Best Investment Scheme For Children’s: ಸಾಮಾನ್ಯವಾಗಿ ಪೋಷಕರು ಯಾವಾಗಲು ತಮ್ಮ ಮಕ್ಕಳ ಭವಿಷ್ಯದ ಬಗ್ಗೆ ಹೆಚ್ಚು ಯೋಚಿಸುತ್ತಾರೆ. ಮಕ್ಕಳ ಮುಂದಿನ ಭವಿಷ್ಯದ ಜವಾಬ್ದಾರಿ ಪೋಷಕರ ಹೊಣೆ ಆಗಿರುತ್ತದೆ. ಹೀಗಾಗಿ ಮಕ್ಕಳು ಜನಿಸಿದ ತಕ್ಷಣ ಪೋಷಕರಿಗೆ ಮಕ್ಕಳ ಭವಿಷ್ಯದ ಬಗ್ಗೆ ಚಿಂತೆ ಹುಟ್ಟುತ್ತದೆ.
ಇನ್ನು ನಿಮ್ಮ ಮಕ್ಕಳ ಭವಿಷ್ಯದ ಚಿಂತೆಯನ್ನು ದೂರಮಾಡಿಕೊಳ್ಳಲು ನೀವು ಉಳಿತಾಯ ಯೋಜನೆಗಳಲ್ಲಿ ಹೂಡಿಕೆಯನ್ನು ಮಾಡಬಹುದು. ಉಳಿತಾಯ ಯೋಜನೆಗಳ ಹೂಡಿಕೆಗಳಿಂದ ನೀವು ನಿಮ್ಮ ಮಕ್ಕಳ ಭವಿಷ್ಯಕ್ಕೆ ಆರ್ಥಿಕ ಸ್ಥಿರತೆಯನ್ನು ಕಂಡುಕೊಳ್ಳಬಹುದು.
ಕೇವಲ 500 ರೂ. ಗಳಲ್ಲಿ ನಿಮ್ಮ ಮಕ್ಕಳ ಭವಿಷ್ಯಕ್ಕೆ ಹೂಡಿಕೆ ಆರಂಭಿಸಿ
ಇನ್ನು ನಿಮ್ಮ ಮಕ್ಕಳ ಹೆಸರಿನಲ್ಲಿ ಹೂಡಿಕೆ ಮಾಡಲು ದೊಡ್ಡ ಮೊತ್ತದ ಅಗತ್ಯ ಇರುವುದಿಲ್ಲ. ಕೇವಲ 500 ರೂ. ಗಳಲ್ಲಿ ನೀವು ಹೂಡಿಕೆಯನ್ನು ಆರಂಭಿಸಬಹುದು. ಹೌದು, 500 ರೂ. ನಿಂದ ಹೂಡಿಕೆಯನ್ನು ಆರಂಭಿಸುವ ಮೂಲಕ ನಿಮ್ಮ ಮಕ್ಕಳ ಭವಿಷ್ಯಕಾಗಿ ನೀವು ಹಣವನ್ನು ಕೂಡಿಡಬಹುದು. ಇದೀಗ ನಾವು ಈ ಲೇಖನದಲ್ಲಿ 500 ರೂ. ನಲ್ಲಿ ಹೂಡಿಕೆ ಮಾಡಲು ಲಭ್ಯವಿರುವ ಯೋಜನೆಗಳಾವುವು…? ಈ ಹೂಡಿಕೆಯಿಂದ ಎಷ್ಟು ಲಾಭವನ್ನು ಪಡೆಯಬಹುದು..? ಎನ್ನುವುದರ ಬಗ್ಗೆ ತಿಳಿಯೋಣ.
500 ರೂ ಹೂಡಿಕೆ ಮಾಡಿ ನಿಮ್ಮ ಮಗುವಿನ ಹೆಸರಲ್ಲಿ ಈ ಯೋಜನೆ ಆರಂಭಿಸಿದರೆ ಸಿಗಲಿದೆ ಲಕ್ಷಕ್ಕೂ ಅಧಿಕ ಲಾಭ
*PPF Investment
PPF ನಲ್ಲಿ ಮಕ್ಕಳ ಹೆಸರಿನಲ್ಲಿ ತಿಂಗಳಿಗೆ 500 ರೂಪಾಯಿ ಠೇವಣಿ ಇಟ್ಟರೆ ನೀವು ಶೇಕಡಾ 7.1 ರ ದರದಲ್ಲಿ ಚಕ್ರಬಡ್ಡಿಯ ಲಾಭವನ್ನು ಪಡೆಯುತ್ತೀರಿ.ಈ ಯೋಜನೆಯು 15 ವರ್ಷಗಳಲ್ಲಿ ಪಕ್ವವಾಗುತ್ತದೆ. ಇದರಲ್ಲಿ ಪ್ರತಿ ತಿಂಗಳು 500 ರೂ. ಗಳನ್ನು ಠೇವಣಿ ಇಟ್ಟರೆ ವಾರ್ಷಿಕವಾಗಿ 6,000 ರೂ. ಮತ್ತು 15 ವರ್ಷಗಳಲ್ಲಿ 90,000 ರೂ. ಪಡೆಯಬಹುದು.
PPF ಕ್ಯಾಲ್ಕುಲೇಟರ್ ಪ್ರಕಾರ, ನೀವು 15 ವರ್ಷಗಳಲ್ಲಿ 72,728 ರೂಪಾಯಿಗಳನ್ನು ಬಡ್ಡಿಯಾಗಿ ಪಡೆಯುತ್ತೀರಿ ಮತ್ತು ಮೆಚ್ಯೂರಿಟಿಯಲ್ಲಿ ನೀವು ಒಟ್ಟು 1,62,728 ರೂಪಾಯಿಗಳನ್ನು ಪಡೆಯುತ್ತೀರಿ. ಆದರೆ ನೀವು ಈ ಯೋಜನೆಯನ್ನು ಇನ್ನೂ 5 ವರ್ಷಗಳವರೆಗೆ ಮುಂದುವರಿಸಿದರೆ, ನಂತರ ನೀವು 20 ವರ್ಷಗಳಲ್ಲಿ 2,66,332 ರೂಗಳನ್ನು ಸಂಗ್ರಹಿಸುತ್ತೀರಿ.
*SSY Investment
ನೀವು ಸುಕನ್ಯಾ ಸಮೃದ್ಧಿ ಯೋಜನೆಯಲ್ಲಿ ಕನಿಷ್ಠ ರೂ 250 ಮತ್ತು ಗರಿಷ್ಠ ರೂ 1.50 ಲಕ್ಷ ಹೂಡಿಕೆ ಮಾಡಬಹುದು. ಪ್ರಸ್ತುತ, ಈ ಯೋಜನೆಯಲ್ಲಿ ಬಡ್ಡಿಯು 8.20% ಆಗಿದೆ. ಹೂಡಿಕೆಯನ್ನು 15 ವರ್ಷಗಳವರೆಗೆ ಮಾಡಬೇಕು ಮತ್ತು ಯೋಜನೆಯು 21 ವರ್ಷಗಳಲ್ಲಿ ಪಕ್ವವಾಗುತ್ತದೆ. ಈ ಯೋಜನೆಯಲ್ಲಿ ನೀವು ಪ್ರತಿ ತಿಂಗಳು 500 ರೂಪಾಯಿಗಳನ್ನು ಹೂಡಿಕೆ ಮಾಡಿದರೆ, ನಿಮ್ಮ ಒಟ್ಟು ಹೂಡಿಕೆ 15 ವರ್ಷಗಳಲ್ಲಿ 90 ಸಾವಿರ ರೂ ಆಗುತ್ತದೆ. ಹೂಡಿಕೆಯ ಮೊತ್ತಕ್ಕೆ ನಿಮಗೆ ಬಡ್ಡಿಯಾಗಿ 1,87,103 ರೂ. ಸಿಗಲಿದೆ. ಯೋಜನೆಯ ಮುಕ್ತಾಯದ ನಂತರ ನೀವು 2,77,103 ರೂ. ಪಡೆಯಬಹುದು.
*SIP Investment
ನೀವು SIP ಮೂಲಕ ಮ್ಯೂಚುವಲ್ ಫಂಡ್‌ ಗಳಲ್ಲಿ ಹೂಡಿಕೆ ಮಾಡಬಹುದು. ಮ್ಯೂಚುವಲ್ ಫಂಡ್‌ ಗಳಲ್ಲಿ, ಸರಾಸರಿ 12 ಪ್ರತಿಶತದಷ್ಟು ಲಾಭವನ್ನು ಪಡೆಯುತ್ತೀರಿ. ನೀವು ತಿಂಗಳಿಗೆ 500 ರೂ ದರದಲ್ಲಿ ಹೂಡಿಕೆ ಮಾಡಿದರೆ, ನಂತರ 15 ವರ್ಷಗಳ ನಂತರ 12 ಪ್ರತಿಶತ ಬಡ್ಡಿ ದರದಲ್ಲಿ, ನೀವು 2,52,288 ರೂ. ಗಳನ್ನು ಮೆಚ್ಯೂರಿಟಿ ಮೊತ್ತವಾಗಿ ತೆಗೆದುಕೊಳ್ಳಬಹುದು. ಮತ್ತೊಂದೆಡೆ ನೀವು ಇನ್ನೂ 5 ವರ್ಷಗಳವರೆಗೆ ಅಂದರೆ 20 ವರ್ಷಗಳವರೆಗೆ ಹೂಡಿಕೆಯನ್ನು ಮುಂದುವರಿಸಿದರೆ, ನಂತರ ಶೇಕಡಾ 12 ರ ದರದಲ್ಲಿ ನೀವು ರೂ. 4,99,574 ಅಂದರೆ ಸುಮಾರು ರೂ. 5 ಲಕ್ಷವನ್ನು ಸಂಗ್ರಹಿಸಬಹುದು.