Tirupati Darshana: ತಿರುಪತಿ ತಿಮ್ಮಪ್ಪನ ದರ್ಶನಕ್ಕೆ ಬರುವ ಎಲ್ಲರಿಗೂ ಗುಡ್ ನ್ಯೂಸ್, ಹೊಸ ನಿಯಮ ಜಾರಿಗೆ ಸಂಸ್ಥೆ.
Tirupati Tirumala Temple Ticket: ತಿರುಪತಿ (Tirupati) ತಿಮ್ಮಪ್ಪನ ಭಕ್ತರಿಗೆ ಇದೀಗ ಸಿಹಿ ಸುದ್ದಿ ಲಭಿಸಿದೆ. ತಿರುಪತಿ ತಿರುಮಲ ಬೆಟ್ಟಕ್ಕೆ ತೆರಳುವ ಭಕ್ತರಿಗೆ ಉಚಿತ ದರ್ಶನ ಟೋಕನ್ ನೀಡಲಾಗುವುದು ಎಂದು ಟಿಟಿಡಿ ಇಒ ಧರ್ಮ ರೆಡ್ಡಿ ಮಾಹಿತಿ ನೀಡಿದ್ದಾರೆ.
![Tirupati Thimmappa temple organization has decided to give free tickets to people who walk and climb the hill to have darshan of God.](https://nadunudi.in/wp-content/uploads/2023/03/tirupati-temple-notification.png)
ಇಂದು ರಾಜಾಂ ನಗರಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿರುವ ಅವರು, ತಿರುಮಲ ತಿರುಪತಿ ದೇವಸ್ಥಾನ ಕೈಗೊಂಡಿರುವ ಮಹತ್ವದ ನಿರ್ಧಾರಗಳ ಬಗ್ಗೆ ಮಾಹಿತಿ ನೀಡಿದ್ದು, ಈ ಸಂದರ್ಭದಲ್ಲಿ ದಿವ್ಯ ದರ್ಶನ ಟಿಕೆಟ್ ಕುರಿತು ಮಾತನಾಡಿದ್ದಾರೆ.
![The organization has decided to give free tickets to Bhatkars who visit Tirupati Thimmappa](https://nadunudi.in/wp-content/uploads/2023/03/tirupati-temple-darshana.png)
ಕಾಲ್ನಡಿಗೆಯಲ್ಲಿ ಬರುವ ಭಕ್ತರಿಗೆ ಉಚಿತ ದರ್ಶನದ ಟಿಕೆಟ್
ತಿರುಮಲ ಬೆಟ್ಟಕ್ಕೆ ನಡೆದುಕೊಂಡು ಕಾಲ್ನಡಿಗೆಯಲ್ಲಿ ಬರುವ ಭಕ್ತರಿಗೆ ಉಚಿತ ದರ್ಶನದ ಟಿಕೆಟ್ ನೀಡಲು ಪ್ರಾರಂಭ ಮಾಡಲಾಗುತ್ತದೆ. ಕಾಲ್ನಡಿಗೆ ಮಾರ್ಗದಲ್ಲಿ ನಡೆದುಕೊಂಡು ಬರುವ ಎಲ್ಲರಿಗೂ ಮಾತ್ರವಲ್ಲದೆ ಯಾವುದೇ ಟಿಕೆಟ್ ಇಲ್ಲದೆ ಬೆಟ್ಟದ ಮೇಲೆ ಬರುವ ಭಕ್ತರಿಗೂ ಟಿಕೆಟ್ ನೀಡುತ್ತೇವೆ ಎಂದು ಸ್ಪಷ್ಟಪಡಿಸಿದ್ದಾರೆ.
ನಾಲ್ಕು ಪ್ರಮುಖ ಹಂತಗಳಲ್ಲಿ ಭಕ್ತರಿಗೆ ದರ್ಶನದ ವ್ಯವಸ್ಥೆ ಕಲ್ಪಿಸಲಾಗುವುದು. TTD ಹೊಸದಾಗಿ ಪರಿಚಯಿಸಿರುವ ಫೇಸ್ ರೆಕಗ್ನಿಷನ್ ಮೂಲಕ ಭಕ್ತರಿಗೆ ಸುಲಭವಾಗಿ ದರ್ಶನ ಸೇವೆ ನೀಡುತ್ತೇವೆ ಎಂದು ವಿವರಿಸಿದ್ದಾರೆ.
![The temple organization's decision to give free tickets to devotees who come on foot to have darshan of Thimmappan](https://nadunudi.in/wp-content/uploads/2023/03/tirupati-temple-darshana-ticket.png)
ತಿರುಪತಿ ತಿರುಮಲದಲ್ಲಿ ವಸತಿ ವ್ಯವಸ್ಥೆಯೊಂದಿಗೆ ಲಡ್ಡು ಪ್ರಸಾದ ನೀಡುವ ವಿಧಾನದಲ್ಲೂ ಈ ನಿಯಮಗಳನ್ನು ಜಾರಿ ಮಾಡುತ್ತೇವೆ. ಆ ಮೂಲಕ ಅಕ್ರಮವಾಗಿ ಲಡ್ಡು ಬೈಸಿನೆಸ್ ಮಾಡುತ್ತಿರುವವರಿಗೆ ಬ್ರೇಕ್ ಹಾಕುತ್ತೇವೆ. ಇದರಿಂದ ಭಕ್ತರಿಗೆ ಹೆಚ್ಚಿನ ಉಪಯೋಗ ಆಗಲಿದೆ.
ಇದೆ ವೇಳೆ ರಾಜ್ಯದಲ್ಲಿ ಬೇಡಿಕೆ ಕುಸಿದಿರುವ ಟಿಟಿಡಿ ಕಲ್ಯಾಣ ಮಂಟಪಗಳನ್ನು ಖಾಸಗಿ ವಲಯಕ್ಕೆ ನೀಡುತ್ತೇವೆ ಎಂದು ತಿಳಿಸಿದ್ದಾರೆ. ಕಾಲ್ನಡಿಗೆಯಲ್ಲಿ ಬರುವ ಭಕ್ತರಿಗೆ ದಿವ್ಯ ದರ್ಶನ ಟಿಕೆಟ್ ನೀಡುವ ಮೂಲಕ ಸ್ವಾಮಿಯ ದರ್ಶನ ಸುಲಭವಾಗುವಂತೆ ಮಾಡಲು ಟಿಟಿಡಿ ನಿರ್ಧಾರ ಮಾಡಿದೆ.