UPI New Rules August 2025: ಆಗಸ್ಟ್ 1 ರಿಂದ ಯಾವುದೇ UPI ಮೂಲಕ ನೀವು ಬ್ಯಾಂಕ್ ಬ್ಯಾಲೆನ್ಸ್ ಚೆಕ್ ಮಾಡಿದರೆ ದಂಡ ಪಾವತಿ ಮಾಡಬೇಕಾಗುತ್ತಿದೆ. ಆಗಸ್ಟ್ 1 ರಿಂದ UPI ಬ್ಯಾಲೆನ್ಸ್ ಚೆಕ್ ಮಾಡುವುದಕ್ಕೆ ಸಂಬಂಧಪಟ್ಟಂತೆ ದೇಶಾದ್ಯಂತ ಹೊಸ ರೂಲ್ಸ್ ಜಾರಿಗೆ ಬರಲಿದೆ. UPI ಮೂಲಕ ಬ್ಯಾಂಕ್ ಬ್ಯಾಲೆನ್ಸ್ ಚೆಕ್ ಮಾಡುವ ಮಿತಿಯಲ್ಲಿ ಈಗ ಬದಲಾವಣೆ ಮಾಡಲಾಗಿದೆ ಮತ್ತು ಬದಲಾದ ನಿಯಮದ ಪ್ರಕಾರ ಅಗತ್ಯಕ್ಕಿಂತ ಹೆಚ್ಚಿನ ಬಾರಿ UPI ಮೂಲಕ ಬ್ಯಾಂಕ್ ಬ್ಯಾಲೆನ್ಸ್ ಚೆಕ್ ಮಾಡಿದರೆ ಬಂಡ ಪಾವತಿ ಮಾಡಬೇಕಾಗುತ್ತದೆ. ಹಾಗಾದರೆ ಆಗಸ್ಟ್ 1 ರಿಂದ UPI ಮೂಲಕ ಎಷ್ಟು ಬಾರಿ ಉಚಿತವಾಗಿ ಬ್ಯಾಂಕ್ ಬ್ಯಾಲೆನ್ಸ್ ಚೆಕ್ ಮಾಡಬಹುದು ಮತ್ತು ಅಗತ್ಯಕ್ಕಿಂತ ಹೆಚ್ಚಿನ ಬಾರಿ ಬ್ಯಾಂಕ್ ಬ್ಯಾಲೆನ್ಸ್ ಚೆಕ್ ಮಾಡಿದ್ರೆ ಎಷ್ಟು ದಂಡ ಪಾವತಿ ಮಾಡಬೇಕು ಅನ್ನುವುದರ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಬ್ಯಾಲೆನ್ಸ್ ಚೆಕ್ ಮತ್ತು ಖಾತೆ ವೀಕ್ಷಣೆ ಮಿತಿಗಳು
ಹೊಸ ನಿಯಮಗಳ ಪ್ರಕಾರ, ಬಳಕೆದಾರರು ಒಂದು UPI ಆಪ್ನಲ್ಲಿ ದಿನಕ್ಕೆ ಗರಿಷ್ಠ 50 ಬಾರಿ ಮಾತ್ರ ತಮ್ಮ ಬ್ಯಾಂಕ್ ಬ್ಯಾಲೆನ್ಸ್ ಚೆಕ್ ಮಾಡಬಹುದು. ಇದಲ್ಲದೆ, ಮೊಬೈಲ್ ಸಂಖ್ಯೆಗೆ ಲಿಂಕ್ ಆಗಿರುವ ಬ್ಯಾಂಕ್ ಖಾತೆಗಳನ್ನು ವೀಕ್ಷಿಸುವುದು ದಿನಕ್ಕೆ 25 ಬಾರಿ ಮಾತ್ರ ಸಾಧ್ಯವಾಗಲಿದೆ. ಈ ಮಿತಿಗಳು ಸಿಸ್ಟಮ್ನಲ್ಲಿ ಅನಗತ್ಯ ಕರೆಗಳನ್ನು ಕಡಿಮೆ ಮಾಡಿ, ವ್ಯವಹಾರಗಳನ್ನು ಸರಾಗಗೊಳಿಸಲು ಸಹಾಯ ಮಾಡುತ್ತವೆ. ಹೆಚ್ಚಿನ ಬಳಕೆದಾರರಿಗೆ ಈ ಮಿತಿಗಳು ಸಾಕಷ್ಟು, ಆದರೆ ಆಗಾಗ್ಗೆ ಚೆಕ್ ಮಾಡುವವರು ಗಮನಿಸಬೇಕು.
ಟ್ರಾನ್ಸಾಕ್ಷನ್ ಸ್ಟೇಟಸ್ ಚೆಕ್ ಮತ್ತು ಆಟೋಪೇ ಬದಲಾವಣೆಗಳು
ಪೇಮೆಂಟ್ ಸ್ಟೇಟಸ್ ಚೆಕ್ ಮಾಡುವುದು ದಿನಕ್ಕೆ 3 ಬಾರಿ ಮಾತ್ರ ಸಾಧ್ಯ, ಮತ್ತು ಪ್ರತಿ ಚೆಕ್ ನಡುವೆ ಕನಿಷ್ಠ 90 ಸೆಕೆಂಡ್ಗಳ ಅಂತರ ಇರಬೇಕು. ಇದರಿಂದ ಸರ್ವರ್ಗಳ ಮೇಲಿನ ಒತ್ತಡ ಕಡಿಮೆಯಾಗುತ್ತದೆ. ಆಟೋಪೇ ವ್ಯವಹಾರಗಳು (ಸಬ್ಸ್ಕ್ರಿಪ್ಷನ್, EMI ಮುಂತಾದವು) ಪೀಕ್ ಅವರ್ಗಳಲ್ಲಿ ನಡೆಯದಂತೆ ನಿಗದಿಪಡಿಸಲಾಗಿದೆ, ಅಂದರೆ ಬೆಳಗ್ಗೆ 10ರಿಂದ ಮಧ್ಯಾಹ್ನ 1ರವರೆಗೆ ಮತ್ತು ಸಂಜೆ 5ರಿಂದ ರಾತ್ರಿ 9:30ರವರೆಗೆ ಆಟೋಪೇಗಳು ನಿಲ್ಲುತ್ತವೆ. ಇದು ಸಿಸ್ಟಮ್ ಜಾಮ್ ಆಗದಂತೆ ತಡೆಯುತ್ತದೆ ಮತ್ತು ವ್ಯವಹಾರಗಳನ್ನು ವೇಗಗೊಳಿಸುತ್ತದೆ.
ಈ ಬದಲಾವಣೆಗಳ ಪ್ರಯೋಜನಗಳು ಮತ್ತು ಸಲಹೆಗಳು
ಈ ಹೊಸ ನಿಯಮಗಳು UPI ಸಿಸ್ಟಮ್ನ್ನು ಹೆಚ್ಚು ಸ್ಥಿರಗೊಳಿಸಿ, ಆಪ್ಗಳಾದ ಗೂಗಲ್ ಪೇ, ಫೋನ್ಪೇ ಮತ್ತು ಪೇಟಿಎಂಗಳಲ್ಲಿ ತೊಂದರೆಗಳನ್ನು ಕಡಿಮೆ ಮಾಡುತ್ತವೆ. ಏಪ್ರಿಲ್ ಮತ್ತು ಮೇ ತಿಂಗಳಲ್ಲಿ ಹೆಚ್ಚಿದ ಔಟೇಜ್ಗಳನ್ನು ಗಮನಿಸಿ NPCI ಈ ಕ್ರಮ ಕೈಗೊಂಡಿದೆ. ಬಳಕೆದಾರರಿಗೆ ಸಲಹೆ: ಬ್ಯಾಲೆನ್ಸ್ ಚೆಕ್ ಅನ್ನು ಅಗತ್ಯಕ್ಕೆ ಮಾತ್ರ ಮಾಡಿ, ಮತ್ತು ಪೇಮೆಂಟ್ ಸ್ಟೇಟಸ್ ರಿಫ್ರೆಶ್ ಮಾಡುವುದನ್ನು ತಪ್ಪಿಸಿ. ಟ್ರಾನ್ಸಾಕ್ಷನ್ ಮಿತಿಗಳು ಬದಲಾಗಿಲ್ಲ – ಸಾಮಾನ್ಯ ವ್ಯವಹಾರಗಳಿಗೆ ರೂ.1 ಲಕ್ಷ ಮತ್ತು ಕೆಲವು ವಿಶೇಷ ಕ್ಷೇತ್ರಗಳಿಗೆ ರೂ.5 ಲಕ್ಷಗಳು ಉಳಿದಿವೆ. ಈ ಬದಲಾವಣೆಗಳು ಡಿಜಿಟಲ್ ಇಂಡಿಯಾವನ್ನು ಇನ್ನಷ್ಟು ಬಲಪಡಿಸಲಿವೆ.
