Post Offrice Time Deposit Scheme Details: ಭಾರತೀಯರು ಉತ್ತಮ ಭವಿಷ್ಯಕ್ಕಾಗಿ ಹೆಚ್ಚು ಹೂಡಿಕೆಯ ಕಡೆ ಮುಖಮಾಡುತ್ತಿದ್ದಾರೆ. ಇದ್ದಕ್ಕಾಗಿಯೇ ಬ್ಯಾಂಕ್, ಪೋಸ್ಟ್ ಆಫೀಸ್, ಬ್ಯಾಂಕೇತರ ಹಣಕಾಸು ಸಂಸ್ಥೆಯಲ್ಲಿ ಅನೇಕ ಹೂಡಿಕೆ ಯೋಜನೆಗಳನ್ನು ಜಾರಿಗೆ ತರಲಾಗಿದೆ. ನೀವು ಕಷ್ಟಪಟ್ಟು ದುಡಿದು ಸಂಪಾದಿಸಿದ ಹಣವನ್ನು ಹೂಡಿಕೆ ಮಾಡಲು ಉತ್ತಮ ಉಳಿತಾಯ ಯೋಜನೆ ಹುಡುಕುತ್ತಿದ್ದರೆ ಪೋಸ್ಟ್ ಆಫೀಸ್ ನ ಈ ಟೈಮ್ ಡೆಪಾಸಿಟ್ ಸ್ಕೀಮ್ ಉತ್ತಮ ಆಯ್ಕೆ ಆಗಿದೆ. ಹಾಗಾದರೆ ಪೋಸ್ಟ್ ಆಫೀಸ್ ನಲ್ಲಿ ಜಾರಿಯಲ್ಲಿರುವ ಟೈಮ್ ಡೆಪಾಸಿಟ್ ಯೋಜನೆಯಲ್ಲಿ 5 ಲಕ್ಷ ರೂಪಾಯಿ ಹೂಡಿಕೆ ಮಾಡಿದರೆ ಎಷ್ಟು ಬಡ್ಡಿ ಸಿಗುತ್ತೆ ಅನ್ನುವುದರ ಬಗ್ಗೆ ಸಂಪೂರ್ಣ ಮಾಹಿತಿ ನಾವೀಗ ತಿಳಿದುಕೊಳ್ಳೋಣ.
Post Office Time Deposit Scheme
ಪೋಸ್ಟ್ ಆಫೀಸ್ ಟೈಮ್ ಡೆಪಾಸಿಟ್ (POTD), ಇದನ್ನು ರಾಷ್ಟ್ರೀಯ ಉಳಿತಾಯ ಸಮಯ ಠೇವಣಿ ಖಾತೆ ಎಂದೂ ಕರೆಯುತ್ತಾರೆ. ಅಂಚೆ ಕಚೇರಿಯ ಟೈಮ್ ಡೆಪಾಸಿಟ್ ಯೋಜನೆಯು ನಿಗದಿತ ಅವಧಿಗೆ ಹಣವನ್ನು ಠೇವಣಿ ಇಡುವ ಮೂಲಕ ಬಡ್ಡಿಯನ್ನು ಗಳಿಸುವ ಒಂದು ಉಳಿತಾಯ ಯೋಜನೆಯಾಗಿದೆ. ಈ ಯೋಜನೆ ನ್ಯಾಷನಲ್ ಸೇವಿಂಗ್ ಇನ್ಸ್ಟಿಟ್ಯೂಟ್ ಅಡಿಯಲ್ಲಿ ಕಾರ್ಯ ನಿರ್ವಹಿಸುತ್ತದೆ. ಪೋಸ್ಟ್ ಆಫೀಸ್ ಟೈಮ್ ಡೆಪಾಸಿಟ್ ಯೋಜನೆಯಲ್ಲಿ ಕನಿಷ್ಠ 1000 ರೂಪಾಯಿಯಿಂದ ಹೂಡಿಕೆಯನ್ನು ಆರಂಭಿಸಬಹುದಾಗಿದೆ. 1, 2, 3, ಮತ್ತು 5 ವರ್ಷಗಳ ವರೆಗೆ ಹೂಡಿಕೆಯನ್ನು ಮಾಡಬಹುದಾಗಿದೆ. ಈ ಯೋಜನೆ ಯಾವುದೇ ಮಾರುಕಟ್ಟೆ ಏರಿಳಿತಗಳಿಲ್ಲದೆ ನಿಶ್ಚಿತ ಆದಾಯವನ್ನು ನೀಡುತ್ತದೆ.
5 ವರ್ಷ TD ಯಲ್ಲಿ 5 ಲಕ್ಷ ಠೇವಣಿ ಮಾಡಿದರೆ ರಿಟರ್ನ್ ಎಷ್ಟು?
ಇದೀಗ ನಾವು 5 ವರ್ಷ ಅವಧಿಗೆ ಪೋಸ್ಟ್ ಆಫೀಸ್ ನಲ್ಲಿ 5 ಲಕ್ಷ ಹಣವನ್ನ ಹೂಡಿಕೆ ಮಾಡಿದರೆ ಎಷ್ಟು ಲಾಭ ಪಡೆದುಕೊಳ್ಳಬಹುದು ಅನ್ನುವ ಬಗ್ಗೆ ನೋಡೋಣ. ಪೋಸ್ಟ್ ಆಫೀಸ್ ನ ಟೈಮ್ ಡೆಪಾಸಿಟ್ ಸ್ಕೀಮ್ ನಲ್ಲಿ ವಾರ್ಷಿಕವಾಗಿ 7.50% ಬಡ್ಡಿಯನ್ನು ನೀಡಲಾಗುತ್ತದೆ. POTD ನಲ್ಲಿ ಬಡ್ಡಿಯನ್ನು ತ್ರೈಮಾಸಿಕವಾಗಿ ಲೆಕ್ಕಹಾಕಲಾಗುತ್ತದೆ, ಮತ್ತು ವಾರ್ಷಿಕವಾಗಿ ನೀಡಲಾಗುತ್ತದೆ. ಇನ್ನು 7.50% ಬಡ್ಡಿದರದಲ್ಲಿ 5 ವರ್ಷಕ್ಕೆ 5 ಲಕ್ಷ ಠೇವಣಿ ಮಾಡಿದರೆ,
- ಒಟ್ಟು ಬಡ್ಡಿ ಮೊತ್ತ 2,24,974 ರೂಪಾಯಿ ಆಗುತ್ತದೆ.
- ಮೆಚ್ಯೂರಿಟಿ ಸಮಯದಲ್ಲಿ ಒಟ್ಟು 7,24,974 ರೂಪಾಯಿ ಸಿಗುತ್ತದೆ.
ಇದು ಅಂದಾಜು ಲೆಕ್ಕಾಚಾರ ಅಷ್ಟೇ, ನಿಖರವಾದ ಲೆಕ್ಕಾಚಾರಕ್ಕೆ ಅಧಿಕೃತ ಮೂಲಗಳನ್ನು ಪರಿಶೀಲನೆ ಮಾಡಿ.
ಪೋಸ್ಟ್ ಆಫೀಸ್ TD ಯೋಜನೆಯ ಲಾಭ
- ಸೆಕ್ಷನ್ 80C ಅಡಿಯಲ್ಲಿ ತೆರಿಗೆ ಕಡಿತಕ್ಕೆ ಅರ್ಹವಾಗಿದೆ
- ಸರ್ಕಾರದ ಬೆಂಬಲದೊಂದಿಗೆ, ಹೆಚ್ಚಿನ ಬಂಡವಾಳ ರಕ್ಷಣೆಯನ್ನು ನೀಡುತ್ತದೆ.
- ಕನಿಷ್ಠ ಹೂಡಿಕೆ 1,000 ರೂಪಾಯಿ, ಗರಿಷ್ಠ ಮಿತಿ ಇಲ್ಲ
- ಠೇವಣಿ ಮೇಲೆ ಸಾಲ ಸೌಲಭ್ಯವನ್ನು ಪಡೆದುಕೊಳ್ಳಬಹುದು
ಖಾತೆ ತೆರೆಯುವ ವಿಧಾನ
- ಅಂಚೆ ಕಚೇರಿಗೆ ಭೇಟಿ ನೀಡಿ
- ಅಗತ್ಯ ದಾಖಲೆಗಳಾದ ಆಧಾರ್ ಕಾರ್ಡ್, ಪ್ಯಾನ್ ಕಾರ್ಡ್, ಮತ್ತು ವಿಳಾಸದ ಪುರಾವೆಯನ್ನು ನೀಡಬೇಕು
- ಖಾತೆಯನ್ನು ಏಕವ್ಯಕ್ತಿ, ಜಂಟಿ ಖಾತೆ, ಅಥವಾ ಸಂಸ್ಥೆಯ ಹೆಸರಿನಲ್ಲಿ ತೆರೆಯಬಹುದು.
- ಇಂಡಿಯಾ ಪೋಸ್ಟ್ ನ ಆನ್ಲೈನ್ ಬ್ಯಾಂಕಿಂಗ್ ಸೌಲಭ್ಯದ ಮೂಲಕ ಖಾತೆಯನ್ನು ನಿರ್ವಹಿಸಬಹುದು.
Disclaimer: This information is provided for awareness purposes only. For personalised legal advice, consult a qualified professional and refer to official government notifications.
