ಮೇಲ್ದರ್ಜೆಗೇರಿಸಿದ್ದು, ಕಂದಾಯ ಇಲಾಖೆ, ಆರೋಗ್ಯ ಇಲಾಖೆ, ಕಾರ್ಮಿಕ ಇಲಾಖೆ ಸೇರಿದಂತೆ ಸುಮಾರು 40ಕ್ಕೂ ಹೆಚ್ಚು ಇಲಾಖೆಗಳ 200ಕ್ಕೂ ಅಧಿಕ ಹೊಸ ಸೇವೆಗಳನ್ನು ಸೇರ್ಪಡೆ ಮಾಡಿದೆ. ಇದರಿಂದಾಗಿ ಬಾಪೂಜಿ ಸೇವಾ ಕೇಂದ್ರಗಳು ಈಗ ‘ಒನ್ ಸ್ಟಾಪ್ ಸೊಲ್ಯೂಷನ್’ ಆಗಿ ಮಾರ್ಪಟ್ಟಿವೆ.

ಯಾವೆಲ್ಲಾ ಪ್ರಮುಖ ಸೇವೆಗಳು ಲಭ್ಯ?

ಗ್ರಾಮ ಒನ್ (Grama One) ಮತ್ತು ಸೇವಾ ಸಿಂಧು (Seva Sindhu) ಪೋರ್ಟಲ್‌ನಲ್ಲಿ ಲಭ್ಯವಿರುವ ಬಹುತೇಕ ಸೇವೆಗಳನ್ನು ಈಗ ಗ್ರಾಮ ಪಂಚಾಯತ್ ಮಟ್ಟದ ಬಾಪೂಜಿ ಸೇವಾ ಕೇಂದ್ರಗಳಿಗೂ ವಿಸ್ತರಿಸಲಾಗಿದೆ. ಪ್ರಮುಖವಾಗಿ ಈ ಕೆಳಗಿನ ಸೇವೆಗಳನ್ನು ನೀವು ಪಡೆಯಬಹುದು:

• ಕಂದಾಯ ದಾಖಲೆಗಳು: ಜಾತಿ ಮತ್ತು ಆದಾಯ ಪ್ರಮಾಣ ಪತ್ರ, ಪಹಣಿ (RTC), ವಿಧವಾ ವೇತನ ಪ್ರಮಾಣ ಪತ್ರ.
• ಆಧಾರ್ ಸೇವೆಗಳು: ಆಧಾರ್ ಕಾರ್ಡ್ ತಿದ್ದುಪಡಿ, ಬಯೋಮೆಟ್ರಿಕ್ ಅಪ್‌ಡೇಟ್, ಮೊಬೈಲ್ ಸಂಖ್ಯೆ ಜೋಡಣೆ.
• ಕಾರ್ಮಿಕ ಇಲಾಖೆ: ಲೇಬರ್ ಕಾರ್ಡ್ ನೋಂದಣಿ, ವಿದ್ಯಾರ್ಥಿ ವೇತನ ಅರ್ಜಿ, ನವೀಕರಣ.
• ಆರೋಗ್ಯ: ಆಯುಷ್ಮಾನ್ ಭಾರತ್ ಆರೋಗ್ಯ ಕಾರ್ಡ್ (ABHA Card) ನೋಂದಣಿ ಮತ್ತು ಪ್ರಿಂಟ್.
• ರೇಷನ್ ಕಾರ್ಡ್: ತಿದ್ದುಪಡಿ ಮತ್ತು ಹೊಸ ಸದಸ್ಯರ ಸೇರ್ಪಡೆಗೆ ಸಂಬಂಧಿಸಿದ ಸೇವೆಗಳು (ಅರ್ಜಿ ಆಹ್ವಾನಿಸಿದಾಗ).
• ಇತರೆ: ಕಟ್ಟಡ ಪರವಾನಗಿ, ನರೇಗಾ ಜಾಬ್ ಕಾರ್ಡ್, ತೆರಿಗೆ ಪಾವತಿ.

ರೈತರಿಗೆ ಮತ್ತು ವಿದ್ಯಾರ್ಥಿಗಳಿಗೆ ಹೆಚ್ಚಿನ ಲಾಭ

ಹಿಂದೆಲ್ಲಾ ರೈತರು ಪಹಣಿ (RTC) ತೆಗೆಸಲು ನಾಡಕಚೇರಿಗೆ ಹೋಗಬೇಕಿತ್ತು. ಈಗ ಆ ಸಮಸ್ಯೆ ಇಲ್ಲ. ಹಾಗೆಯೇ ವಿದ್ಯಾರ್ಥಿಗಳು ಸ್ಕಾಲರ್‌ಶಿಪ್‌ಗೆ ಬೇಕಾದ ಆದಾಯ ಪ್ರಮಾಣ ಪತ್ರಕ್ಕಾಗಿ ಶಾಲಾ ದಿನಗಳನ್ನು ಬಿಟ್ಟು ಅಲೆದಾಡುವುದು ತಪ್ಪಲಿದೆ. ತಮ್ಮ ಊರಿನ ಗ್ರಾಮ ಪಂಚಾಯಿತಿಯಲ್ಲೇ ಅರ್ಜಿ ಸಲ್ಲಿಸಿ, ಅಲ್ಲಿಯೇ ಪ್ರಮಾಣ ಪತ್ರವನ್ನೂ ಪಡೆಯಬಹುದು.

ಸೇವೆ ಪಡೆಯುವುದು ಹೇಗೆ?

ನಿಮಗೆ ಯಾವುದೇ ಸರ್ಕಾರಿ ಸೇವೆ ಅಥವಾ ದಾಖಲೆ ಬೇಕಿದ್ದಲ್ಲಿ, ನೇರವಾಗಿ ನಿಮ್ಮ ವ್ಯಾಪ್ತಿಯ ಗ್ರಾಮ ಪಂಚಾಯತ್ ಕಚೇರಿಗೆ ಭೇಟಿ ನೀಡಿ. ಅಲ್ಲಿರುವ ‘ಬಾಪೂಜಿ ಸೇವಾ ಕೇಂದ್ರ’ದ ಪ್ರತಿನಿಧಿಯನ್ನು ಸಂಪರ್ಕಿಸಿ (Data Entry Operator). ನಿಗದಿತ ಸರ್ಕಾರಿ ಶುಲ್ಕವನ್ನು ಪಾವತಿಸಿ ರಸೀದಿ ಪಡೆಯಿರಿ. ಮಧ್ಯವರ್ತಿಗಳಿಗೆ ದುಡ್ಡು ಕೊಟ್ಟು ಮೋಸಹೋಗಬೇಡಿ.