500 Rs Update: 500 ರೂ ನೋಟುಗಳ ಮೇಲೆ ಇನ್ನೊಂದು ಮಾರ್ಗಸೂಚಿ ಪ್ರಕಟಿಸಿದ RBI, ಇಂತಹ ನೋಟುಗಳು ನಕಲಿ ಅಲ್ಲ

RBI Update On 500 Rs Note: ನೋಟುಗಳ ಕುರಿತು ಆಗಾಗ ಹಲವು ಊಹಾಪೋಹಗಳು ಹಾಗು ಗೊಂದಲಗಳು ಹರಿದಾಡುತ್ತಿರುತ್ತವೆ. ಈ ಹಿಂದೆಯೂ 2000 ನೋಟುಗಳ ಕುರಿತು ಹಲವು ಪ್ರಶ್ನೆಗಳು ಮೂಡಿದ್ದವು ಹಾಗೆಯೆ ಈಗ 500 ರೂಪಾಯಿ ನೋಟುಗಳ ಸರದಿ ಪ್ರಾರಂಭ ಆಗಿದೆ.

500 ರೂಪಾಯಿಯ ಕೆಲವು ನೋಟುಗಳು ನಕಲಿ ಎಂಬ ವರದಿ ಎಲ್ಲಾ ಕಡೆ ಹರಿದಾಡುತ್ತಿದೆ ಹಾಗಾಗಿ ಜನರು 500 ರೂಪಾಯಿ ನೋಟಿನ ವ್ಯವಹಾರ ಮಾಡಲು ಭಯ ಪಡುತ್ತಿದ್ದಾರೆ. 500 ರೂಪಾಯಿಯ ನಂಬರ್ ಪ್ಯಾನೆಲ್’ನಲ್ಲಿ ಸ್ಟಾರ್ (*) ಚಿಹ್ನೆಯನ್ನ ಹೊಂದಿದ್ದರೆ ಆ ನೋಟುಗಳು ನಕಲಿ ಎಂದು ಹೇಳುವ ವೈರಲ್ ಸಂದೇಶವು ಗೊಂದಲ ಮತ್ತು ಕಳವಳಕ್ಕೆ ಕಾರಣವಾಗಿದೆ.

‘*’ (ಸ್ಟಾರ್) ಚಿಹ್ನೆಯ ಕುರಿತು ವಿವರ

RBI 2016ರ ಡಿಸೆಂಬರ್ನಲ್ಲಿ ಹೊಸ 500 / – ಮುಖಬೆಲೆಯ ನೋಟುಗಳ ಸಂಖ್ಯೆ ಫಲಕದಲ್ಲಿ ‘*’ (ಸ್ಟಾರ್) ಚಿಹ್ನೆಯನ್ನ ಪರಿಚಯಿಸಿದೆ. ಅದ್ರಂತೆ, ಮಹಾತ್ಮ ಗಾಂಧಿ (ಹೊಸ) ಸರಣಿಯಲ್ಲಿ ಹೊಸ 500 ರೂಪಾಯಿ ಮುಖಬೆಲೆಯ ನೋಟುಗಳನ್ನ ಬಿಡುಗಡೆ ಮಾಡುವ ಬಗ್ಗೆ RBI 2016ರ ಡಿಸೆಂಬರ್ 16 ರಂದು ಪತ್ರಿಕಾ ಟಿಪ್ಪಣಿಯನ್ನು ಬಿಡುಗಡೆ ಮಾಡಿತ್ತು.

ಪತ್ರಿಕಾ ಟಿಪ್ಪಣಿಯ ಹೇಳಿಕೆಯಲ್ಲಿ, “ಕೆಲವು ಶೀರ್ಷಿಕೆಯ ನೋಟುಗಳು ಪೂರ್ವಪ್ರತ್ಯಯ ಮತ್ತು ಸಂಖ್ಯೆಯ ನಡುವಿನ ಜಾಗದಲ್ಲಿ ಸಂಖ್ಯೆ ಫಲಕದಲ್ಲಿ ‘*’ (ನಕ್ಷತ್ರ) ಎಂಬ ಹೆಚ್ಚುವರಿ ಅಕ್ಷರವನ್ನ ಹೊಂದಿರುತ್ತವೆ. ಈ ನೋಟುಗಳನ್ನ ಹೊಂದಿರುವ ಪ್ಯಾಕೆಟ್’ ಗಳು ಎಂದಿನಂತೆ 100 ತುಣುಕುಗಳನ್ನ ಹೊಂದಿರುತ್ತವೆ, ಆದರೆ ಸರಣಿ ಕ್ರಮದಲ್ಲಿ ಇರುವುದಿಲ್ಲ. ‘ಸ್ಟಾರ್’ ಟಿಪ್ಪಣಿಗಳನ್ನ ಹೊಂದಿರುವ ನೋಟ್ ಪ್ಯಾಕೆಟ್’ಗಳನ್ನ ಸುಲಭವಾಗಿ ಗುರುತಿಸಲು ಅನುಕೂಲವಾಗುವಂತೆ, ಅಂತಹ ಪ್ಯಾಕೆಟ್’ಗಳ ಮೇಲಿನ ಬ್ಯಾಂಡ್’ ಗಳು ಪ್ಯಾಕೆಟ್’ ನಲ್ಲಿ ಈ ನೋಟುಗಳ ಉಪಸ್ಥಿತಿಯನ್ನ ಸ್ಪಷ್ಟವಾಗಿ ಸೂಚಿಸುತ್ತವೆ.

ಸ್ಟಾರ್’ ಗುರುತು ಹೊಂದಿರುವ 500 ರೂ.ಗಳ ನೋಟುಗಳು ಕಾನೂನು ಬದ್ಧವಾಗಿವೆ

ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದ ಅಡಿಯಲ್ಲಿ ಕಾರ್ಯನಿರ್ವಹಿಸುವ ಪ್ರೆಸ್ ಇನ್ಫರ್ಮೇಷನ್ ಬ್ಯೂರೋದ ಫ್ಯಾಕ್ಟ್ ಚೆಕ್ ಯುನಿಟ್ ಕೂಡ 500 ರೂ.ಗಳ ನೋಟುಗಳು ನಕಲಿ ಎಂಬ ಹೇಳಿಕೆ ಸುಳ್ಳು ಎಂದು ದೃಢಪಡಿಸಿದೆ. ಈ ನೋಟುಗಳು ಡಿಸೆಂಬರ್ 2016 ರಿಂದ ಚಲಾವಣೆಯಲ್ಲಿವೆ ಮತ್ತು ಕಾನೂನುಬದ್ಧವಾಗಿವೆ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.

2006 ರಿಂದ 10/-, ರೂ.20/-, ರೂ.50/- ಮತ್ತು ರೂ.100/- ಮುಖಬೆಲೆಯ ಈ ‘ಸ್ಟಾರ್’ ನೋಟುಗಳು ಚಲಾವಣೆಯಲ್ಲಿವೆ. 19 ಏಪ್ರಿಲ್ 2006 ರಂದು RBI ಬಿಡುಗಡೆ ಮಾಡಿದ ಪತ್ರಿಕಾ ಪ್ರಕಟಣೆಯಲ್ಲಿ ‘ಸ್ಟಾರ್’ ನೋಟುಗಳನ್ನ ಪರಿಚಯಿಸುವ ತಾರ್ಕಿಕತೆ ಮತ್ತು ಯೋಜನೆಯನ್ನ ವಿವರಿಸಲಾಗಿದೆ. ಈ ಎಲ್ಲಾ ಪುರಾವೆಗಳಿಂದ, ಸಂಖ್ಯೆ ಫಲಕದಲ್ಲಿ ‘ಸ್ಟಾರ್’ ಗುರುತು ಹೊಂದಿರುವ 500/- ರೂ.ಗಳ ನೋಟುಗಳು ಕಾನೂನುಬದ್ಧವಾಗಿವೆ, ಪೋಸ್ಟ್ ನಲ್ಲಿ ಹೇಳಿರುವಂತೆ ನಕಲಿ ನೋಟುಗಳಲ್ಲ. ಒಟ್ಟಾರೆಯಾಗಿ ಹೇಳುವುದಾದರೆ, ಸಂಖ್ಯೆ ಫಲಕದಲ್ಲಿ ‘ಸ್ಟಾರ್’ ಗುರುತು ಹೊಂದಿರುವ 500/- ಮುಖಬೆಲೆಯ ನೋಟುಗಳು ಕಾನೂನುಬದ್ಧವಾಗಿವೆ ಎನ್ನಲಾಗಿದೆ.