ITR 2025 Multiple Income Sources Filing Guide: ಇದೀಗ ನೀವು ಒಂದಕ್ಕಿಂತ ಹೆಚ್ಚು ಮೂಲಗಳಿಂದ ಆದಾಯವನ್ನು ಗಳಿಸುತಿದ್ದರೆ ಆದಾಯ ತೆರಿಗೆ ರಿಟರ್ನ್ ಸಲ್ಲಿಸುದು ಸ್ವಲ್ಪ ಕಷ್ಟವಾಗಬಹುದು. ಬಹು ಆದಾಯ ಮೂಲಗಳು ಎಂದರೆ ಸಂಬಳ, ಬಾಡಿಗೆ ಆದಾಯ, ಕ್ಯಾಪಿಟಲ್ ಗೇನ್ಸ್, ವಿದೇಶಿ ಆದಾಯ ಹಾಗೆ ಇನ್ನಿತರ ಮೂಲಗಳು. ಇದೀಗ ನಾವು ನಿಮಗೆ ಸರಳ ವಿಧಾನದ ಮೂಲಕ ಆದಾಯ ತೆರಿಗೆ ರಿಟರ್ನ್ ಫೈಲ್ ಮಾಡುವುದು ಹೇಗೆ ಅನ್ನುವ ಬಗ್ಗೆ ತಿಳಿಸಿಕೊಡುತ್ತೇವೆ.
ಆದಾಯ ವರ್ಗೀಕರಣ ಮತ್ತು ತೆರಿಗೆ ವ್ಯವಸ್ಥೆಗಳು
ಮೊದಲು ನಿಮ್ಮ ಆದಾಯವನ್ನು ಸರಿಯಾಗಿ ವರ್ಗೀಕರಿಸಿ. ಉದಾಹರಣೆಗೆ, ನೀವು ಉದ್ಯೋಗಿಯಾಗಿ ಕೆಲಸ ಮಾಡುತ್ತಿದ್ದರೆ, ಅದು ‘ಸಂಬಳ’ ವಿಭಾಗದಡಿ ಬರುತ್ತದೆ. ಹಳೆಯ ತೆರಿಗೆ ವ್ಯವಸ್ಥೆಯಲ್ಲಿ ಸ್ಟ್ಯಾಂಡರ್ಡ್ ಡಿಡಕ್ಷನ್ ರೂ. 50,000 ಇದ್ದರೆ, ಹೊಸ ವ್ಯವಸ್ಥೆಯಲ್ಲಿ ರೂ. 75,000 ಆಗಿದೆ.
ಇತರ ಮೂಲಗಳು: ಬಾಡಿಗೆ ಆದಾಯವನ್ನು ‘ಹೌಸ್ ಪ್ರಾಪರ್ಟಿ’ ಅಡಿಯಲ್ಲಿ, ಕ್ಯಾಪಿಟಲ್ ಗೇನ್ಸ್ ಅನ್ನು ಅದರ ವಿಭಾಗದಲ್ಲಿ ಸೇರಿಸಿ. ವಿದೇಶಿ ಆದಾಯಕ್ಕೆ ವಿಶೇಷ ನಿಯಮಗಳಿವೆ. TDS (ಟ್ಯಾಕ್ಸ್ ಡಿಡಕ್ಟೆಡ್ ಅಟ್ ಸೋರ್ಸ್) ಆಗಿದ್ದರೆ, ಫಾರ್ಮ್ 16 ಅಥವಾ 16A ಬಳಸಿ.
ತಜ್ಞರು ಹೇಳುವಂತೆ, ಹೊಸ ವ್ಯವಸ್ಥೆಯಲ್ಲಿ ಕಡಿಮೆ ಡಿಡಕ್ಷನ್‌ಗಳು ಇದ್ದರೂ, ಸ್ಲ್ಯಾಬ್ ರೇಟ್‌ಗಳು ಆಕರ್ಷಣೀಯವಾಗಿವೆ. ನಿಮ್ಮ ಆದಾಯಕ್ಕೆ ಸರಿಹೊಂದುವುದನ್ನು ಆಯ್ಕೆಮಾಡಿ.
ಸರಿಯಾದ ITR ಫಾರ್ಮ್ ಆಯ್ಕೆಮಾಡಿ
ಬಹು ಮೂಲಗಳಿಗೆ ITR-2 ಸೂಕ್ತವಾಗಿದೆ, ವಿಶೇಷವಾಗಿ ಸಂಬಳ, ಒಂದಕ್ಕಿಂತ ಹೆಚ್ಚು ಮನೆ ಆಸ್ತಿ, ಕ್ಯಾಪಿಟಲ್ ಗೇನ್ಸ್ ಅಥವಾ ವಿದೇಶಿ ಆದಾಯಕ್ಕೆ. ITR-1 ಸರಳ ಆದಾಯಕ್ಕೆ ಮಾತ್ರ. ಒಟ್ಟು ಆದಾಯ ರೂ. 50 ಲಕ್ಷಕ್ಕಿಂತ ಹೆಚ್ಚಿದ್ದರೆ ಅಥವಾ ವಿದೇಶಿ ಆಸ್ತಿಗಳಿದ್ದರೆ ITR-2 ಅಗತ್ಯ.
NRIಗಳಿಗೆ ವಿಭಿನ್ನ ನಿಯಮಗಳಿವೆ, ಆದರೆ ಭಾರತೀಯ ನಿವಾಸಿಗಳಿಗೆ ಸಾಮಾನ್ಯವಾಗಿ ITR-2 ಬಳಸಿ. ಆಯ್ಕೆಗೆ ಮೊದಲು ನಿಮ್ಮ ಆದಾಯ ಪ್ರಕಾರಗಳನ್ನು ಪಟ್ಟಿ ಮಾಡಿ.
ITR ಫೈಲ್ ಮಾಡುವ ಹಂತಗಳು
ಮೊದಲು incometax.gov.in ಪೋರ್ಟಲ್‌ಗೆ ಲಾಗಿನ್ ಮಾಡಿ (PAN ಮತ್ತು ಪಾಸ್‌ವರ್ಡ್ ಬಳಸಿ). ‘e-File’ > ‘Income Tax Return’ ಆಯ್ಕೆಮಾಡಿ. ಅಸೆಸ್‌ಮೆಂಟ್ ಇಯರ್ 2025-26 ಆಯ್ಕೆಮಾಡಿ.
ಫಾರ್ಮ್ ITR-2 ಆಯ್ಕೆಮಾಡಿ. ಡಾಕ್ಯುಮೆಂಟ್‌ಗಳನ್ನು ಸಿದ್ಧಪಡಿಸಿ: ಫಾರ್ಮ್ 16, 26AS, ಬ್ಯಾಂಕ್ ಸ್ಟೇಟ್‌ಮೆಂಟ್, ಇನ್ವೆಸ್ಟ್‌ಮೆಂಟ್ ಪ್ರೂಫ್‌ಗಳು.
ಆನ್‌ಲೈನ್ ಮೋಡ್‌ನಲ್ಲಿ ಫಾರ್ಮ್ ಭರ್ತಿ ಮಾಡಿ: ವೈಯಕ್ತಿಕ ವಿವರಗಳು, ಆದಾಯ ವಿವರಗಳು, ಡಿಡಕ್ಷನ್‌ಗಳು ಸೇರಿಸಿ. TDS ಕ್ರೆಡಿಟ್ ಪರಿಶೀಲಿಸಿ (ಫಾರ್ಮ್ 26AS ನೋಡಿ).
ಕೊನೆಯಲ್ಲಿ ವ್ಯಾಲಿಡೇಟ್ ಮಾಡಿ, e-ವೆರಿಫೈ ಮಾಡಿ (Aadhaar OTP ಅಥವಾ ನೆಟ್ ಬ್ಯಾಂಕಿಂಗ್ ಬಳಸಿ). ಫೈಲಿಂಗ್ ದಿನಾಂಕ ಜುಲೈ 31, 2025 ಆಗಿದ್ದರೂ, ತಡವಾದರೆ ಪೆನಲ್ಟಿ ಇದೆ.
ಡಿಡಕ್ಷನ್‌ಗಳು ಮತ್ತು ಸಲಹೆಗಳು
ಹಳೆಯ ವ್ಯವಸ್ಥೆಯಲ್ಲಿ 80C (ರೂ. 1.5 ಲಕ್ಷ), 80D (ಹೆಲ್ತ್ ಇನ್ಶೂರೆನ್ಸ್) ಮುಂತಾದ ಡಿಡಕ್ಷನ್‌ಗಳು ಲಭ್ಯ. ಹೊಸದರಲ್ಲಿ ಕಡಿಮೆ, ಆದರೆ ಸ್ಟ್ಯಾಂಡರ್ಡ್ ಡಿಡಕ್ಷನ್ ಹೆಚ್ಚು.
ತಜ್ಞರ ಸಲಹೆ: ಎಲ್ಲಾ ಡಾಕ್ಯುಮೆಂಟ್‌ಗಳನ್ನು ಸಂಗ್ರಹಿಸಿ, TDS ಮತ್ತು ಅಡ್ವಾನ್ಸ್ ಟ್ಯಾಕ್ಸ್ ಪಾವತಿಸಿ. ಸಂಶಯಗಳಿದ್ದರೆ CA ಸಂಪರ್ಕಿಸಿ.
ಈ ಪ್ರಕ್ರಿಯೆಯಿಂದ ನೀವು ಸರಿಯಾಗಿ ತೆರಿಗೆ ಪಾವತಿಸಿ, ರಿಫಂಡ್ ಪಡೆಯಬಹುದು. ಯಾವಾಗಲೂ ಅಧಿಕೃತ ಸೈಟ್ ಬಳಸಿ.
