Challan Scam: ಪ್ರತಿನಿತ್ಯ ಟೋಲ್ ಶುಲ್ಕ ಕಟ್ಟುವವರಿಗೆ ಕೇಂದ್ರದ ದೊಡ್ಡ ಘೋಷಣೆ, ಹಣ ಕಟ್ಟಿದ ನಂತರ ಈ ತಪ್ಪು ಮಾಡಬೇಡಿ.

Traffic Challan Scam: ದೇಶದಲ್ಲೆಡೆ ಟ್ರಾಫಿಕ್ ಸಮಸ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ರಸ್ತೆ ಸಾರಿಗೆ ಸಚಿವಾಲಯ ಟ್ರಾಫಿಕ್ ಸಮಸ್ಯೆಗೆ ಕಡಿವಾಣ ಹಾಕಲು ಸಾಕಷ್ಟು ನಿಯಮಗಳನ್ನು ಜಾರಿಗೆ ತರುತ್ತಿದೆ. ಈಗಾಗಲೇ ರಸ್ತೆಗಳಲ್ಲಿ ವಾಹನ ಸಂಚರಿಸುವವರಿಗೆ ಇಲಾಖೆ ವಿವಿಧ ನಿಯಮಗಳನ್ನು ಸೂಚಿಸಿದೆ. ವಾಹನ ಸವಾರರು ಟ್ರಾಫಿಕ್ ನಿಯಮವನ್ನು ಕಟ್ಟು ನಿಟ್ಟಾಗಿ ಪಾಲಿಸಬೇಕಿದೆ.

ಟೋಲ್ ಸಂಗ್ರಹಣೆಯಲ್ಲಿ ಹೆಚ್ಚುತ್ತಿದೆ ವಂಚನೆ
ಇನ್ನು ಇತ್ತೀಚಿಗೆ ಟೋಲ್ ಸಂಗ್ರಹಣೆಯಲ್ಲಿ ಕೂಡ ಸಾಕಷ್ಟು ವಿಧಾನಗಳನ್ನ ಬಳಸಲಾಗುತ್ತಿದೆ. ವಾಹನ ಸವಾರರ ಸಮಯ ಉಳಿಸುವ ಸಲುವಾಗಲಿ ವಿವಿಧ ತಂತ್ರಜ್ಞಾನಗಳನ್ನು ಬಳಸಿ ಟೋಲ್ ಸಂಗ್ರಹಣೆ ಮಾಡಲಾಗುತ್ತಿದೆ. ಪ್ರಸ್ತುತ ದೇಶದಲ್ಲಿ ವಂಚನೆಯ ಪ್ರಕರಣಗಳು ಸಾಕಷ್ಟು ಬೆಳಕಿಗೆ ಬರುತ್ತಿವೆ. ಒಂದಲ್ಲ ಒಂದು ವಿಧಾನದಲ್ಲಿ ವಂಚನೆಯನ್ನು ಮಾಡಲು ವಂಚಕರು ಕಾಯುತ್ತಿರುತ್ತಾರೆ. ಇನ್ನು ಟೋಲ್ ಸಂಗ್ರಹಣೆಯಲ್ಲಿ ಕೂಡ ಇತ್ತೀಚಿಗೆ ವಂಚನೆ ಪ್ರಾರಂಭವಾಗಿದೆ. ನಕಲಿ ಚಲನ್ (Challan Scam) ಅನ್ನು ನೀಡಿ ವಂಚನೆ ನಡೆಸಲಾಗುತ್ತಿದೆ.

ನಕಲಿ ಚಲನ್ ಗಳ ಕುರಿತು ಜನರಿಗೆ ಎಚ್ಚರಿಕೆ
ಸರ್ಕಾರಿ ಅಧಿಕಾರಿಗಳು ಮತ್ತು ಕಾನೂನು ಜಾರಿ ಸಂಸ್ಥೆಗಳು ನಕಲಿ ಇ-ಚಲನ್ ಯೋಜನೆಗಳ ಬಗ್ಗೆ ಜನರಿಗೆ ಎಚ್ಚರಿಕೆ ನೀಡುತ್ತಿವೆ. ಟ್ರಾಫಿಕ್ ಚಲನ್ ಎಚ್ಚರಿಕೆಗಳನ್ನು ನಕಲಿಸುವ ಮೂಲಕ ಎಸ್‌ ಎಂಎಸ್ ಮೂಲಕ ವಾಹನ ಮಾಲೀಕರನ್ನು ವಂಚನೆ ಮಾಡಲಾಗುತ್ತಿದೆ.

ಈ ಹಗರಣವನ್ನು ನಡೆಸುವ ಅಪರಾಧಿಗಳು ಇ-ಚಲನ್‌ ನಂತೆಯೇ SMS ಎಚ್ಚರಿಕೆಗಳನ್ನು ಕಳುಹಿಸಿ ಪಾವತಿ ಮಾಡಲು ಲಿಂಕ್ ಅನ್ನು ಸಹ ನೀಡುತ್ತದೆ. ಸಂದೇಶವನ್ನು ಸ್ವೀಕರಿಸಿದ ನಂತರ ವ್ಯಕ್ತಿಯು ಲಿಂಕ್ ಅನ್ನು ಕ್ಲಿಕ್ ಮಾಡಿದರೆ, ಮೊಬೈಲ್ ಹ್ಯಾಕರ್‌ ಗಳ ವಶಕ್ಕೆ ಬರುತ್ತದೆ. ಇದರಿಂದಾಗಿ ಹ್ಯಾಕರ್‌ ಗಳು ಕ್ರೆಡಿಟ್/ಡೆಬಿಟ್ ಕಾರ್ಡ್ ಮಾಹಿತಿಯನ್ನು ಸುಲಭವಾಗಿ ಪಡೆಯುತ್ತಾರೆ.

ವಂಚನೆಯಿಂದ ತಪ್ಪಿಸಿಕೊಳ್ಳಲು ಪ್ರಯತ್ನಿಸಿ
ಟ್ರಾಫಿಕ್ ಅಧಿಕಾರಿಗಳು ಬಳಸುವ ಫಾರ್ಮ್ಯಾಟಿಂಗ್ ಅನ್ನು ವಂಚಕರು ನಕಲಿ ಮಾಡುತ್ತಿದ್ದಾರೆ. ಅಧಿಕೃತ ಇ-ಚಲನ್ ಲಿಂಕ್ “https://echallan.parivahan.gov.in/” ಆಗಿದೆ. ಇದರ ರೀತಿಯೇ ಸ್ವಲ್ಪ ಬದಲಾವಣೆಯಲ್ಲಿ ಲಿಂಕ್ ಅನ್ನು ಕಳುಹಿಸುವ ಮೂಲಕ ವಂಚಕರು ವಂಚನೆಗೆ ಪ್ರಯತ್ನಿಸುತ್ತಾರೆ.

ನಕಲಿ ಚಲನ್ ಲಿಂಕ್ ಅನ್ನು ಗುರುತಿಸುವುದು ಹೇಗೆ
ಚಲನ್ ಲಿಂಕ್ ನ ಕೊನೆಯಲ್ಲಿ ‘gov.in’ ಇರುತ್ತದೆ. ಈ ಬಗ್ಗೆ ಹೆಚ್ಚು ಗಮನ ಕೊಡುವುದು ಉತ್ತಮ. ಇನ್ನು gov.in ಎಂದು ಲಿಂಕ್ ನಲ್ಲಿ ಕಾಣಿಸದಿದ್ದರೆ ನೀವು ಯಾವುದೇ ಕಾರಣಕ್ಕೂ ಲಿಂಕ್ ಅನ್ನು ಕ್ಲಿಕ್ ಮಾಡಾಬಾರದು. ನಕಲಿ ಸಂದೇಶಗಳು ಬಂದರೆ ನೀವು ಅಧಿಕೃತ ವೆಬ್ ಸೈಟ್ ಗೆ ಭೇಟಿ ನೀಡುವ ಮೂಲಕ ನಿಮ್ಮ ವಾಹನಕ್ಕೆ ಚಲನ್ ನೀಡಲಾಗಿದೆಯೇ ಅಥವಾ ಇಲ್ಲವ ಎನ್ನುವ ಬಗ್ಗೆ ಮಾಹಿತಿ ತಿಳಿದುಕೊಳ್ಳಬಹುದು.