Sukanya samriddhi Scheme Investment 1000 Rs: ನಿಮ್ಮ ಮಕ್ಕಳ ಭವಿಷ್ಯ ಉತ್ತಮವಾಗಿರಿಸಲು ಇಂದೇ ಹೂಡಿಕೆ ಮಾಡುವುದು ಬಹಳ ಅಗತ್ಯವಾಗಿದೆ ಮತ್ತು ಸುರಕ್ಷಿತ ಹೂಡಿಕೆಗೆ ಹಲವಾರು ಯೋಜನೆಗಳಿವೆ. ಇದರಲ್ಲಿ ಭಾರತ ಸರ್ಕಾರ ಜಾರಿಗೆ ತಂದ ಸುಕನ್ಯಾ ಸಮೃದ್ಧಿ ಯೋಜನೆ ಮಕ್ಕಳ ಭವಿಷ್ಯದ ಕನಸಿಗೆ ಉತ್ತಮವಾದ ಆಯ್ಕೆ ಆಗಿದೆ. ಈ ಯೋಜನೆಯ ಮೂಲಕ ಕಡಿಮೆ ಹೂಡಿಕೆಯಿಂದ ದೀರ್ಘಾವಧಿಯಲ್ಲಿ ದೊಡ್ಡ ಮೊತ್ತವನ್ನು ಸಂಗ್ರಹಿಸಬಹುದು. ಇದೀಗ ನಾವು ಈ ಯೋಜನೆಯ ಬಗ್ಗೆ ಸಂಪೂರ್ಣ ಮಾಹಿತಿಯನ್ನ ತಿಳಿದುಕೊಳ್ಳೋಣ.
ಸುಕನ್ಯಾ ಸಮೃದ್ಧಿ ಯೋಜನೆ
ಸುಕನ್ಯಾ ಸಮೃದ್ಧಿ ಯೋಜನೆ, ಇದು ಹೆಣ್ಣು ಮಕ್ಕಳಿಗಾಗಿಯೇ ಜಾರಿಗೆ ತಂದ ಒಂದು ಉಳಿತಾಯ ಯೋಜನೆಯಾಗಿದೆ. 2015 ರಲ್ಲಿ ನೆಡೆದ ಬೇಟಿ ಬಚಾವೋ, ಬೇಟಿ ಪಡಾವೋ ಅಭಿಯಾನದಲ್ಲಿ ನರೇಂದ್ರ ಮೋದಿ ಅವರು ಸುಕನ್ಯಾ ಸಮೃದ್ಧಿ ಯೋಜನೆಯನ್ನು ಜಾರಿಗೆ ತಂದಿದ್ದಾರೆ. ಇದು ಹೆಣ್ಣು ಮಕ್ಕಳ ಶಿಕ್ಷಣ ಮತ್ತು ಮದುವೆಗೆ ಆರ್ಥಿಕ ನೆರವು ಒದಗಿಸುವ ಗುರಿಯನ್ನು ಹೊಂದಿದೆ. ಈ ಯೋಜನೆಯನ್ನು ಅಂಚೆ ಕಚೇರಿಗಳು ಮತ್ತು ಆಯ್ದ ಬ್ಯಾಂಕ್ಗಳ ಮೂಲಕ ಕಾರ್ಯಗತಗೊಳಿಸಲಾಗುತ್ತದೆ. ಇದರಲ್ಲಿ 8.2% ರಷ್ಟು ಆಕರ್ಷಕ ಬಡ್ಡಿ ದರವಿದ್ದು, ಇದು ಸಂಪೂರ್ಣ ತೆರಿಗೆ-ಮುಕ್ತವಾಗಿದೆ.
2025 ರಲ್ಲಿ ಹೂಡಿಕೆ ಲೆಕ್ಕಾಚಾರ
2025 ರಲ್ಲಿ ಸುಕ್ಯಾ ಸಮೃದ್ಧಿ ಯೋಜನೆಯ ಬಡ್ಡಿದರ 8.2% ಆಗಿದೆ. ಈ ಯೋಜನೆ PPF ಮತ್ತು NSC ಗಿಂತ ಹೆಚ್ಚಿನ ಬಡ್ಡಿಯನ್ನು ನೀಡುತ್ತದೆ. ಉದಾಹರಣೆಗೆ, ವರ್ಷಕ್ಕೆ 12000 ಅಂದರೆ ತಿಂಗಳಿಗೆ 1000 ರೂ ಹೂಡಿಕೆ ಮಾಡಿದರೆ 15 ವರ್ಷಕ್ಕೆ ನೀವು ಸುಮಾರು 1,80,000 ರೂ ಹಣವನ್ನು ಹೂಡಿಕೆ ಮಾಡಬೇಕಾಗುತ್ತದೆ. 21 ವರ್ಷಕ್ಕೆ ಸುಮಾರು ರೂ 5,81,287 ಮ್ಯಾಚುರಿಟಿ ಹಣವನ್ನು ಪಡೆದುಕೊಳ್ಳಬಹುದು, ಇದು ನಿಮ್ಮ ಮಗಳ ಮದುವೆ ಅಥವಾ ಭವಿಷ್ಯದ ಶಿಕ್ಷಣಕ್ಕೆ ಬಹಳ ಉಪಯುಕ್ತವಾಗಿದೆ.
ಸುಕನ್ಯಾ ಸಮೃದ್ಧಿ ಖಾತೆ ತೆರೆಯುವುದು ಹೇಗೆ?
ಸುಕನ್ಯಾ ಸಮೃದ್ಧಿ ಯೋಜನೆಯ ಖಾತೆಯನ್ನು ತೆರೆಯಲು ನಿಮ್ಮ ಸಮೀಪದ ಅಂಚೆ ಕಚೇರಿ ಅಥವಾ ಆಯ್ದ ಬ್ಯಾಂಕ್ಗೆ ಭೇಟಿ ನೀಡಿ. ಖಾತೆಯನ್ನು ತೆರೆದ ನಂತರ ನೀವು ಆನ್ಲೈನ್ ಅಥವಾ ಆಫ್ ಲೈನ್ ಮೂಲಕ ಹಣವನ್ನು ಜಮಾ ಮಾಡಬಹುದು. ಈ ಕೆಳಗಿನ ದಾಖಲೆಗಳು ಅಗತ್ಯವಾಗಿರುತ್ತವೆ,
*ಜನನ ಪ್ರಮಾಣಪತ್ರ
* ಪೋಷಕರ ಮತ್ತು ಮಗುವಿನ ಆಧಾರ್ ಕಾರ್ಡ್
*ವಿಳಾಸದ ದಾಖಲೆ
*ಇತ್ತೀಚಿನ ಫೋಟೋ
ಸುಕನ್ಯಾ ಸಮೃದ್ಧಿ ಯೋಜನೆಯ ನಿಯಮಗಳು
*ಹೂಡಿಕೆಯ ಅವಧಿ 15 ವರ್ಷಗಳು ಆಗಿರುತ್ತದೆ.
*18 ವರ್ಷದ ನಂತರ ಶಿಕ್ಷಣಕ್ಕೆ 50% ಹಣವನ್ನು ಉಪಯೋಗಿಸಬಹುದು.
*ಕನಿಷ್ಠ 250 ರೂ. ಹೂಡಿಕೆ ಮಾಡಬೇಕು
*10 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಿಗೆ ಖಾತೆ ತೆರೆಯಬೇಕು
*ಖಾತೆ ತೆರೆದ ದಿನಾಂಕದಿಂದ 21 ವರ್ಷಗಳ ಅವಧಿಯನ್ನು ಹೊಂದಿರುತ್ತದೆ
Disclaimer: This information is provided for awareness purposes only. For personalised legal advice, consult a qualified professional and refer to official government notifications.
