Post Office Gram Suraksha Scheme Details: ಅಂಚೆ ಇಲಾಖೆಯ ಎಲ್ಲಾ ಯೋಜನೆಗಳು ಜನರಿಗೆ ಲಾಭ ಕೊಡುವಂಥದಾಗಿದೆ. ಅಂಚೆ ಇಲಾಖೆಯ ಕಡಿಮೆ ಹೂಡಿಕೆ ಮಾಡಿ ಅಧಿಕ ಆದಾಯ ಕೊಡುವ ಯೋಜನೆಗಳಲ್ಲಿ ಗ್ರಾಮ ಸುರಕ್ಷಾ ಯೋಜನೆ ಕೂಡ ಒಂದಾಗಿದೆ.
ಗ್ರಾಮ ಸುರಕ್ಷಾ ಯೋಜನೆ ಇದು ಗ್ರಾಮೀಣ ಜನರನ್ನು ಗುರಿಯಾಗಿಟ್ಟುಕೊಂಡು ಪರಿಚಯಿಸಿದ್ದಾಗಿದ್ದು, ಈ ಯೋಜನೆಯ ಮುಖ್ಯ ಉದ್ದೇಶವೇ ಗ್ರಾಮೀಣ ಜನರನ್ನು ಆರ್ಥಿಕವಾಗಿ ಸಧ್ರಡಗೊಳಿಸುವುದಾಗಿದೆ. ಹಾಗಿದ್ದರೆ ಈ ಯೋಜನೆಯ ಸಂಪೂರ್ಣ ಮಾಹಿತಿ ತಿಳಿಯುವುದು ಬಹಳ ಮುಖ್ಯ. ಈ ಯೋಜನೆಯಲ್ಲಿ ಕಡಿಮೆ ಮೊತ್ತವನ್ನ ಹೂಡಿಕೆ ಮಾಡುವುದರ ಮೂಲಕ ದೊಡ್ಡ ಮೊತ್ತದ ಲಾಭವನ್ನ ಗಳಿಸಬಹುದಾಗಿದೆ.
ಗ್ರಾಮೀಣ ಜನರ ಯೋಜನೆ ಗ್ರಾಮ ಸುರಕ್ಷಾ
ಗ್ರಾಮ ಸುರಕ್ಷಾ ಯೋಜನೆ ಅಡಿಯಲ್ಲಿ, ತಿಂಗಳಿಗೆ ರೂ.1,500 ಠೇವಣಿ ಮಾಡುವ ಹೂಡಿಕೆದಾರರು ರೂ. 31 ರಿಂದ 35 ಲಕ್ಷ ರೂ.ವರೆಗೆ ರಿಟರ್ನ್ ಪಡೆಯಬಹುದು. 19 ವರ್ಷ ಮೇಲ್ಪಟ್ಟ ಅಭ್ಯರ್ಥಿಗಳು ಗ್ರಾಮ ಸುರಕ್ಷಾ ಯೋಜನೆಯನ್ನು ಪ್ರಾರಂಭಿಸಲು ಅರ್ಹರಾಗಿರುತ್ತಾರೆ. ಈ ಯೋಜನೆಗೆ ಗರಿಷ್ಠ ಅರ್ಹತೆಯ ವಯಸ್ಸು 55 ವರ್ಷಗಳು. ಈ ಯೋಜನೆಯಡಿಯಲ್ಲಿ ಕನಿಷ್ಠ ವಿಮಾ ಮೊತ್ತವು ರೂ. 10,000 ರಿಂದ ರೂ.10 ಲಕ್ಷಗಳ ವರೆಗೆ ಇರುತ್ತದೆ. ಈ ಯೋಜನೆಯ ಪ್ರೀಮಿಯಂ ಅನ್ನು ಮಾಸಿಕ, ತ್ರೈಮಾಸಿಕ, ಅರ್ಧ ವಾರ್ಷಿಕ ಅಥವಾ ವಾರ್ಷಿಕವಾಗಿ ಪಾವತಿಸಬಹುದು. ವ್ಯಕ್ತಿಯು 80 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನವನಾಗಿದ್ದಾಗ ಈ ಯೋಜನೆಯು ಪ್ರಯೋಜನ ಪಡೆಯುತ್ತದೆ.
ವಿಮೆಯನ್ನು ನವೀಕರಿಸುವ ಅವಕಾಶ ಇದೆ
ಒಬ್ಬ ವ್ಯಕ್ತಿಯು 19 ನೇ ವಯಸ್ಸಿನಲ್ಲಿ ಗ್ರಾಮ ಸುರಕ್ಷಾ ಪಾಲಿಸಿಯಲ್ಲಿ 10 ಲಕ್ಷ ರೂಪಾಯಿಗಳನ್ನು ಹೂಡಿಕೆ ಮಾಡಿದರೆ, ಮಾಸಿಕ ಪ್ರೀಮಿಯಂ 55 ವರ್ಷಕ್ಕೆ 1,515 ರೂ., 58 ವರ್ಷಕ್ಕೆ 1,463 ಮತ್ತು 60 ವರ್ಷಕ್ಕೆ 1,411 ರೂ. 55 ವರ್ಷಗಳ ವಿಮೆಗೆ ಮೆಚ್ಯೂರಿಟಿ ಲಾಭ ರೂ. 31.60 ಲಕ್ಷಗಳು, 58 ವರ್ಷಗಳ ಪಾಲಿಸಿಗೆ ರೂ. 33.40 ಲಕ್ಷ. 60 ವರ್ಷಗಳ ಮೆಚುರಿಟಿ ಲಾಭ ರೂ. 34.60 ಲಕ್ಷಗಳಾಗಿರುತ್ತದೆ. ಗ್ರಾಹಕರು ಪ್ರೀಮಿಯಂ ಪಾವತಿಸಲು 30 ದಿನಗಳ ಗ್ರೇಸ್ ಅವಧಿಯನ್ನು ಹೊಂದಿದ್ದಾರೆ. ಪಾಲಿಸಿ ಅವಧಿಯಲ್ಲಿ ಡೀಫಾಲ್ಟ್ ಆಗಿದ್ದಲ್ಲಿ. ಪಾಲಿಸಿದಾರರು ಭಾಕಿ ಇರುವ ಪ್ರೀಮಿಯಂ ಪಾವತಿಸಿ ವಿಮೆಯನ್ನು ನವೀಕರಿಸಬಹುದು.
ಈ ಯೋಜನೆಯು ಸಾಲ ಸೌಲಭ್ಯವನ್ನು ಒದಗಿಸುತ್ತದೆ
ಇಂಡಿಯಾ ಪೋಸ್ಟ್ ನೀಡುವ ಈ ರಕ್ಷಣಾ ಯೋಜನೆಯು ಕಡಿಮೆ ಅಪಾಯದೊಂದಿಗೆ ಉತ್ತಮ ಆದಾಯವನ್ನು ನೀಡುತ್ತದೆ. ಅಷ್ಟೇ ಅಲ್ಲದೇ ಈ ಯೋಜನೆಯ ಮೂಲಕ ಸಾಲ ಸೌಲಭ್ಯವೂ ದೊರೆಯುತ್ತದೆ. ಕ್ಲೈಂಟ್ ಮೂರು ವರ್ಷಗಳ ನಂತರ ಪಾಲಿಸಿಯನ್ನು ಸರೆಂಡರ್ ಮಾಡಲು ಆಯ್ಕೆ ಮಾಡಬಹುದು. ಆದರೆ, ಆ ಸಂದರ್ಭದಲ್ಲಿ ಯಾವುದೇ ಗ್ರಾಮ ಭದ್ರತಾ ಯೋಜನೆ ವ್ಯಾಪ್ತಿಗೆ ಬರುವುದಿಲ್ಲ.