World Cup Trophy: ICC ವಿಶ್ವಕಪ್ ತಯಾರಿಸುವುದು ಯಾರು..? ಒಂದು ವಿಶ್ವಕಪ್ ಬೆಲೆ ಮತ್ತು ತೂಕ ಎಷ್ಟಿರುತ್ತೆ ನೋಡಿ.
ICC ವಿಶ್ವಕಪ್ ತಯಾರಿಸುವುದು ಯಾರು..?
Details About World Cup Trophy: ಸ್ಪೋಟ್ಸ್ ವಿಭಾಗದಲ್ಲಿ ಕ್ರಿಕೆಟ್ ಗೆ ಹೆಚ್ಚಿನ ಅಭಿಮಾನಿಗಳಿರುತ್ತಾರೆ. ಕ್ರಿಕೆಟ್ ಪಂದ್ಯ ಯಾವಾಗ ನಡೆಯುತ್ತದೆ ಎಂದು ಕ್ರಿಕೆಟ್ ಪ್ರಿಯರು ಕಾಯುತ್ತ ಇರುತ್ತಾರೆ. ಇನ್ನು ODI ಮತ್ತು T20 ವಿಶ್ವಕಪ್ ಪಂದ್ಯ ಅದ್ದೂರಿಯಾಗಿ ನಡೆಯುತ್ತಿರುತ್ತದೆ. ಐಸಿಸಿ ನಡೆಸುವ ODI ಮತ್ತು T20 ವಿಶ್ವಕಪ್ ಪಂದ್ಯಾವಳಿಗಳ ವಿಜೇತ ತಂಡಕ್ಕೆ ಆಕರ್ಷಕ ಟ್ರೋಫಿಗಳನ್ನು ನೀಡಲಾಗುತ್ತದೆ. ಈ ಪಂದ್ಯದ ವಿಜೇತ ತಂಡಕ್ಕೆ ನೀಡುವ ಟ್ರೋಫಿ ಬಗ್ಗೆ ಹೆಚ್ಚಿನ ಜನರಿಗೆ ಸಾಕಷ್ಟು ಪ್ರಶ್ನೆಗಳಿರಬಹುದು.
ಅಂತಿಮವಾಗಿ ಈ ವಿಶ್ವಕಪ್ ಟ್ರೋಫಿಯನ್ನು ಯಾರು ಉಳಿಸಿಕೊಳ್ಳುತ್ತಾರೆ…? ಇದನ್ನು ವಿನ್ಯಾಸಗೊಳಿಸಿದವರು ಯಾರು..? ತಯಾರಕರು ಯಾರು..? ಚಾಂಪಿಯನ್ ತಂಡಕ್ಕೆ ಟ್ರೋಫಿಯನ್ನು ಎಷ್ಟು ನೀಡಲಾಗುತ್ತದೆ..? ಎಂಬೆಲ್ಲ ಹಲವಾರು ಪ್ರಶ್ನೆಗಳು ನಿಮ್ಮಲ್ಲಿರಬಹುದು. ನಾವೀಗ ಈ ಲೇಖನದಲ್ಲಿ ಈ ಎಲ್ಲ ಪ್ರಶ್ನೆಗಳ ಬಗ್ಗೆ ಒಂದಿಷ್ಟು ಮಾಹಿತಿ ನೀಡಲಿದ್ದೇವೆ.
ICC ವಿಶ್ವಕಪ್ ತಯಾರಿಸುವುದು ಯಾರು..?
ಟಿ20 ವಿಶ್ವಕಪ್ ಟ್ರೋಫಿಯು ಏಕದಿನ ವಿಶ್ವಕಪ್ ಗಿಂತ ಭಿನ್ನವಾಗಿದೆ. ಏಕದಿನ ವಿಶ್ವಕಪ್ ಟ್ರೋಫಿ ಚಿನ್ನದಿಂದ ಮಾಡಿದ್ದರೆ, ಟಿ20 ವಿಶ್ವಕಪ್ ಟ್ರೋಫಿ ಬೆಳ್ಳಿಯಿಂದ ಮಾಡಲ್ಪಟ್ಟಿದೆ. T20 ವಿಶ್ವಕಪ್ ನ ಮೊದಲ ಆವೃತ್ತಿಯಲ್ಲಿ ಅಂದರೆ 2007 ರಲ್ಲಿ, ಟ್ರೋಫಿಯನ್ನು ಆಸ್ಟ್ರೇಲಿಯಾದ ಮಿನಾಲೆ ಬ್ರೈಸ್ ಡಿಸೈನ್ ಸ್ಟ್ರಾಟಜಿ ವಿನ್ಯಾಸಗೊಳಿಸಿದರು ಮತ್ತು ಭಾರತದಲ್ಲಿ ಅಮಿತ್ ಪಬುವಾಲ್ ತಯಾರಿಸಿದರು.
ಇದರ ನಂತರ ಇದನ್ನು ಲಂಡನ್‌ ನ ಲಿಂಕ್ಸ್ ನಿರ್ಮಿಸಲು ಪ್ರಾರಂಭಿಸಿತು. 2021 ರಲ್ಲಿ, ಥಾಮಸ್ ಟ್ರೋಫಿಯ ಅಧಿಕೃತ ಸೃಷ್ಟಿಕರ್ತರಾದರು. ಈ ಟ್ರೋಫಿಯನ್ನು ಸಂಪೂರ್ಣವಾಗಿ ಬೆಳ್ಳಿ ಮತ್ತು ರೋಢಿಯಮ್‌ ನಿಂದ ಮಾಡಲಾಗಿದೆ. ಇದರ ತೂಕ ಸುಮಾರು 12 ಕೆ.ಜಿ. ಇದರ ಎತ್ತರ 57.15 ಸೆಂ. ಅಗಲ 16.5 ಸೆಂ. ಮಾಧ್ಯಮಗಳ ವರದಿ ಪ್ರಕಾರ ಇದರ ಬೆಲೆ 15-20 ಲಕ್ಷ ರೂ. ಎಂದು ಹೇಳಲಾಗುತ್ತದೆ.
ಅಂತಿಮವಾಗಿ ಈ ವಿಶ್ವಕಪ್ ಟ್ರೋಫಿ ಯಾರ ಬಳಿ ಇರುತ್ತದೆ…?
ಏಕದಿನ ವಿಶ್ವಕಪ್ ನಂತೆಯೇ, T20 ವಿಶ್ವಕಪ್ ನ ನಿಜವಾದ ಟ್ರೋಫಿಯನ್ನು ತಂಡಕ್ಕೆ ನೀಡಲಾಗುವುದಿಲ್ಲ. ಬದಲಿಗೆ, ಐಸಿಸಿ ಈ ಟ್ರೋಫಿಯನ್ನು ತನ್ನೊಂದಿಗೆ ಇಟ್ಟುಕೊಂಡಿದೆ. ಆದರೆ ತದ್ರೂಪಿ ಟ್ರೋಫಿಯನ್ನು (ಇನ್ನೊಂದು ಟ್ರೋಫಿ ಒಂದೇ ರೀತಿ ಕಾಣುತ್ತದೆ) ವಿಜೇತ ತಂಡಕ್ಕೆ ನೀಡಲಾಗುತ್ತದೆ. ICC ಪ್ರತಿ ತಂಡಕ್ಕೆ ಅನುಗುಣವಾಗಿ ಎಲ್ಲಾ ಮೂಲ ಟ್ರೋಫಿಗಳನ್ನು ಉಳಿಸಿಕೊಂಡಿದೆ.
ವಿಜೇತ ತಂಡವು ಪಡೆದ ಟ್ರೋಫಿಯನ್ನು ಯಾವುದೇ ಆಟಗಾರ, ನಾಯಕ ಅಥವಾ ಕೋಚ್‌ ಗೆ ನೀಡಲಾಗುವುದಿಲ್ಲ. ಬದಲಾಗಿ ಆಯಾ ಚಾಂಪಿಯನ್ ತಂಡದ ಕ್ರಿಕೆಟ್ ಮಂಡಳಿಯು ಟ್ರೋಫಿಯನ್ನು ಇಟ್ಟುಕೊಳ್ಳುತ್ತದೆ. ಇದಕ್ಕೂ ಮುನ್ನ ಭಾರತ 3 ವಿಶ್ವಕಪ್ ಗೆದ್ದಿತ್ತು. ಇವುಗಳಲ್ಲಿ 2007 ರ T20 ವಿಶ್ವಕಪ್ ಮತ್ತು 1983 ಮತ್ತು 2011 ODI ವಿಶ್ವಕಪ್ ಸೇರಿವೆ. ಬಿಸಿಸಿಐ ಈ ಮೂರು ವಿಶ್ವಕಪ್ ಟ್ರೋಫಿಗಳನ್ನು ಇಟ್ಟುಕೊಂಡಿದೆ.
