8th Pay: ದೇಶದಲ್ಲಿ 8 ನೇ ವೇತನ ಜಾರಿಗೆ ಬಂದರೆ ನಿಮ್ಮ ಸಂಬಳ ಎಷ್ಟಾಗಲಿದೆ…? ಇಲ್ಲಿದೆ ಡೀಟೇಲ್ಸ್.
ದೇಶದಲ್ಲಿ 8 ನೇ ವೇತನ ಜಾರಿಗೆ ಬಂದರೆ ನಿಮ್ಮ ಸಂಬಳ ಎಷ್ಟಾಗಲಿದೆ...?
8th Pay Commission Latest Update: ಸದ್ಯ ಕೇಂದ್ರ ನೌಕರರ ತುಟ್ಟಿಭತ್ಯೆಯನ್ನು ಹೆಚ್ಚಿಸಿರುವ ಬಗ್ಗೆ ಕೇಂದ್ರ ಸರ್ಕಾರ ಈಗಾಗಲೇ ಘೋಷಣೆ ಹೊರಡಿಸಿದೆ. ನೌಕರರು ಈ ಘೋಷಣೆಯ ಬಳಿಕ ಶೇ. 4 ರಷ್ಟು ತುಟ್ಟಿಭತ್ಯೆಯನ್ನು ಪಡೆಯುತ್ತಿದ್ದಾರೆ.
ಇನ್ನು 7 ನೇ ವೇತನದಡಿ ತುಟ್ಟಿಭತ್ಯೆ ಹೆಚ್ಚಳದ ಬೆನ್ನಲ್ಲೇ ಇದೀಗ ಸರ್ಕಾರ ನೌಕರರ 8 ನೇ ವೇತನ ಜಾರಿಯ ಬಗ್ಗೆ ದೊಡ್ಡ ಮಟ್ಟದಲ್ಲಿ ಚರ್ಚೆ ನಡೆಸುತ್ತಿದೆ. ಸರ್ಕಾರೀ ನೌಕರರು 8 ನೇ ವೇತನ ಜಾರಿಗಾಗಿ ಆಗ್ರಹಿಸಿದ್ದಾರೆ. ನೌಕರರಿಗೆ 8 ನೇ ವೇತನ ಜಾರಿಯಾದರೆ ನೌಕರರ ವೇತನದಲ್ಲಿ ಎಷ್ಟು ಪ್ರಮಾಣದಲ್ಲಿ ಹೆಚ್ಚಾಗಲಿದೆ ಎನ್ನುವ ಬಗ್ಗೆ ನಾವೀಗ ಈ ಲೇಖನದಲ್ಲಿ ಮಾಹಿತಿ ತಿಳಿಯೋಣ.
ದೇಶದಲ್ಲಿ 8 ನೇ ವೇತನ ಜಾರಿಗೆ ಬಂದರೆ ನಿಮ್ಮ ಸಂಬಳ ಎಷ್ಟಾಗಲಿದೆ…?
ಇನ್ನು 8ನೇ ವೇತನ ಆಯೋಗ ಜಾರಿಯಾದರೆ ಕೇಂದ್ರ ನೌಕರರ ವೇತನದಲ್ಲಿ ಭಾರಿ ಏರಿಕೆಯಾಗಲಿದೆ. 7ನೇ ವೇತನ ಆಯೋಗದ ಅಡಿಯಲ್ಲಿ ನೌಕರರ ಮೂಲ ವೇತನ 18,000 ರೂ. ವೇತನವನ್ನು ನಿರ್ಧರಿಸುವಲ್ಲಿ ಫಿಟ್ ಮೆಂಟ್ ಅಂಶವು ದೊಡ್ಡ ಪಾತ್ರವನ್ನು ವಹಿಸುತ್ತದೆ. ಪರಿಷ್ಕೃತ ಮೂಲ ವೇತನವನ್ನು ಹಳೆಯ ಮೂಲ ವೇತನದಿಂದ ಫಿಟ್ ಮೆಂಟ್ ಅಂಶದ ಆಧಾರದ ಮೇಲೆ ಲೆಕ್ಕ ಹಾಕಲಾಗುತ್ತದೆ. ವೇತನ ಆಯೋಗದ ವರದಿಯಲ್ಲಿ ಫಿಟ್ ಮೆಂಟ್ ಅಂಶವು ಪ್ರಮುಖ ಶಿಫಾರಸ್ಸಿನದಾಗಿದೆ.
ವೇತನ ಹೆಚ್ಚಳದ ಬಗ್ಗೆ ಲೆಕ್ಕಾಚಾರ ಇಲ್ಲಿದೆ
7ನೇ ವೇತನ ಆಯೋಗದ ಶಿಫಾರಸುಗಳಲ್ಲಿ ಫಿಟ್ ಮೆಂಟ್ ಅಂಶವನ್ನು 2.57 ಪಟ್ಟು ಇರಿಸಲಾಗಿದೆ. ಇದರ ಆಧಾರದ ಮೇಲೆ ಕೇಂದ್ರ ನೌಕರರ ವೇತನವನ್ನು ಪರಿಷ್ಕರಿಸಲಾಗಿದೆ. ಅಂಕಿಅಂಶಗಳನ್ನು ಗಮನಿಸಿದರೆ, 7ನೇ ವೇತನ ಆಯೋಗದಲ್ಲಿ ಅತ್ಯಂತ ಕಡಿಮೆ ವೇತನವನ್ನು ನೀಡಲಾಗಿದೆ. ಆದರೆ, ಮೂಲ ವೇತನವನ್ನು 18,000 ರೂ.ಗೆ ಹೆಚ್ಚಿಸಲಾಗಿದೆ.
8ನೇ ವೇತನ ಆಯೋಗದಲ್ಲಿ ಫಿಟ್ ಮೆಂಟ್ ಅಂಶವನ್ನು 3.68 ಪಟ್ಟು ಹೆಚ್ಚಿಸಬಹುದು ಎಂಬ ಚರ್ಚೆ ನಡೆಯುತ್ತಿದೆ. ಇಂತಹ ಪರಿಸ್ಥಿತಿಯಲ್ಲಿ ಕನಿಷ್ಠ ವೇತನ 18 ಸಾವಿರದಿಂದ 26 ಸಾವಿರಕ್ಕೆ ಏರಿಕೆಯಾಗಬಹುದು. ಇನ್ನು ಸರ್ಕಾರ 8 ನೇ ವೇತನವನ್ನು ಜಾರಿ ಮಾಡುತ್ತದೆಯೋ…? ಇಲ್ಲವೋ..? ಎನ್ನುವ ಬಗ್ಗೆ ಯಾವುದೇ ಸ್ಪಷ್ಟ ಮಾಹಿತಿ ಇಲ್ಲ. 8ನೇ ವೇತನ ಆಯೋಗ ಬರಲು ಇನ್ನೂ ಸಮಯವಿದೆ. ಮುಂದಿನ ವೇತನ ಆಯೋಗದ ಟೈಮ್ ಲೈನ್ ಜನವರಿ 1, 2026 ರಿಂದ ಜಾರಿಗೆ ಬರಬಹುದು ಎಂದು ಕೆಲವು ಮೂಲಗಳು ಹೇಳುತ್ತದೆ.