SIM Port: ಸಿಮ್ ಪೋರ್ಟ್ ಮಾಡುವವರಿಗೆ ಇಂದಿನಿಂದ ಹೊಸ ರೂಲ್ಸ್, ನರೇಂದ್ರ ಮೋದಿ ಸರ್ಕಾರದ ಆದೇಶ.

SIM Card New Rule From July 1st: ಜನಸಾಮಾನ್ಯರು ಆನ್ಲೈನ್ ವಂಚನೆಯಿಂದ ರೋಸಿಹೋಗಿದ್ದಾರೆ ಎನ್ನಬಹುದು. ಆನ್ಲೈನ್ ವಂಚನೆಯ ತಡೆಗಾಗಿ ಈಗಾಗಲೇ ಸಾಕಷ್ಟು ಕ್ರಮಗಳನ್ನು ಕೈಗೊಳ್ಳಲಾಗಿದೆ. ಇನ್ನು TRAI ಈಗಾಗಲೇ SIM Card ಗೆ ಸಂಬಂಧಿಸಿದಂತೆ ಅನೇಕ ನಿಯಮಗಳನ್ನು ಜಾರಿಗೊಳಿಸಿದೆ. ಸದ್ಯ ಅನಗತ್ಯ ಕರೆಗಳು ಮತ್ತು ಸೈಬರ್ ವಂಚನೆಯನ್ನು ತಡೆಯಲು, ದೂರಸಂಪರ್ಕ ಇಲಾಖೆಯು ಹೆಚ್ಚಿನ ಪ್ರಮಾಣದಲ್ಲಿ ಲಭ್ಯವಿರುವ ಸಿಮ್ ಕಾರ್ಡ್‌ ಗಳ ಮಾರ್ಗಸೂಚಿಗಳನ್ನು ಬದಲಾಯಿಸಿದೆ.

ಹೊಸ ನಿಯಮದ ಪ್ರಕಾರ, ಈಗ ಟೆಲಿಕಾಂ ಕಂಪನಿಗಳಿಗೆ ಮಾತ್ರ ಅಂತಹ ಸಂಪರ್ಕಗಳನ್ನು ನೀಡಲು ಅನುಮತಿಸಲಾಗುತ್ತದೆ. ಹೊಸ ನಿಯಮವು ಸೈಬರ್ ವಂಚನೆ ಮತ್ತು ಅನಪೇಕ್ಷಿತ ಕರೆಗಳನ್ನು ತಡೆಯಲು ಬಹಳ ಸಹಾಯ ಮಾಡುತ್ತದೆ. ನಾವೀಗ ಈ ಲೇಖನದಲ್ಲಿ ಜುಲೈ 1 ನಿಂದ ಬದಲಾಗಲಿರುವ ನಿಯಮದ ಬಗ್ಗೆ ಮಾಹಿತಿ ನೀಡಲಿದ್ದೇವೆ.

ಸಿಮ್ ಪೋರ್ಟ್ ಮಾಡುವವರಿಗೆ ಇಂದಿನಿಂದ ಹೊಸ ರೂಲ್ಸ್
ಆನ್‌ ಲೈನ್ ವಂಚನೆ ತಡೆಯಲು TRAI ಮಹತ್ವದ ಹೆಜ್ಜೆ ಇಟ್ಟಿದ್ದು ಜುಲೈ 1 ರಿಂದ ಸಿಮ್ ಕಾರ್ಡ್‌ ಗಳಿಗೆ ಸಂಬಂಧಿಸಿದ ನಿಯಮಗಳಲ್ಲಿ ಬದಲಾವಣೆಯಾಗಲಿದೆ. ಈ ಹೊಸ ನಿಯಮದಿಂದಾಗಿ ಸಾಮಾನ್ಯ ಮೊಬೈಲ್ ಬಳಕೆದಾರರು ಕೆಲವು ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಟ್ರಾಯ್ ಪ್ರಕಾರ, ತಮ್ಮ ಸಿಮ್ ಕಾರ್ಡ್‌ ಗಳನ್ನು ಬದಲಾಯಿಸಿದ ಮೊಬೈಲ್ ಬಳಕೆದಾರರು ತಮ್ಮ ಫೋನ್ ಸಂಖ್ಯೆಯನ್ನು ಪೋರ್ಟ್ ಮಾಡಲು ಸಾಧ್ಯವಾಗುವುದಿಲ್ಲ.

TRAI ಹೊಸ ನಿಯಮದ ಬಗ್ಗೆ ಇಲ್ಲಿದೆ ಡಿಟೈಲ್ಸ್
ಕಳ್ಳತನ ಅಥವಾ ಹಾನಿಯಿಂದಾಗಿ ತಮ್ಮ ಸಿಮ್ ಕಾರ್ಡ್ ಅನ್ನು ಬದಲಾಯಿಸಬೇಕಾದ ಮತ್ತು ಹೊಸ ಸಿಮ್ ಕಾರ್ಡ್ ಖರೀದಿಸಿದ ಬಳಕೆದಾರರು ಮುಂದಿನ 7 ದಿನಗಳಲ್ಲಿ ತಮ್ಮ ಸಂಖ್ಯೆಯನ್ನು ಮತ್ತೊಂದು ಸಿಮ್ ಕಾರ್ಡ್‌ ಗೆ ಪೋರ್ಟ್ ಮಾಡಲು ಅನುಮತಿಸುವುದಿಲ್ಲ. ದೂರಸಂಪರ್ಕ ಇಲಾಖೆಯ (DoT) ಸಲಹೆಗಳನ್ನು ಪರಿಗಣಿಸಿ ಮತ್ತು ವಿವಿಧ ಪಾಲುದಾರರೊಂದಿಗೆ ಸಮಾಲೋಚಿಸಿದ ನಂತರ ಹೊಸ ನಿಯಮಗಳನ್ನು ಮಾಡಲಾಗಿದೆ ಎಂದು TRAI ಹೇಳಿದೆ.

ಟೆಲಿಕಾಂ ಆಪರೇಟಿಂಗ್ ಕಂಪನಿಗಳು ಸಿಮ್ ಬದಲಾಯಿಸುವಾಗ ವಿಶಿಷ್ಟ ಪೋರ್ಟಿಂಗ್ ಕೋಡ್ ಅಥವಾ ಯುಪಿಸಿ ಕೋಡ್ ಅನ್ನು ಒದಗಿಸುತ್ತವೆ. ಮೊಬೈಲ್ ಸಂಖ್ಯೆಯನ್ನು ಮತ್ತೊಂದು ಸಿಮ್‌ ಗೆ ವರ್ಗಾಯಿಸುವ ಪ್ರಕ್ರಿಯೆಯಲ್ಲಿ ಇದು ಮೊದಲ ಹಂತವಾಗಿದೆ. ಈ ಎಂಟು ಅಂಕಿಯ ಕೋಡ್ ನಮೂದಿಸಿದ ನಂತರ, ಮೊಬೈಲ್ ಸಂಖ್ಯೆಯನ್ನು ಮತ್ತೊಂದು ಸಿಮ್‌ ಗೆ ಪೋರ್ಟ್ ಮಾಡಬಹುದು. ಹೊಸ ನಿಯಮದ ಪ್ರಕಾರ, ಸಿಮ್ ನಿಷ್ಕ್ರಿಯಗೊಳಿಸಿದ ಏಳು ದಿನಗಳವರೆಗೆ ಟೆಲಿಕಾಂ ಆಪರೇಟರ್‌ ಗಳು ಯುಪಿಸಿ ಕೋಡ್ ಅನ್ನು ನೀಡುವಂತಿಲ್ಲ ಎಂಬ ನಿಯಮವನ್ನು TRAI ಸೇರಿಸಿದೆ.