Tax Update: ಇನ್ಮುಂದೆ ಈ 5 ಜಾಗದಲ್ಲಿ ಹಣದ ವ್ಯವಹಾರ ಮಾಡಿದರೆ ದಂಡ ಖಚಿತ, ಹೊಸ ತೆರಿಗೆ ನಿಯಮ
ಇನ್ಮುಂದೆ ಈ 5 ಜಾಗದಲ್ಲಿ ಹಣದ ವ್ಯವಹಾರ ಮಾಡಿದರೆ ದಂಡ ಖಚಿತ
Income Tax New Update: ಆದಾಯ ಇಲಾಖೆಯು ಹಣದ ವಹಿವಾಟಿಗೆ ಸಂಬಂಧಿಸಿದಂತೆ ಅನೇಕ ಕಠಿಣ ನಿಯಮಗಳನ್ನು ಪರಿಚಯಿಸಿದೆ. ಮಿತಿಗಿಂತ ಹೆಚ್ಚಿನ ಆದಾಯ ಮೂಲವನ್ನು ಹೊಂದುವ ಪ್ರತಿಯೊಬ್ಬರೂ ಕೂಡ ತೆರಿಗೆ ಪಾವತಿಸುವುದು ಕಡ್ಡಾಯ. ತೆರಿಗೆ ಪಾವತಿಯಿಂದ ಯಾರೊಬ್ಬರೂ ಕೂಡ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ಆದಾಯ ಇಲಾಖೆಯು ಎಲ್ಲ ರೀತಿಯ ನಗದು ವಹಿವಾಟಿನ ಮೇಲೆ ಕಣ್ಣಿಟ್ಟಿರುತ್ತದೆ.
ಆದಾಯ ಇಲಾಖೆಯ ಕಣ್ತಪ್ಪಿಸಿ ನೀವು ಯಾವುದೇ ವಹಿವಾಟನ್ನು ಮಾಡಲು ಸಾಧ್ಯವಾಗುವುದಿಲ್ಲ. ನೀವು ನಗದು ರೂಪದಲ್ಲಿ ಸಣ್ಣ ಖರೀದಿಗಳನ್ನು ಮಾಡಿದರೂ ಅದು ಆದಾಯ ಇಲಾಖೆಯ ಗಮನಕ್ಕೆ ಬರುತ್ತದೆ. ಅದರಲ್ಲೂ ಇಂತಹ 5 ರೀತಿಯ ನಗದು ವಹಿವಾಟು ಮಾಡಿದರೆ ನೀವು ತೆರಿಗೆ ಪಾವತಿಸುವುದರಿಂದ ತಪ್ಪಿಸಿಕೊಳ್ಳವು ಸಾಧ್ಯವಿಲ್ಲ ಎನ್ನಬಹುದು.
ಇನ್ಮುಂದೆ ಈ 5 ಜಾಗದಲ್ಲಿ ಹಣದ ವ್ಯವಹಾರ ಮಾಡಿದರೆ ದಂಡ ಖಚಿತ
1.ಬ್ಯಾಂಕ್ ಖಾತೆಯಲ್ಲಿನ ಹಣದ ಠೇವಣಿ
ಕೇಂದ್ರೀಯ ನೇರ ತೆರಿಗೆಗಳ ಮಂಡಳಿಯ (ಸಿಬಿಡಿಟಿ) ನಿಯಮಗಳ ಪ್ರಕಾರ, ಒಬ್ಬ ವ್ಯಕ್ತಿಯು ಹಣಕಾಸು ವರ್ಷದಲ್ಲಿ 10 ಲಕ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಹಣವನ್ನು ಠೇವಣಿ ಮಾಡಿದರೆ, ನಂತರ ಆದಾಯ ತೆರಿಗೆ ಇಲಾಖೆಗೆ ಮಾಹಿತಿಯನ್ನು ನೀಡಬೇಕಾಗುತ್ತದೆ. ಈ ಹಣವನ್ನು ಒಂದು ಅಥವಾ ಹೆಚ್ಚಿನ ಖಾತೆಗಳಲ್ಲಿ ಠೇವಣಿ ಮಾಡಬಹುದು. ನೀವು ನಿಗದಿತ ಮಿತಿಗಿಂತ ಹೆಚ್ಚಿನ ಹಣವನ್ನು ಠೇವಣಿ ಮಾಡುತ್ತಿರುವುದರಿಂದ, ತೆರಿಗೆ ಇಲಾಖೆಯು ಈ ಹಣದ ಮೂಲದ ಬಗ್ಗೆ ನಿಮ್ಮನ್ನು ಕೇಳಬಹುದು.
2. ಸ್ಥಿರ ಠೇವಣಿಯಲ್ಲಿ (ಎಫ್‌ಡಿ) ಹಣವನ್ನು ಠೇವಣಿ ಮಾಡುವುದು
10 ಲಕ್ಷಕ್ಕಿಂತ ಹೆಚ್ಚು ಹಣವನ್ನು ಬ್ಯಾಂಕ್ ಖಾತೆಯಲ್ಲಿ ಠೇವಣಿ ಇಡುವಾಗ ಅನ್ವಯವಾಗಯುವ ನಿಯಮಗಳು, ಸ್ಥಿರ ಠೇವಣಿ (ಎಫ್‌ಡಿ) ಯಲ್ಲೂ ಅದೇ ನಿಯಮ ಅನ್ವಯವಾಗುತ್ತದೆ. ಒಂದು ಹಣಕಾಸು ವರ್ಷದಲ್ಲಿ ನೀವು ಒಂದು ಅಥವಾ ಹೆಚ್ಚಿನ ಎಫ್‌ಡಿಗಳಲ್ಲಿ 10 ಲಕ್ಷಕ್ಕಿಂತ ಹೆಚ್ಚು ಠೇವಣಿ ಮಾಡಿದರೆ, ಆದಾಯ ತೆರಿಗೆ ಇಲಾಖೆಯು ಹಣದ ಮೂಲದ ಬಗ್ಗೆ ನಿಮ್ಮನ್ನು ಕೇಳಬಹುದು.
3. ದೊಡ್ಡ ಆಸ್ತಿ ಖರೀದಿಯಲ್ಲಿ ನಗದು ವಹಿವಾಟು
ಆಸ್ತಿ ಖರೀದಿಸುವಾಗ 30 ಲಕ್ಷ ಅಥವಾ ಅದಕ್ಕಿಂತ ಹೆಚ್ಚಿನ ನಗದು ವಹಿವಾಟು ನಡೆಸಿದರೆ ಪ್ರಾಪರ್ಟಿ ರಿಜಿಸ್ಟ್ರಾರ್ ಖಂಡಿತವಾಗಿಯೂ ಆದಾಯ ತೆರಿಗೆ ಇಲಾಖೆಗೆ ಮಾಹಿತಿ ನೀಡುತ್ತಾರೆ. ಇಷ್ಟು ದೊಡ್ಡ ವಹಿವಾಟಿಗೆ ತೆರಿಗೆ ಇಲಾಖೆ ನಿಮ್ಮನ್ನು ಪ್ರಶ್ನಿಸುತ್ತದೆ.
4. ಕ್ರೆಡಿಟ್ ಕಾರ್ಡ್ ಬಿಲ್ ಪಾವತಿ
ನಿಮ್ಮ ಕ್ರೆಡಿಟ್ ಕಾರ್ಡ್ ಬಿಲ್ ರೂ. 1 ಲಕ್ಷ ಅಥವಾ ಅದಕ್ಕಿಂತ ಹೆಚ್ಚಿದ್ದರೆ ಮತ್ತು ನೀವು ಅದನ್ನು ನಗದು ರೂಪದಲ್ಲಿ ಪಾವತಿಸಿದರೆ, ಹಣದ ಮೂಲದ ಬಗ್ಗೆ ನಿಮ್ಮನ್ನು ಕೇಳಬಹುದು. ಅದೇ ಸಮಯದಲ್ಲಿ, ನೀವು ಯಾವುದೇ ವಿಧಾನದ ಮೂಲಕ ಹಣಕಾಸು ವರ್ಷದಲ್ಲಿ 10 ಲಕ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಹಣವನ್ನು ಪಾವತಿಸಿದರೆ ಈ ಹಣದ ಮೂಲದ ಬಗ್ಗೆ ಆದಾಯ ತೆರಿಗೆ ಇಲಾಖೆ ನಿಮ್ಮನ್ನು ಕೇಳಬಹುದು.
5. ಷೇರುಗಳು, ಮ್ಯೂಚುವಲ್ ಫಂಡ್‌ ಗಳು, ಡಿಬೆಂಚರ್‌ ಗಳು ಅಥವಾ ಬಾಂಡ್‌ ಗಳನ್ನು ಖರೀದಿಸುವುದು
ಷೇರುಗಳು, ಮ್ಯೂಚುವಲ್ ಫಂಡ್‌ಗಳು, ಡಿಬೆಂಚರ್‌ಗಳು ಅಥವಾ ಬಾಂಡ್‌ಗಳನ್ನು ದೊಡ್ಡ ಮೊತ್ತದ ನಗದು ಬಳಸಿ ಖರೀದಿಸಿದರೆ, ಇದು ಆದಾಯ ತೆರಿಗೆ ಇಲಾಖೆಯನ್ನು ಎಚ್ಚರಿಸಬಹುದು. ಒಬ್ಬ ವ್ಯಕ್ತಿ 10 ಲಕ್ಷ ಅಥವಾ ಅದಕ್ಕಿಂತ ಹೆಚ್ಚಿನ ವಹಿವಾಟು ನಡೆಸಿದರೆ, ಅದರ ಮಾಹಿತಿಯು ಆದಾಯ ತೆರಿಗೆ ಇಲಾಖೆಗೆ ತಲುಪುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಈ ನಗದು ಎಲ್ಲಿಂದ ಬಂತು ಎಂದು ಇಲಾಖೆಯು ನಿಮ್ಮನ್ನು ಕೇಳಬಹುದು.
