Ramya Complaint On Darshan Fans: ಇತ್ತೀಚಿನ ನಟಿ ರಮ್ಯಾ ಅವರು ನಟ ದರ್ಶನ್ ವಿರುದ್ಧವಾಗಿ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಒಂದನ್ನು ಶೇರ್ ಮಾಡಿದ್ದರು ಮತ್ತು ರಮ್ಯಾ ಮಾಡಿದ ಆ ಪೋಸ್ ದರ್ಶನ್ ಅಭಿಮಾನಿಗಳ ಮೆಚ್ಚುಗೆಗೆ ಕೂಡ ಕಾರಣವಾಗಿತ್ತು. ನಟ ದರ್ಶನ್ ಅವರ ಅಭಿಮಾನಿಗಳು ರಮ್ಯಾ ಅವರ ವಿರುದ್ಧವಾಗಿ ಸಾಕಷ್ಟು ಕೆಟ್ಟ ಕಮೆಂಟ್ ಗಳನ್ನೂ ಮಾಡಿದ್ದು ಇದು ನಟಿ ರಮ್ಯಾ ಅವರ ಕೋಪಕ್ಕೆ ಕಾರಣವಾಗಿದೆ. ದರ್ಶನ್ ಅವರ ಅಭಿಮಾನಿಗಳು ಮಾಡಿದ ಕಮೆಂಟ್ ಕಂಡು ಕೆಂಡಾಮಂಡಲರಾಗಿರುವ ನಟಿ ರಮ್ಯಾ ಅವರು ಈಗ ಪೊಲೀಸ್ ದೂರು ದಾಖಲು ಮಾಡಿದ್ದಾರೆ.
ರೇಣುಕಾಸ್ವಾಮಿ ಪ್ರಕರಣದಿಂದ ಹುಟ್ಟಿಕೊಂಡ ವಿವಾದ
ರೇಣುಕಾಸ್ವಾಮಿ ಕೊಲೆ ಪ್ರಕರಣದಲ್ಲಿ ದರ್ಶನ್ ಆರೋಪಿಯಾಗಿದ್ದು, ಸುಪ್ರೀಂ ಕೋರ್ಟ್ ಇತ್ತೀಚೆಗೆ ಅವರ ಜಾಮೀನು ವಿಚಾರಣೆಯಲ್ಲಿ ಕಠಿಣ ಟೀಕೆ ಮಾಡಿತು. ಈ ಬಗ್ಗೆ ರಮ್ಯಾ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ, “ರೇಣುಕಾಸ್ವಾಮಿ ಕುಟುಂಬಕ್ಕೆ ನ್ಯಾಯ ಸಿಗಲಿದೆ, ಸುಪ್ರೀಂ ಕೋರ್ಟ್ ಆಶಾಕಿರಣ” ಎಂದು ಬರೆದಿದ್ದರು. ಇದಕ್ಕೆ ಪ್ರತಿಕ್ರಿಯೆಯಾಗಿ ದರ್ಶನ್ ಅಭಿಮಾನಿಗಳು ರಮ್ಯಾ ವಿರುದ್ಧ ಅವಾಚ್ಯ ಶಬ್ದಗಳನ್ನು ಬಳಸಿ, ಮರಣ ಮತ್ತು ಬಲಾತ್ಕಾರ ಧಮ್ಕಿಗಳನ್ನು ನೀಡಿದ್ದಾರೆ. “ರೇಣುಕಾಸ್ವಾಮಿ ಬದಲು ನಿನ್ನನ್ನು ಕೊಲ್ಲಬೇಕಿತ್ತು” ಎಂಬಂತಹ ಸಂದೇಶಗಳು ಬಂದಿವೆ ಎಂದು ರಮ್ಯಾ ಹೇಳಿದ್ದಾರೆ. ಇದು ರಮ್ಯಾ ಅವರನ್ನು ಮಾತ್ರವಲ್ಲದೆ ಅವರ ಕುಟುಂಬವನ್ನೂ ಗುರಿಯಾಗಿಸಿದೆ.
ರಮ್ಯಾ ಅವರ ಬೆಂಬಲಕ್ಕೆ ನಿಂದ ಮಹಿಳಾ ಆಯೋಗ
ರಮ್ಯಾ ತಮ್ಮ ವಕೀಲರೊಂದಿಗೆ ಚರ್ಚಿಸಿ, ಎಲ್ಲಾ ಅಶ್ಲೀಲ ಸಂದೇಶಗಳ ಸ್ಕ್ರೀನ್‌ಶಾಟ್‌ಗಳನ್ನು ಸಾಕ್ಷಿಯಾಗಿ ಸಂಗ್ರಹಿಸಿದ್ದಾರೆ. “ಮಹಿಳೆಯರ ಮೇಲೆ ಅಶ್ಲೀಲ ದಾಳಿ ಸಾಮಾನ್ಯವಾಗಿದೆ, ಆದರೆ ಇದನ್ನು ಸುಮ್ಮನೆ ಬಿಡುವುದಿಲ್ಲ” ಎಂದು ಮಾಧ್ಯಮಗಳಿಗೆ ತಿಳಿಸಿದ್ದಾರೆ. ಕರ್ನಾಟಕ ರಾಜ್ಯ ಮಹಿಳಾ ಆಯೋಗದ ಅಧ್ಯಕ್ಷೆ ನಾಗಲಕ್ಷ್ಮಿ ಚೌಧರಿ ಅವರು ಪೊಲೀಸ್ ಕಮಿಷನರ್‌ಗೆ ಪತ್ರ ಬರೆದು, ತಪ್ಪಿತಸ್ಥರ ವಿರುದ್ಧ ಕ್ರಮಕ್ಕೆ ಒತ್ತಾಯಿಸಿದ್ದಾರೆ. ಇಂತಹ ಆನ್‌ಲೈನ್ ದಾಳಿಗಳಿಗೆ 7 ವರ್ಷಗಳವರೆಗೆ ಜೈಲು ಶಿಕ್ಷೆಯಾಗಬಹುದು ಎಂದು ಆಯೋಗ ಹೇಳಿದೆ. ರಮ್ಯಾ ದೂರು ನೀಡುವ ಮೊದಲು ಕಮಿಷನರ್ ಕಚೇರಿಯ ಬಳಿಯ ಮುನೇಶ್ವರ ದೇವಸ್ಥಾನಕ್ಕೆ ಭೇಟಿ ನೀಡಿ ನಮಸ್ಕರಿಸಿದರು.
ದರ್ಶನ್ ಅವರ ಪತ್ನಿ ವಿಜಯಲಕ್ಷ್ಮಿ ಅವರು ರಮ್ಯಾ ವಿರುದ್ಧ ದೂರು ನೀಡಲು ಯೋಜಿಸುತ್ತಿರುವುದಾಗಿ ವರದಿಗಳಿವೆ. ಆದರೆ ರಮ್ಯಾ, “ದರ್ಶನ್ ತಮ್ಮ ಅಭಿಮಾನಿಗಳಿಗೆ ಬುದ್ಧಿ ಹೇಳಬೇಕಿತ್ತು, ನನಗೆ ಅವರ ನಂಬರ್ ಇಲ್ಲ” ಎಂದು ಪ್ರತಿಕ್ರಿಯಿಸಿದ್ದಾರೆ.
ರಮ್ಯಾ ಅವರಿಗೆ ಚಿತ್ರರಂಗದಿಂದ ಮತ್ತು ಸಮಾಜದ ಬೆಂಬಲ ಕೂಡ ಸಿಕ್ಕಿದೆ
ಕನ್ನಡ ಚಿತ್ರರಂಗದಿಂದ ರಮ್ಯಾ ಅವರಿಗೆ ಬಲವಾದ ಬೆಂಬಲ ಬಂದಿದೆ. ನಟರಾದ ವಿನಯ್ ರಾಜ್‌ಕುಮಾರ್, ಪ್ರಥಮ್, ರಕ್ಷಿತಾ ಮತ್ತು ಚೇತನ್ ಅಹಿಂಸಾ ಅವರು ದರ್ಶನ್ ಅಭಿಮಾನಿಗಳ ವರ್ತನೆಯನ್ನು ಖಂಡಿಸಿದ್ದಾರೆ. ಯಡುವೀರ್ ವಡಿಯಾರ್ ಅವರು ಕೂಡ “ಯಾರೂ ದ್ವೇಷದ ಕಮೆಂಟ್ ಮಾಡಬಾರದು” ಎಂದು ಹೇಳಿದ್ದಾರೆ. ರಮ್ಯಾ, “ರೇಣುಕಾಸ್ವಾಮಿ ಮಾಡಿದ್ದಕ್ಕೂ ಇವರ ಮಾಡುತ್ತಿರುವುದಕ್ಕೂ ಯಾವ ವ್ಯತ್ಯಾಸವಿಲ್ಲ” ಎಂದು ಪ್ರಶ್ನಿಸಿದ್ದಾರೆ. ಈ ಘಟನೆ ಮಹಿಳೆಯರ ಆನ್‌ಲೈನ್ ಸುರಕ್ಷತೆಯ ಬಗ್ಗೆ ಚರ್ಚೆಯನ್ನು ಹುಟ್ಟುಹಾಕಿದೆ ಮತ್ತು ಕಾನೂನು ಕ್ರಮಗಳ ಅಗತ್ಯವನ್ನು ಒತ್ತಿ ಹೇಳಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ರಮ್ಯಾ ಅವರಿಗೆ ಬೆಂಬಲದ ಸಂದೇಶಗಳು ಹರಿದು ಬರುತ್ತಿವೆ.
ಈ ವಿವಾದ ಚಿತ್ರರಂಗದಲ್ಲಿ ಹೊಸ ಚರ್ಚೆಗೆ ಕಾರಣವಾಗಿದ್ದು, ಅಭಿಮಾನಿಗಳ ವರ್ತನೆಯ ಮೇಲೆ ನಿಗಾ ಇಡುವ ಅಗತ್ಯವನ್ನು ತೋರಿಸಿದೆ.
