WhatsApp Block: ವಾಟ್ಸಾಪ್ ನಿಮ್ಮನ್ನು ಯಾರು ಬ್ಲಾಕ್ ಮಾಡಿದ್ದಾರೆ…? ಈ ರೀತಿಯಲ್ಲಿ ಸುಲಭವಾಗಿ ಚೆಕ್ ಮಾಡಿಕೊಳ್ಳಿ.

WhatsApp Account Block: ಜನಪ್ರಿಯ ಚಾಟಿಂಗ್ ಅಪ್ಲಿಕೇಶನ್ ಆಗಿರುವ WhatsApp ಅನ್ನು ವಿಶ್ವದೆಲ್ಲೆಡೆ ಅದೆಷ್ಟೋ ಮಿಲಿಯನ್ ನಷ್ಟು ಜನರು ಬಳಸುತ್ತಿದ್ದಾರೆ. ಇತ್ತೀಚೆಗಂತೂ ವಾಟ್ಸಾಪ್ ಹತ್ತು ಹಲವು ಆಕರ್ಷಕ ಫೀಚರ್ ನ ಮೂಲಕ ಬಳಕೆದಾರರಿಗೆ ಇನ್ನಷ್ಟು ಹತ್ತಿರವಾಗುತ್ತಿದೆ. ಬಳಕೆದಾರರು ಯಾವುದೇ ತೊಂದರೆಯಿಲ್ಲದೆ ಎಲ್ಲ ಫೀಚರ್ ಗಳ ಪ್ರಯೋಜನವನ್ನು ಪಡೆಯುತ್ತಿದ್ದಾರೆ.

ಇನ್ನು WhatsApp ನಲ್ಲಿ Block ಆಯ್ಕೆ ಇರುವುದು ಎಲ್ಲರಿಗು ತಿಳಿದಿರುವ ವಿಚಾರ. ಈ ಬ್ಲಾಕ್ ಆಯ್ಕೆ ಇರುವುದರಿಂದ ಬಳಕೆದಾರರಿಗೆ ಬೇಡವಾದ ವ್ಯಕ್ತಿಯನ್ನು ಸಂಪೂರ್ಣವಾಗಿ ತಮ್ಮ ವಾಟ್ಸಾಪ್ ನಿಂದ ನಿರ್ಬಂಧ ಮಾಡಬಹುದಾಗಿದೆ. ಕೆಲವೊಮ್ಮೆ ವಾಟ್ಸಾಪ್ ಬಳಕೆದಾರರಿಗೆ ತಮ್ಮನ್ನು ಯಾರು ಬ್ಲಾಕ್ ಮಾಡಿದ್ದಾರೆ ಎನ್ನುವುದರ ಬಗ್ಗೆ ತಿಳಿಯಲು ಸಾಧ್ಯವಾಗುವುದಿಲ್ಲ. ನೀವು ಈ ಸುಲಭ ಮಾರ್ಗದ ಮೂಲಕ ನಿಮ್ಮನ್ನು ಯಾರು ಬ್ಲಾಕ್ ಮಾಡಿದ್ದಾರೆ ಎಂದು ತಿಳಿದುಕೊಳ್ಳಬಹುದು.

WhatsApp ನಲ್ಲಿ ನಿಮ್ಮನ್ನು ಯಾರು ಬ್ಲಾಕ್ ಮಾಡಿದ್ದಾರೆ ಎಂದು ಈ ರೀತಿಯಾಗಿ ತಿಳಿದುಕೊಳ್ಳಿ
*ಯಾರಾದರೂ ನಿಮ್ಮನ್ನು WhatsApp ನಲ್ಲಿ Block ಮಾಡಿದಾಗ, ನೀವು ಅವರ ಕೊನೆಯದಾಗಿ ನೋಡಿರುವ (Last Seen) ಅಥವಾ ಆನ್‌ ಲೈನ್ (Online) ಸ್ಥಿತಿಯನ್ನು ನೋಡಲು ಸಾಧ್ಯವಾಗುವುದಿಲ್ಲ. ಏಕೆಂದರೆ ನಿಮ್ಮ ಗೌಪ್ಯತೆಯನ್ನು ರಕ್ಷಿಸಲು WhatsApp ಈ ಮಾಹಿತಿಯನ್ನು ನಿಮ್ಮಿಂದ ಮುಚ್ಚಿಡುತ್ತದೆ.

*ಯಾರಾದರೂ ನಿಮ್ಮನ್ನು WhatsApp ನಲ್ಲಿ Block ಮಾಡಿದಾಗ ಅವರ ಪ್ರೊಫೈಲ್ ಫೋಟೋ ನವೀಕರಣಗಳನ್ನು ನೋಡಲು ನಿಮಗೆ ಸಾಧ್ಯವಾಗುವುದಿಲ್ಲ.

*ನಿಮ್ಮನ್ನು ಯಾರು ಬ್ಲಾಕ್ ಮಾಡಿರುತ್ತಾರೋ, ಅವರಿಗೆ ನೀವು ಕಳುಹಿಸುವ ಯಾವುದೇ ಸಂದೇಶವು ಯಾವಾಗಲೂ ಟಿಕ್ ಮಾರ್ಕ್ ಅನ್ನು ತೋರಿಸುತ್ತದೆ ಮತ್ತು ಇನ್ನೊಂದು ಟಿಕ್ ಮಾರ್ಕ್ ಅನ್ನು ಎಂದಿಗೂ ತೋರಿಸುವುದಿಲ್ಲ.

*ನಿಮ್ಮನ್ನು ನಿರ್ಬಂಧಿಸಿದ ಯಾರಿಗಾದರೂ ಕರೆ ಮಾಡಲು ನೀವು ಪ್ರಯತ್ನಿಸಿದರೆ, ಕರೆ ಹೋಗುವುದಿಲ್ಲ. ಏಕೆಂದರೆ ಬ್ಲಾಕ್ ಆಗಿರುವ ಕಾರಣ ವಾಟ್ಸಾಪ್ ಕರೆ ಸಂಪರ್ಕಿಸುವುದನ್ನು ತಡೆಯುತ್ತದೆ. ಈ ರೀತಿಯಲ್ಲಿ ವಾಟ್ಸಾಪ್ ನಲ್ಲಿ ನೀವು ಕೆಲವು ಪರೀಕ್ಷೆಯನ್ನ ಮಾಡುವುದರ ಮೂಲಕ ನಿಮ್ಮನ್ನು ಯಾರು ಬ್ಲಾಕ್ ಮಾಡಿದ್ದಾರೆ ಎಂದು ಸುಲಭವಾಗಿ ಚೆಕ್ ಮಾಡಿಕೊಳ್ಳಬಹುದಾಗಿದೆ.