Post Office FD And Bank FD Comparison: ದೇಶದಲ್ಲಿ ಜನರು ತಮ್ಮ ಉತ್ತಮ ಭವಿಷ್ಯಕ್ಕಾಗಿ ಈಗಿನ ಕಾಲದಲ್ಲಿ ಹಣವನ್ನು ಹೂಡಿಕೆ ಮಾಡುವಲ್ಲಿ ಹೆಚ್ಚಿನ ಗಮನ ಕೊಡುತ್ತಿದ್ದಾರೆ. ಜನರು ತಮ್ಮ ಹಣವನ್ನು ಹೂಡಿಕೆ ಮಾಡಲು ಈಗಾಗಲೇ ಬ್ಯಾಂಕ್ ನಲ್ಲಿ ಪೋಸ್ಟ್ ಆಫೀಸ್ ನಲ್ಲಿ ಹಲವಾರು FD ಯೋಜನೆಗಳು ಜಾರಿಯಲ್ಲಿದೆ. ನಿಮ್ಮ ಹಣವನ್ನು ಹೂಡಿಕೆ ಮಾಡಲು (ಬ್ಯಾಂಕ್ / ಪೋಸ್ಟ್ ಆಫೀಸ್) ಯಾವುದು ಬೆಸ್ಟ್ ಅನಿಸುತ್ತದೆಯೋ ಅಲ್ಲಿ ಹೂಡಿಕೆ ಮಾಡಬಹುದಾಗಿದೆ. ಈದೀಗ ನಾವು ನಿಮಗೆ ಬ್ಯಾಂಕ್ / ಪೋಸ್ಟ್ ಆಫೀಸ್ ನಲ್ಲಿ ಹೂಡಿಕೆ ಮಾಡಲು ಯಾವುದು ಬೆಸ್ಟ್ ಅನ್ನುವ ಬಗ್ಗೆ ಮಾಹಿತಿ ನೀಡುತ್ತೇವೆ.
FD ಯೋಜನೆಯ ಮಾಹಿತಿ
FD ಯೋಜನೆ ಅಥವಾ ಸ್ಥಿರ ಠೇವಣಿ ಯೋಜನೆಯು ಒಂದು ಹೂಡಿಕೆಯಾಗಿದ್ದು, ಇದರಲ್ಲಿ ನೀವು ಬ್ಯಾಂಕ್ ಅಥವಾ ಬ್ಯಾಂಕೇತರ ಹಣಕಾಸು ಕಂಪನಿಯಲ್ಲಿ (NBFC) ಸ್ಥಿರ ಅವಧಿಗೆ ಒಂದು ದೊಡ್ಡ ಮೊತ್ತವನ್ನು ಠೇವಣಿ ಇರಿಸಿ ಖಾತರಿಪಡಿಸಿದ ಬಡ್ಡಿದರವನ್ನು ಪಡೆದುಕೊಳ್ಳಬಹುದಾಗಿದೆ. ಇದು ಮಾರುಕಟ್ಟೆಯ ಏರಿಳಿತಗಳಿಲ್ಲದೆ ಉಳಿತಾಯವನ್ನು ಹೆಚ್ಚಿಸಲು ಜನಪ್ರಿಯ ಮಾರ್ಗವಾಗಿದೆ.
ಪೋಸ್ಟ್ ಆಫೀಸ್ ಹಾಗೂ ಬ್ಯಾಂಕ್ FD ಯೋಜನೆಯ ವ್ಯತ್ಯಾಸ
* ಬಡ್ಡಿದರ
2025 ರ ನವೆಂಬರ್ ನಲ್ಲಿ ಪೋಸ್ಟ್ ಆಫೀಸ್ FD ಯೋಜನೆಯ ಬಡ್ಡಿದರ 6.9% ನಿಂದ 7.5% ರವರೆಗೆ ಇದೆ. ಇನ್ನು ಬ್ಯಾಂಕ್ FD ಯೋಜನೆಯ ಬಡ್ಡಿದರ 7.5% ಆಗಿದೆ. ಮತ್ತು ಸೀನಿಯರ್ ಸಿಟಿಜನ್ ಗಳಿಗೆ 0.5% ಹೆಚ್ಚುವರಿ ಬಡ್ಡಿಯನ್ನು ನೀಡುತ್ತದೆ. ಅತ್ಯುನ್ನತ ಮಟ್ಟದ ಭದ್ರತೆ ಮತ್ತು ಸ್ಥಿರ ಆದಾಯವನ್ನು ಬಯಸುವವರಿಗೆ ಅಂಚೆ ಕಚೇರಿ ಉತ್ತಮ ಆಯ್ಕೆ ಆಗಿದೆ. ಇನ್ನು ಬ್ಯಾಂಕ್ FD ಯೋಜನೆಗಳು ಹೆಚ್ಚಿನ ಬಡ್ಡಿದರಗಳು ಮತ್ತು ಹೆಚ್ಚಿನ ನಮ್ಯತೆಯನ್ನು ನೀಡುತ್ತವೆ.
*ಸುರಕ್ಷತೆ ಮತ್ತು ಸೌಲಭ್ಯ
ಪೋಸ್ಟ್ ಆಫೀಸ್ FD ಯೋಜನೆ ಸರ್ಕಾರೀ ಬೆಂಬಲಿತವಾಗಿದ್ದು ಯಾವುದೇ ರಿಸ್ಕ್ ಇರುವುದಿಲ್ಲ. ಕನಿಷ್ಠ ಹೂಡಿಕೆ 1000 ರೂಪಾಯಿಯಿಂದ ಪ್ರಾರಂಭವಾಗುತ್ತದೆ. ಆನ್ಲೈನ್ ಅಥವಾ ಆಫ್ ಲೈನ್ ಅಲ್ಲಿ ಖಾತೆಯನ್ನು ತೆರೆಯಬಹುದಾಗಿದೆ. ಇನ್ನು ಬ್ಯಾಂಕ್ FD ಯೋಜನೆ ಖಾತರಿಯ ಆದಾಯದೊಂದಿಗೆ ಕಡಿಮೆ ಅಪಾಯದ ಹೂಡಿಕೆ, ಮಾರುಕಟ್ಟೆಯ ಏರಿಳಿತಗಳಿಂದ ರಕ್ಷಿಸುತ್ತದೆ.
* ತೆರಿಗೆ
ಬ್ಯಾಂಕ್ ಸ್ಥಿರ ಠೇವಣಿಗಳು ಮತ್ತು ಪೋಸ್ಟ್ ಆಫೀಸ್ ಸಮಯ ಠೇವಣಿಗಳಿಂದ ಗಳಿಸಿದ ಬಡ್ಡಿಯು ನಿಮ್ಮ ಆದಾಯ ತೆರಿಗೆ ಸ್ಲ್ಯಾಬ್ ಪ್ರಕಾರ ಸಂಪೂರ್ಣವಾಗಿ ತೆರಿಗೆಗೆ ಒಳಪಡುತ್ತದೆ. ಪೋಸ್ಟ್ ಆಫೀಸ್ ಹಾಗೂ ಬ್ಯಾಂಕ್ FD ಯೋಜನೆಯಲ್ಲಿ ನಿಮ್ಮ ಆದಾಯ ಸ್ಲ್ಯಾಬ್ ಪ್ರಕಾರ ತೆರಿಗೆ ವಿಧಿಸಲಾಗುತ್ತದೆ. ಬ್ಯಾಂಕ್ FD ಯೋಜನೆಯಲ್ಲಿ ಬಡ್ಡಿ ವಾರ್ಷಿಕವಾಗಿ 40,000 ರೂ ಮೀರಿದರೆ ಬ್ಯಾಂಕುಗಳು TDS ಕಡಿತಗೊಳಿಸುತ್ತವೆ. ಆದರೆ ಅಂಚೆ ಕಚೇರಿಗಳು ಬಡ್ಡಿಯ ಮೇಲೆ TDS ಕಡಿತಗೊಳಿಸುವುದಿಲ್ಲ.
ಎರಡರಲ್ಲಿ ಯಾವುದು ಬೆಸ್ಟ್..?
15 ಕೋಟಿಗೂ ಹೆಚ್ಚು ಭಾರತೀಯರು ಸರ್ಕಾರದ ಬೆಂಬಲ ಮತ್ತು ಸ್ಪರ್ಧಾತ್ಮಕ ಆದಾಯದಿಂದ ಆಕರ್ಷಿತರಾಗಿ ಅಂಚೆ ಕಚೇರಿ ಉಳಿತಾಯ ಯೋಜನೆಗಳನ್ನು ಸಕ್ರಿಯವಾಗಿ ಬಳಸುತ್ತಿದ್ದಾರೆ. ಪೋಸ್ಟ್ ಆಫೀಸ್ ಹಾಗೂ ಬ್ಯಾಂಕ್ FD ಯೋಜನೆಯಲ್ಲಿ ಸ್ವಲ್ಪ ವ್ಯತ್ಯಾಸ ಕಂಡುಬಂದಿದೆ. ನಿಮಗೆ ಯಾವುದು ಉತ್ತಮ ಅನಿಸುತ್ತದೆ ಅಲ್ಲಿ ಹೂಡಿಕೆ ಮಾಡಿ ಭವಿಷ್ಯವನ್ನು ಸುಗಮಗೊಳಿಸಿಕೊಳ್ಳಿ.
Disclaimer: This information is provided for awareness purposes only. For personalised legal advice, consult a qualified professional and refer to official government notifications.
