PF Money Withdrawal New Rule: ನಿಮ್ಮ ದೀರ್ಘಾವಧಿಯ ಹೂಡಿಕೆಯು ನಿವೃತ್ತಿಯ ನಂತರದ ಬದುಕಿಗೆ ಸಹಾಯ ಮಾಡುತ್ತದೆ. ದೀರ್ಘಾವಧಿಯ ಹೂಡಿಕೆಫೆ EPF ಉತ್ತಮ ಆಯ್ಕೆಯಾಗಿದೆ. ಉದ್ಯೋಗಸ್ಥರು ಇಪಿಎಫ್ ಖಾತೆಯನ್ನು ಹೊಂದಿರುತ್ತಾರೆ. ಈ ಇಪಿಎಫ್ ಖಾತೆಯನ್ನು EPFO ನಿರ್ವಹಿಸುತ್ತದೆ. ನಿಮ್ಮ ಸಂಬಳದ ಕೆಲವು ಭಾಗವು PF ನಲ್ಲಿ ಠೇವಣಿಯಾಗುತ್ತದೆ. ಇದರಲ್ಲಿ ನೀವು ಠೇವಣಿ ಇಡುವಷ್ಟು ಹಣವನ್ನು ಕಂಪನಿಯೂ ಠೇವಣಿ ಇಡುತ್ತದೆ.
ಈ ಹೂಡಿಕೆಯಿಂದಾಗಿ ನಿಮ್ಮ ನಿವೃತ್ತಿಯ ನಂತರ ನಿಮಗೆ ಹಣವನ್ನು ನೀಡಲಾಗುತ್ತದೆ. ಈ ಹೂಡಿಕೆಯ ಹಣವನ್ನು ಹಿಂಪಡೆಯಲು ನಿಮಗೆ ಅವಕಾಶವಿರುತ್ತದೆ. ನಾವೀಗ ಈ ಲೇಖನದಲ್ಲಿ PF ಖಾತೆಯಿಂದ ಹಣವನ್ನು ಹಿಂಪಡೆಯುವ ಬಗ್ಗೆ ಮಾಹಿತಿ ನೀಡಲಿದ್ದೇವೆ.
PF ನಲ್ಲಿ ಹೂಡಿಕೆ ಮಾಡಿದವರಿಗೆ ಬಿಗ್ ಅಪ್ಡೇಟ್
PF ನಲ್ಲಿ ಹೂಡಿಕೆ ಮಾಡುವವರಿಗೆ ಸರ್ಕಾರ ಬಹುದೊಡ್ಡ ಸೌಲಭ್ಯವನ್ನು ನೀಡಲು ಮುಂದಾಗಿದೆ. ಪಿಎಫ್ ಉದ್ಯೋಗಿಗಳು ಯಾವುದೇ ಕಾರಣದಿಂದ ಅನಾರೋಗ್ಯಕ್ಕೆ ಒಳಗಾಗಿದ್ದರೆ ಅವರು ತಕ್ಷಣವೇ ಖಾತೆಯಿಂದ ಭಾರಿ ಮೊತ್ತವನ್ನು ಹಿಂಪಡೆಯಬಹುದು. ಈ ಹಣವನ್ನು ಸರಕಾರ ನೀಡಿದ್ದು, ಈಗ ಅದನ್ನು ದುಪ್ಪಟ್ಟು ಮಾಡಲಾಗಿದೆ. ಹಣವನ್ನು ಹಿಂತೆಗೆದುಕೊಳ್ಳುವ ಮೊದಲು, ನೀವು ಅನೇಕ ಪ್ರಮುಖ ವಿಷಯಗಳನ್ನು ತಿಳಿದುಕೊಳ್ಳಬೇಕಾಗುತ್ತದೆ.
ಈಗ ತಕ್ಷಣ 1 ಲಕ್ಷ ರೂ. ತಗೆಯಬಹುದು
ಪಿಎಫ್ ಖಾತೆದಾರರು ತಮ್ಮ ಅವಲಂಬಿತರ ಚಿಕಿತ್ಸೆಗಾಗಿ 1 ಲಕ್ಷದವರೆಗೆ ಸುಲಭವಾಗಿ ಹಣವನ್ನು ಹಿಂಪಡೆಯಬಹುದು. ಮೊದಲು ನೀವು 50 ಸಾವಿರ ರೂ.ವರೆಗೆ ಹಿಂಪಡೆಯಬಹುದಿತ್ತು, ಆದರೆ ಇದೀಗ ಈ ಮೊತ್ತವನ್ನು ಹೆಚ್ಚಿಸಲಾಗಿದೆ. ಈ ಹೊಸ ನಿಯಮವನ್ನು ಏಪ್ರಿಲ್ 16 ರಿಂದ ಜಾರಿಗೆ ತರಲಾಗಿದೆ. ಭವಿಷ್ಯ ನಿಧಿ ಆಯುಕ್ತರಿಂದ ಗ್ರೀನ್ ಸಿಗ್ನಲ್ ದೊರೆತ ಕೂಡಲೇ ಈ ಬದಲಾವಣೆಯನ್ನು ಜಾರಿಗೆ ತರಲು ಇಪಿಎಫ್‌ಒ ನಿರ್ಧರಿಸಿದೆ.
ಪಿಎಫ್ ಖಾತೆದಾರರಿಗೆ ಗಂಭೀರ ಅನಾರೋಗ್ಯ ಅಥವಾ ಪ್ರತಿಕೂಲ ಆರೋಗ್ಯ ಪರಿಸ್ಥಿತಿಗಳ ಚಿಕಿತ್ಸೆಗಾಗಿ ಪಿಎಫ್ ಖಾತೆಯಿಂದ ಹಣವನ್ನು ಹಿಂಪಡೆಯುವ ಸೌಲಭ್ಯವನ್ನು ಒದಗಿಸಲಾಗಿದೆ. ಖಾತೆದಾರರು ಅಥವಾ ಅವರ ಅವಲಂಬಿತ ಸದಸ್ಯರು ಗಂಭೀರ ಅನಾರೋಗ್ಯದ ಕಾರಣ ಆಸ್ಪತ್ರೆಗೆ ಸೇರಿದರೆ ಹೆಚ್ಚಿನ ಕ್ಲೈಮ್ ಗಳಿಗೆ ಇದನ್ನು ಬಳಸಬಹುದು. ಪಿಎಫ್ ನೌಕರರು ಸೆಕ್ಷನ್ 68 ರ ಅಡಿಯಲ್ಲಿ 1 ಲಕ್ಷ ರೂ. ಹಿಂಪಡೆಯುವ ಮಿತಿಯ ಅಡಿಯಲ್ಲಿ, ಖಾತೆದಾರರು 6 ತಿಂಗಳವರೆಗೆ ಮೂಲ ವೇತನ ಮತ್ತು ಡಿಎ ಯಾವುದು ಕಡಿಮೆಯೋ ಅದನ್ನು ಹಿಂಪಡೆಯಬಹುದು.
PF ಖಾತೆಯಿಂದ ಹಣ ಹಿಂಪಡೆಯುವುದು ಹೇಗೆ…?
•ನೀವು EPFO ವೆಬ್‌ ಸೈಟ್ www.epfindia.gov.in ಗೆ ಲಾಗಿನ್ ಆಗಬೇಕು.
•ನಂತರ ನೀವು ಆನ್‌ ಲೈನ್ ಸೇವೆಗಳ ಆಯ್ಕೆಯನ್ನು ಕ್ಲಿಕ್ ಮಾಡಬೇಕಾಗುತ್ತದೆ.
•ಇದರ ನಂತರ ನೀವು ಸಂಬಂಧಿತ ಕ್ಲೈಮ್ ಫಾರ್ಮ್ ಅನ್ನು ಭರ್ತಿ ಮಾಡಬೇಕಾಗುತ್ತದೆ.
•ನಂತರ ಪಿಎಫ್ ಖಾತೆಯ ಕೊನೆಯ 4 ಸಂಖ್ಯೆಗಳನ್ನು ನಮೂದಿಸುವ ಮೂಲಕ ಅದನ್ನು ಪರಿಶೀಲಿಸಬೇಕಾಗುತ್ತದೆ.
•ನಂತರ ನೀವು ಆನ್‌ ಲೈನ್ ಕ್ಲೈಮ್ ಗಾಗಿ ಪ್ರೊಸೀಡ್ ಅನ್ನು ಕ್ಲಿಕ್ ಮಾಡಬೇಕು.
•ಫಾರ್ಮ್ 31 ಅನ್ನು ಇಲ್ಲಿ ಭರ್ತಿ ಮಾಡಬೇಕಾಗಿದೆ.
•ಇದರ ನಂತರ, ನೀವು ನಿಮ್ಮ ಖಾತೆಯ ವಿವರಗಳನ್ನು ಭರ್ತಿ ಮಾಡಬೇಕು ಮತ್ತು ಚೆಕ್ ಅಥವಾ ಬ್ಯಾಂಕ್ ಪಾಸ್‌ ಬುಕ್‌ ನ ಸಾಫ್ಟ್ ಕಾಪಿಯನ್ನು ಅಪ್‌ ಲೋಡ್ ಮಾಡಬೇಕು.
•ಈಗ ‘Get Aadhaar OTP’ ಮೇಲೆ ಕ್ಲಿಕ್ ಮಾಡಿ ಮತ್ತು ಅದನ್ನು ನಮೂನೆಯಲ್ಲಿ ನಮೂದಿಸಿ ಮತ್ತು ಅದನ್ನು ಸಲ್ಲಿಸಿ.