New Driving Rules India 2025: ಸದ್ಯ ಭಾರತದಲ್ಲಿ ವಾಹನ ವಿಮೆ ಇಲ್ಲದೆ ಚಾಲನೆ ಮಾಡುವವರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ಇದು ವಾಹನ ಅಪಘಾತದ ಸಮಯದಲ್ಲಿ ಆರ್ಥಿಕ ನಷ್ಟ ಮತ್ತು ಕಾನೂನು ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ಇದೀಗ ಮೋಟಾರು ವಾಹನ ಕಾಯ್ದೆ ಅಡಿಯಲ್ಲಿ ವಿಮೆ ಇಲ್ಲದ ಚಾಲನೆ, ಸ್ಪೀಡ್ ಲಿಮಿಟ್, ಮತ್ತು ಡ್ರೈವಿಂಗ್ ಲೈಸೆನ್ಸ್ ಗೆ ಸಂಬಂಧಿಸಿದ ಕಠಿಣ ನಿಯಮಗಳನ್ನು ಜಾರಿಗೊಳಿಸಲಿದೆ. ಇದೀಗ ನಾವು ಹೊಸ ನಿಯಮಗಳು, ದಂಡಗಳ ಬಗ್ಗೆ ಮಾಹಿತಿ ತಿಳಿದುಕೊಳ್ಳೋಣ.
ವಿಮೆ ಇಲ್ಲದೆ ಚಾಲನೆಗೆ ಹೊಸ ದಂಡ
ಪ್ರಸ್ತುತ, ವಿಮೆ ಇಲ್ಲದೆ ವಾಹನ ಚಾಲನೆ ಮಾಡಿದರೆ ಮೊದಲ ಬಾರಿಗೆ ₹2,000 ಮತ್ತು ಎರಡನೇ ಬಾರಿಗೆ ₹4,000 ದಂಡ ವಿಧಿಸಲಾಗುತ್ತದೆ. ಆದರೆ, 2025ರ ತಿದ್ದುಪಡಿಗಳ ಪ್ರಕಾರ, ದಂಡವನ್ನು ವಾಹನದ ಥರ್ಡ್-ಪಾರ್ಟಿ ವಿಮೆಯ ಮೂಲ ಪ್ರೀಮಿಯಂನ ಮೂರು ರಿಂದ ಐದು ಪಟ್ಟು ಹೆಚ್ಚಿಸುವ ಸಾಧ್ಯತೆಯಿದೆ. ಉದಾಹರಣೆಗೆ, ಒಂದು ಕಾರಿನ ವಾರ್ಷಿಕ ಥರ್ಡ್-ಪಾರ್ಟಿ ವಿಮೆಯ ಪ್ರೀಮಿಯಂ ₹4,000 ಆದರೆ, ಮೊದಲ ಬಾರಿಗೆ ₹12,000 ಮತ್ತು ಎರಡನೇ ಬಾರಿಗೆ ₹20,000 ದಂಡವಾಗಬಹುದು. ಈ ಕ್ರಮವು ರಸ್ತೆಗಳಲ್ಲಿ ವಿಮೆ ರಹಿತ ವಾಹನಗಳ ಸಂಖ್ಯೆಯನ್ನು ಕಡಿಮೆ ಮಾಡಿ, ಅಪಘಾತದ ಸಂದರ್ಭದಲ್ಲಿ ಪರಿಹಾರವನ್ನು ಖಾತರಿಪಡಿಸುವ ಗುರಿಯನ್ನು ಹೊಂದಿದೆ.
ವಿಮೆ ಇಲ್ಲದ ವಾಹನ ಚಾಲನೆಯಿಂದ ಆರ್ಥಿಕ ನಷ್ಟದ ಜೊತೆಗೆ, ಅಪಘಾತದ ಸಂದರ್ಭದಲ್ಲಿ ಥರ್ಡ್-ಪಾರ್ಟಿ ಒಡೆತನದ ಹಾನಿಗೆ ಯಾವುದೇ ಕವರೇಜ್ ಇರದಿರುವುದು ದೊಡ್ಡ ಸಮಸ್ಯೆಯಾಗಿದೆ. ಆದ್ದರಿಂದ, ವಾಹನ ವಿಮೆಯನ್ನು ನವೀಕರಿಸುವುದು ಕಾನೂನುಬದ್ಧವಾಗಿರುವುದರ ಜೊತೆಗೆ ಆರ್ಥಿಕ ರಕ್ಷಣೆಗೂ ಅಗತ್ಯ.
ಸ್ಪೀಡ್ ಲಿಮಿಟ್ಗೆ ಏಕರೂಪದ ನಿಯಮ
ಭಾರತದಲ್ಲಿ ಸ್ಪೀಡ್ ಲಿಮಿಟ್ಗೆ ಸಂಬಂಧಿಸಿದ ಗೊಂದಲವನ್ನು ತೊಡೆದುಹಾಕಲು, ಕೇಂದ್ರ ಸರ್ಕಾರವು ರಾಷ್ಟ್ರೀಯ ಹೆದ್ದಾರಿಗಳು ಮತ್ತು ಎಕ್ಸ್ಪ್ರೆಸ್ವೇಗಳಿಗೆ ಏಕರೂಪದ ಸ್ಪೀಡ್ ಲಿಮಿಟ್ ನಿಗದಿಪಡಿಸಲಿದೆ. ಪ್ರಸ್ತುತ, ಎಕ್ಸ್ಪ್ರೆಸ್ವೇಗಳಲ್ಲಿ 120 ಕಿ.ಮೀ/ಗಂಟೆ ಮತ್ತು ರಾಷ್ಟ್ರೀಯ ಹೆದ್ದಾರಿಗಳಲ್ಲಿ 100 ಕಿ.ಮೀ/ಗಂಟೆ ಮಿತಿಯಿದೆ, ಆದರೆ ರಾಜ್ಯ ಸರ್ಕಾರಗಳು ಕಡಿಮೆ ಮಿತಿಯನ್ನು ಜಾರಿಗೊಳಿಸುತ್ತವೆ. 2025ರಲ್ಲಿ ಕೇಂದ್ರ ಸರ್ಕಾರವು ರಾಷ್ಟ್ರೀಯ ಹೆದ್ದಾರಿಗಳಿಗೆ ಸ್ಪೀಡ್ ಲಿಮಿಟ್ ನಿಗದಿಪಡಿಸಿದರೆ, ರಾಜ್ಯ ಸರ್ಕಾರಗಳು ರಾಜ್ಯ ಹೆದ್ದಾರಿಗಳು ಮತ್ತು ಸ್ಥಳೀಯ ರಸ್ತೆಗಳಿಗೆ ಮಿತಿಯನ್ನು ನಿರ್ಧರಿಸಲಿವೆ. ಇದರಿಂದ ಚಾಲಕರಿಗೆ ಗೊಂದಲ ಕಡಿಮೆಯಾಗಿ, ಚಲನೆಗಳನ್ನು ತಪ್ಪಿಸಬಹುದು.
ಸ್ಪೀಡಿಂಗ್ಗೆ ಪ್ರಸ್ತುತ ₹1,000 (ಲೈಟ್ ವಾಹನಗಳಿಗೆ) ಮತ್ತು ₹2,000 (ಮಧ್ಯಮ-ಭಾರೀ ವಾಹನಗಳಿಗೆ) ದಂಡವಿದೆ. ಹೊಸ ನಿಯಮಗಳು ಇದನ್ನು ₹5,000ಕ್ಕೆ ಹೆಚ್ಚಿಸಬಹುದು, ಜೊತೆಗೆ ಲೈಸೆನ್ಸ್ ಅಮಾನತಿನ ಸಾಧ್ಯತೆಯಿದೆ.
ಡ್ರೈವಿಂಗ್ ಲೈಸೆನ್ಸ್ಗೆ ಕಠಿಣ ನಿಯಮಗಳು
2025ರ ತಿದ್ದುಪಡಿಗಳು ಡ್ರೈವಿಂಗ್ ಲೈಸೆನ್ಸ್ ನವೀಕರಣಕ್ಕೆ ಕಠಿಣ ನಿಯಮಗಳನ್ನು ತರಲಿವೆ. ಸ್ಪೀಡಿಂಗ್, ಡ್ರಂಕ್ ಡ್ರೈವಿಂಗ್, ಅಥವಾ ಅಪಾಯಕಾರಿ ಚಾಲನೆಯಂತಹ ಗಂಭೀರ ಅಪರಾಧಗಳಲ್ಲಿ ಭಾಗಿಯಾದವರು ಲೈಸೆನ್ಸ್ ನವೀಕರಣಕ್ಕೆ ಮೊದಲು ಡ್ರೈವಿಂಗ್ ಟೆಸ್ಟ್ಗೆ ಹಾಜರಾಗಬೇಕು. 55 ವರ್ಷಕ್ಕಿಂತ ಮೇಲ್ಪಟ್ಟವರು ಲೈಸೆನ್ಸ್ ನವೀಕರಣಕ್ಕೆ ಸುರಕ್ಷಿತ ಚಾಲನೆಯ ಸಾಮರ್ಥ್ಯವನ್ನು ಸಾಬೀತುಪಡಿಸಲು ಟೆಸ್ಟ್ ನೀಡಬೇಕು. ಈ ಕ್ರಮಗಳು ರಸ್ತೆ ಸುರಕ್ಷತೆಯನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿವೆ.
ಪ್ರಸ್ತಾವಿತ ತಿದ್ದುಪಡಿಗಳನ್ನು ಸಾರಿಗೆ ಸಚಿವಾಲಯವು ಇತರ ಸಚಿವಾಲಯಗಳಿಗೆ ಕಳುಹಿಸಿದ್ದು, ಕ್ಯಾಬಿನೆಟ್ ಅನುಮೋದನೆಯ ನಂತರ 2025ರ ಕೊನೆಯಲ್ಲಿ ಜಾರಿಗೆ ಬರಬಹುದು. ಈ ನಿಯಮಗಳು ರಾಷ್ಟ್ರವ್ಯಾಪಿ ಜಾರಿಯಾಗಲಿವೆ.
ಸಲಹೆಗಳು
- ವಾಹನ ವಿಮೆಯನ್ನು ಸಕಾಲದಲ್ಲಿ ನವೀಕರಿಸಿ. ಥರ್ಡ್-ಪಾರ್ಟಿ ವಿಮೆ ಕಡ್ಡಾಯವಾಗಿದೆ.
- ಸ್ಪೀಡ್ ಲಿಮಿಟ್ ಸೈನ್ಬೋರ್ಡ್ಗಳನ್ನು ಗಮನಿಸಿ, ರಾಷ್ಟ್ರೀಯ/ರಾಜ್ಯ ಹೆದ್ದಾರಿಗಳ ನಿಯಮಗಳನ್ನು ಅನುಸರಿಸಿ.
- ಡ್ರೈವಿಂಗ್ ಲೈಸೆನ್ಸ್ನ ಸ್ಥಿತಿಯನ್ನು ಪರಿಶೀಲಿಸಿ, ಗಂಭೀರ ಅಪರಾಧಗಳನ್ನು ತಪ್ಪಿಸಿ.
- ಚಲನೆಗಳನ್ನು ಆನ್ಲೈನ್ ಮೂಲಕ echallan.parivahan.gov.inನಲ್ಲಿ ತಕ್ಷಣ ಪಾವತಿಸಿ.
