Income Tax: ಇನ್ಮುಂದೆ 10 ಲಕ್ಷದ ಈ ಆದಾಯಕ್ಕೆ 1 ರೂ ಕೂಡ ತೆರಿಗೆ ಕಟ್ಟುವ ಅಗತ್ಯ ಇಲ್ಲ, ತೆರಿಗೆ ನಿಯಮ.
ಈ ರೀತಿ ಮಾಡಿದರೆ ನಿಮ್ಮ 10 ಲಕ್ಷ ಆದಾಯದ ಮೇಲೆ ತೆರಿಗೆ ಉಳಿಸಬಹುದು
Income Tax Saving Tip: ದೇಶದಲ್ಲಿ ತೆರಿಗೆ ನಿಯಮಗಳು ದಿನದಿಂದ ದಿನಕ್ಕೆ ಕಠಿಣಗೊಳುತ್ತದೆ. ಆದಾಯ ತೆರಿಗೆ ಪಾವತಿದಾರರು ಆದಷ್ಟು ಬೇಗ ITR ಸಲ್ಲಿಸಬೇಕಿದೆ. ಈಗಾಗಲೇ ITR ಸಲ್ಲಿಕೆಗೆ ಗಡುವು ಹತ್ತಿರವಾಗುತ್ತಿದೆ. ತೆರಿಗೆ ಪಾವತಿದಾರರು ತೆರಿಗೆ ಉಳಿತಾಯಡಿ ಕಡೆ ಹೆಚ್ಚಿನ ಗಮನ ಹರಿಸುತ್ತಿದ್ದಾರೆ. ಇನ್ನು ಆದಾಯ ಇಲಾಖೆಯು ಕೆಲ ಮೂಲದ ಆದಾಯಗಳಿಗೆ ತೆರಿಗೆ ವಿನಾಯಿತಿಯನ್ನು ನೀಡುತ್ತದೆ.
ನಿಮ್ಮ ಆದಾಯವು ಈ ಎರಡು ತೆರಿಗೆ ವ್ಯವಸ್ಥೆಗಳಿಗಿಂತ ಹೆಚ್ಚಿದ್ದರೆ, ತೆರಿಗೆ ಉಳಿಸಲು ನೀವು ಕೆಲವು ವಿಧಾನಗಳನ್ನು ಅಳವಡಿಸಿಕೊಳ್ಳಬೇಕಾಗುತ್ತದೆ. ನೀವು 10 ಲಕ್ಷ ಗಳಿಕೆಯ ಮೇಲೆ ಒಂದು ರೂಪಾಯಿ ತೆರಿಗೆಯನ್ನು ಪಾವತಿಸದೇ ಇರಲು ಕೂಡ ಮಾರ್ಗವಿದೆ. ಇದೀಗ ನಾವು ತೆರಿಗೆ ವಿನಾಯಿತಿಯನ್ನು ಯಾವ ಯಾವ ಸಮಯದಲ್ಲಿ ಪಡೆಯಬಹುದು..? 10 ಲಕ್ಷ ಮೊತ್ತದವರೆಗೆ ಆದಾಯ ತೆರಿಗೆ ವಿನಾಯಿತಿ ಹೇಗೆ ಪಡೆಯಬಹುದು ಎನ್ನುವ ಬಗ್ಗೆ ಮಾಹಿತಿ ತಿಳಿಯೋಣ.
ಇನ್ಮುಂದೆ 10 ಲಕ್ಷದ ಈ ಆದಾಯಕ್ಕೆ 1 ರೂ ಕೂಡ ತೆರುಗೆ ಕಟ್ಟುವ ಅಗತ್ಯ ಇಲ್ಲ
10 ಲಕ್ಷ ವಾರ್ಷಿಕ ಆದಾಯದ ಮೇಲೆ ತೆರಿಗೆ ಉಳಿಸಲು, ನೀವು ಹಳೆಯ ತೆರಿಗೆ ವ್ಯವಸ್ಥೆಯನ್ನು ಆರಿಸಬೇಕಾಗುತ್ತದೆ. ಹಳೆಯ ತೆರಿಗೆ ಪದ್ಧತಿಯಲ್ಲಿ ವಿವಿಧ ತೆರಿಗೆ ಸ್ಲ್ಯಾಬ್ ಗಳು ಲಭ್ಯವಿವೆ. ಹಳೆಯ ತೆರಿಗೆ ವ್ಯವಸ್ಥೆಯಲ್ಲಿ, ಆದಾಯ ತೆರಿಗೆ ನಿಯಮಗಳು 2.5 ಲಕ್ಷದವರೆಗಿನ ವಾರ್ಷಿಕ ಆದಾಯದ ಮೇಲೆ ಯಾವುದೇ ತೆರಿಗೆಯನ್ನು ಪಾವತಿಸಬೇಕಾಗಿಲ್ಲ ಎಂದು ಹೇಳುತ್ತದೆ. ಇನ್ನು 2.5 ರಿಂದ 5 ಲಕ್ಷ ಆದಾಯದ ಮೇಲೆ ಶೇಕಡ 5 ರಷ್ಟು ತೆರಿಗೆಯನ್ನು ನಿಗದಿಪಡಿಸಲಾಗಿದೆ.
ಇನ್ನು 5 ರಿಂದ 10 ಲಕ್ಷ ವಾರ್ಷಿಕ ಆದಾಯದ ಮೇಲೆ 20 ಪ್ರತಿಶತ ತೆರಿಗೆ ವಿಧಿಸಲಾಗುತ್ತದೆ. 10 ಲಕ್ಷ ಮತ್ತು ಅದಕ್ಕಿಂತ ಹೆಚ್ಚಿನ ವಾರ್ಷಿಕ ಆದಾಯದ ಮೇಲೆ 30% ತೆರಿಗೆ ಸ್ಲ್ಯಾಬ್ ಇದೆ. ನಿಮ್ಮ ವಾರ್ಷಿಕ ಆದಾಯ 10 ಲಕ್ಷ ರೂ. ಆಗಿದ್ದರೆ ನೀವು 30 ಪ್ರತಿಶತ ತೆರಿಗೆಯನ್ನು ಪಾವತಿಸಬೇಕಾಗುತ್ತದೆ. ಆದರೆ, ನೀವು ಬಯಸಿದರೆ ನೀವು ಒಂದು ರೂಪಾಯಿಯನ್ನು ಪಾವತಿಸಬೇಕಾಗಿಲ್ಲ. ಕೆಲವು ಹೂಡಿಕೆಗಳನ್ನು ಮಾಡುವ ಮೂಲಕ ಮತ್ತು ಕಡಿತಗಳನ್ನು ಪಡೆಯುವ ಮೂಲಕ ನೀವು ಸಂಪೂರ್ಣ ತೆರಿಗೆಯನ್ನು ಉಳಿಸಬಹುದು.
ಈ ರೀತಿ ಮಾಡಿದರೆ ನಿಮ್ಮ 10 ಲಕ್ಷ ಆದಾಯದ ಮೇಲೆ ತೆರಿಗೆ ಉಳಿಸಬಹುದು
•ಸ್ಟ್ಯಾಂಡರ್ಡ್ ಡಿಡಕ್ಷನ್ ಆಗಿ 50 ಸಾವಿರ ರೂ.ವರೆಗೆ ರಿಯಾಯಿತಿ ಲಭ್ಯವಿದೆ. ಇಂತಹ ಪರಿಸ್ಥಿತಿಯಲ್ಲಿ ಈಗ 9.50 ಲಕ್ಷ ರೂ.ಗೆ ತೆರಿಗೆ ವಿಧಿಸಲಾಗುತ್ತದೆ.
•PPF, EPF, ELSS, NSC ಯಂತಹ ಯೋಜನೆಗಳಲ್ಲಿ ಹೂಡಿಕೆ ಮಾಡುವ ಮೂಲಕ, ನೀವು ಆದಾಯ ತೆರಿಗೆಯ ಸೆಕ್ಷನ್ 80C ಅಡಿಯಲ್ಲಿ 1.5 ಲಕ್ಷ ರೂಪಾಯಿಗಳ ತೆರಿಗೆಯನ್ನು ಉಳಿಸಬಹುದು. ಈಗ 8 ಲಕ್ಷ ರೂ.ಗೆ ತೆರಿಗೆ ಪಾವತಿಸಬೇಕಾಗುತ್ತದೆ.
•ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆಯಲ್ಲಿ (NPS) ನೀವು ವಾರ್ಷಿಕವಾಗಿ ರೂ 50,000 ವರೆಗೆ ಹೂಡಿಕೆ ಮಾಡಿದರೆ ನಿಮಗೆ ಸೆಕ್ಷನ್ 80CCD (1B) ಅಡಿಯಲ್ಲಿ ರೂ 50,000 ಹೆಚ್ಚುವರಿ ತೆರಿಗೆ ವಿನಾಯಿತಿ ನೀಡಲಾಗುತ್ತದೆ. ಈಗ ಮತ್ತೆ 50 ಸಾವಿರ ಕಡಿಮೆಯಾದ ನಂತರ ತೆರಿಗೆ 7.50 ಲಕ್ಷ ರೂ.
•ನೀವು ಗೃಹ ಸಾಲವನ್ನು ಸಹ ತೆಗೆದುಕೊಂಡಿದ್ದರೆ, ಆದಾಯ ತೆರಿಗೆಯ ಸೆಕ್ಷನ್ 24B ಅಡಿಯಲ್ಲಿ ನೀವು ಅದರ ಬಡ್ಡಿಯಲ್ಲಿ ರೂ 2 ಲಕ್ಷದವರೆಗೆ ಉಳಿಸಬಹುದು. 7.50 ಲಕ್ಷದಿಂದ ಇನ್ನೂ 2 ಲಕ್ಷ ಕಳೆದರೆ ಒಟ್ಟು ತೆರಿಗೆ ಆದಾಯ 5.50 ಲಕ್ಷ ರೂ.
•ಆದಾಯ ತೆರಿಗೆಯ ಸೆಕ್ಷನ್ 80ಡಿ ಅಡಿಯಲ್ಲಿ ವೈದ್ಯಕೀಯ ಪಾಲಿಸಿಯನ್ನು ತೆಗೆದುಕೊಳ್ಳುವ ಮೂಲಕ ನೀವು 25 ಸಾವಿರ ರೂ.ವರೆಗೆ ತೆರಿಗೆ ಉಳಿಸಬಹುದು.