Maruti Suzuki: 27 Km ಮೈಲೇಜ್ ಕೊಡುವ ಈ ಮಾರುತಿ 7 ಸೀಟರ್ ಕಾರಿಗೆ ದೇಶದಲ್ಲಿ ಹೆಚ್ಚಾಗಿದೆ ಬೇಡಿಕೆ, ಸಂಕಷ್ಟದಲ್ಲಿ ಇನ್ನೋವಾ.

27 Km ಮೈಲೇಜ್ ಕೊಡುವ ಈ ಮಾರುತಿ 7 ಸೀಟೆರ್ ಕಾರಿಗೆ ದೇಶದಲ್ಲಿ ಹೆಚ್ಚಾಗಿದೆ ಬೇಡಿಕೆ

Pushpalatha Poojari Published on: Mar 12, 2024 IST

Maruti Suzuki Ertiga Price And Feature — Image Credit: Original Source

Maruti Suzuki Ertiga Mileage: ದೇಶಿಯ ಮಾರುಕಟ್ಟೆಯಲ್ಲಿ ವಿವಿಧ ರೀತಿಯ ವಾಹನಗಳಿವೆ. ಗ್ರಹಕರಿಗೆ ಹೊಸ ವಾಹನವನ್ನು ಖರೀದಿಸಲು ಆಯ್ಕೆಗೆ ಯಾವುದೇ ಕೊರತೆ ಇಲ್ಲ ಎನ್ನಬಹುದು. ಇನ್ನು ನಿಮಗೆ ತಿಳಿದಿರುವ ಹಾಗೆ Maruti ಕಂಪನಿಯು ಅನೇಕ ಮಾದರಿಯ ಕಾರ್ ಗಳನ್ನೂ ಪರಿಚಯಿಸಿದೆ.

ಸದ್ಯ ಮಾರುಕಟ್ಟೆಯಲ್ಲಿ Maruti Suzuki Ertiga ಮಾದರಿಯು ಹೆಚ್ಚಿನ ಬೇಡಿಕೆಯನ್ನು ಪಡೆದಿದೆ. ಮಾರುಕಟ್ಟೆಯಲ್ಲಿ 7 Seater ವಿಭಾಗದಲ್ಲಿ ಈ ಮಾದರಿಯು ಹೆಚ್ಚು ಜನಪ್ರಿಯತೆಯನ್ನು ಪಡೆದುಕೊಂಡಿದೆ.

27 Km ಮೈಲೇಜ್ ಕೊಡುವ ಈ ಮಾರುತಿ 7 ಸೀಟೆರ್ ಕಾರಿಗೆ ದೇಶದಲ್ಲಿ ಹೆಚ್ಚಾಗಿದೆ ಬೇಡಿಕೆ
ಮಾರುತಿ ಸುಜುಕಿಯು 7-ಸೀಟರ್ ವಿಭಾಗದಲ್ಲಿ ಎರ್ಟಿಗಾ MPV, ಪ್ರಸ್ತುತ ಹೆಚ್ಚಿನ ಬೇಡಿಕೆಯಲ್ಲಿದೆ. ಫೆಬ್ರವರಿ 2023 ರಲ್ಲಿ ಕಾರು ಹೆಚ್ಚಿನ ಮಾರಾಟ ಕಂಡಿದ್ದು, ಇದರ ಪರಿಣಾಮವಾಗಿ ಕಂಪನಿಯ ವಾರ್ಷಿಕ ಮಾರಾಟದಲ್ಲಿ 140% ಹೆಚ್ಚಳ ಮಾಡಿದೆ. ಎರ್ಟಿಗಾದ ಪವರ್‌ ಟ್ರೇನ್ ಮತ್ತು ಕೈಗೆಟುಕುವ ಬೆಲೆಯು ಅದರ ದಾಖಲೆ-ಮುರಿಯುವ ಮಾರಾಟಕ್ಕೆ ಕೊಡುಗೆ ನೀಡಿತು. CNG ಎಂಜಿನ್ ಪವರ್‌ ಟ್ರೇನ್‌ ನೊಂದಿಗೆ 26km ಗಿಂತ ಹೆಚ್ಚಿನ ಮೈಲೇಜ್ ನೀಡುವ ಸಾಮರ್ಥ್ಯವನ್ನು ಹೊಂದಿದೆ.

ಎರ್ಟಿಗಾ ಕಾರ್ ನ ಮಾರಾಟದ ಬಗ್ಗೆ ಹೇಳುವುದಾದರೆ, ಮಾರಾಟದಲ್ಲಿ ಎರ್ಟಿಗಾ ದೇಶದ ಎಲ್ಲಾ ಇತರ ಕಾರುಗಳನ್ನು ಮೀರಿಸಿ, ಹೆಚ್ಚು ಮಾರಾಟವಾಗುವ ಕಾರುಗಳಲ್ಲಿ ಮೊದಲ ಸ್ಥಾನದಲ್ಲಿದೆ. ಫೆಬ್ರವರಿ 2024 ರಲ್ಲಿ ಕಾರಿನ ಮಾರಾಟವು 15,519 ಯುನಿಟ್‌ ಗಳನ್ನು ತಲುಪಿದೆ, ಇದು ಹಿಂದಿನ ವರ್ಷಕ್ಕಿಂತ 140% ಹೆಚ್ಚಾಗಿದೆ. ಮಾರುಕಟ್ಟೆಯಲ್ಲಿ ಈ 7 ಆಸನಗಳ ಕಾರಿಗೆ ಹೆಚ್ಚಿನ ಬೇಡಿಕೆಯಿದೆ ಎನ್ನುವುದರಲ್ಲಿ ಎರಡು ಮಾತಿಲ್ಲ.

Maruti Suzuki Ertiga Price — Image Credit: Carandbike

ಹೆಚ್ಚಿನ ಬೇಡಿಕೆಯಿರುವ ಎರ್ಟಿಗಾ ಮಾದರಿಯ ಮಾರುಕಟ್ಟೆ ಬೆಲೆ ಎಷ್ಟು…?
ಮಾರುತಿ ಎರ್ಟಿಗಾದ ಬೆಲೆಯು 8.69 ಲಕ್ಷದಿಂದ ಪ್ರಾರಂಭವಾಗಿ ಟಾಪ್ ಮಾಡೆಲ್‌ಗೆ 13.03 ಲಕ್ಷಕ್ಕೆ ತಲುಪಿದೆ. ಇದು VXI ಮತ್ತು ZXI ರೂಪಾಂತರಗಳಲ್ಲಿ CNG ಕಿಟ್‌ ನ ಆಯ್ಕೆಯೊಂದಿಗೆ LXI, VXI, ZXI ಮತ್ತು ZXI ಪ್ಲಸ್ ಎಂಬ ನಾಲ್ಕು ರೂಪಾಂತರಗಳಲ್ಲಿ ಲಭ್ಯವಿದೆ. ಮಾರುತಿ ಎರ್ಟಿಗಾ ಮೈಲ್ಡ್ ಹೈಬ್ರಿಡ್ ತಂತ್ರಜ್ಞಾನದೊಂದಿಗೆ 1.5-ಲೀಟರ್ ಡ್ಯುಯಲ್ ಜೆಟ್ ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿದೆ. ಇದು 103PS ಪವರ್ ಮತ್ತು 136.8NM ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.

CNG ಪವರ್‌ಟ್ರೇನ್ ರೂಪಾಂತರವು 88PS ಪವರ್ ಮತ್ತು 121.5NM ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಮೈಲೇಜ್ ವಿಚಾರದಲ್ಲಿ ಎರ್ಟಿಗಾದ ಪೆಟ್ರೋಲ್ ಮ್ಯಾನುವಲ್ ವೆರಿಯಂಟ್ ಪ್ರತಿ ಲೀಟರ್ ಗೆ 20.51 ಕಿಮೀ ಮೈಲೇಜ್ ನೀಡಿದರೆ, ಪೆಟ್ರೋಲ್ ಆಟೋಮ್ಯಾಟಿಕ್ ವೆರಿಯಂಟ್ ಪ್ರತಿ ಲೀಟರ್ ಗೆ 20.3 ಕಿಮೀ ಮೈಲೇಜ್ ನೀಡುತ್ತದೆ. CNG ಮೋಡ್ ಕಾರು ಪ್ರತಿ ಲೀಟರ್ ಗೆ 27 ಕಿ.ಮೀ. ಮೈಲೇಜ್ ನೀಡುತ್ತದೆ. ಹೆಚ್ಚಿನ ಮೈಲೇಜ್ ನೀಡುವ ಎರ್ಟಿಗಾ ಮಾದರಿಯನ್ನು ಖರೀದಿಸಿದರೆ ಸಾಕಷ್ಟು ಹಣವನ್ನು ಉಳಿಸಬಹುದು.