Rashmika Net Worth: ರಶ್ಮಿಕಾ ಮಂದಣ್ಣ ಒಟ್ಟು ಆಸ್ತಿ ಎಷ್ಟು…? ರಶ್ಮಿಕಾ ಬಳಿ ಎಷ್ಟು ಕಾರುಗಳಿವೆ…? ಕೆಲವೇ ಸಮಯದಲ್ಲಿ ಶ್ರೀಮಂತೆಯಾದ ರಶ್ಮಿಕಾ.

Actress Rashmika Mandanna Net Worth: ನ್ಯಾಷನಲ್ ಕ್ರಶ್ ನಟಿ ರಶ್ಮಿಕಾ ಮಂದಣ್ಣ (Rashmika Mandanna) ಅವರು ಕನ್ನಡ ಸಿನಿಮಾದ ಮೂಲಕ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. 2016 ರಲ್ಲಿ ಇವರ ಮೊದಲ ಸಿನಿಮಾ ಕಿರಿಕ್ ಪಾರ್ಟಿ(Kirik Party) ಆಗಿದ್ದು, ತದನಂತರ ಕನ್ನಡದ ಹಲವು ಸಿನಿಮಾಗಳಲ್ಲಿ ರಶ್ಮಿಕಾ ಮಂದಣ್ಣ ನಟಿಸಿದ್ದಾರೆ. ಬಹು ಭಾಷಾ ನಟಿಯಾಗಿ ಈಗ ದಕ್ಷಿಣ ಭಾರತದ ಚಲನಚಿತ್ರಗಳಲ್ಲಿ ಖ್ಯಾತಿಯನ್ನು ಪಡೆದಿದ್ದಾರೆ. ನಟಿ ರಶ್ಮಿಕಾ ಅವರು ಚಲೋ ಸಿನಿಮಾದ ಮೂಲಕ 2018 ರಲ್ಲಿ ತೆಲುಗಿನಲ್ಲಿ ಮೊದಲ ಬಾರಿಗೆ ಕಾಣಿಸಿಕೊಂಡಿದ್ದಾರೆ.

ಅವರ ತಮಿಳು ಚೊಚ್ಚಲ ಸಿನಿಮಾ 2020 ರ ಸುಲ್ತಾನ್ ಆಗಿದೆ. ಈಗ ಈ ನಟಿ ಕೋಟಿ ಕೋಟಿ ಸಂಭಾವನೆ ಪಡೆಯುತ್ತಿದ್ದು, ಪುಷ್ಪ ಸಿನಿಮಾದ ಮೂಲಕ ತನ್ನ ಸಂಭಾವನೆಯನ್ನು ಹೆಚ್ಚಿಸಿಕೊಂಡಿದ್ದಾರೆ. ನಟನೆಯ ಜೊತೆಗೆ ಹಲವು ಬ್ರಾಂಡ್‌ ಗಳಿಗೆ ಬ್ರಾಂಡ್ ಅಂಬಾಸಿಡರ್ ಆಗಿದ್ದಾರೆ. ಮಾಡೆಲಿಂಗ್ ಕೆಲಸ ಮತ್ತು ಜಾಹೀರಾತುಗಳನ್ನು ಕೂಡಾ ಮಾಡುತ್ತಾ ಬಂದಿದ್ದಾರೆ. ಒಂದು ದಶಕಕ್ಕೂ ಕಡಿಮೆ ಅವಧಿಯಲ್ಲಿ ಉತ್ತಮ ಆದಾಯವನ್ನು ಪಡೆದಿದ್ದಾರೆ.

ನಟಿ ರಶ್ಮಿಕಾ ಮಂದಣ್ಣ ಅವರ ಆದಾಯ

ನಟಿ ರಶ್ಮಿಕಾ ಮಂದಣ್ಣ ಅವರ ವಾರ್ಷಿಕ ಆದಾಯ 8 ಕೋಟಿ ರೂಪಾಯಿಯನ್ನು ಮೀರಿದೆ. ಪ್ರತಿ ಚಲನಚಿತ್ರಕ್ಕೆ ಬಹುಕೋಟಿಗಳನ್ನು ವಿಧಿಸುವುದರ ಹೊರತಾಗಿ ಅವರು ತಮ್ಮ ಸಾಮಾಜಿಕ ಮಾಧ್ಯಮದಲ್ಲಿ ಪ್ರತಿ ಬ್ರ್ಯಾಂಡ್ ಪ್ರೋಮೋಷನ್ ಮೂಲಕ 10 ಲಕ್ಷ ರೂಪಾಯಿಗಳನ್ನು ಗಳಿಸುತ್ತಾರೆ. ಟಿವಿ ಜಾಹೀರಾತುಗಳಿಂದಲೂ ಕೋಟಿ ರೂಪಾಯಿ ಗಳಿಸುತ್ತಾರೆ.

ಪುಷ್ಪಾ ಸಿನಿಮಾಕ್ಕೂ ಮುನ್ನ ಒಂದು ಚಿತ್ರಕ್ಕೆ ರಶ್ಮಿಕಾ ಮಂದಣ್ಣ 3 ಕೋಟಿ ರೂಪಾಯಿ ಸಂಭಾವನೆಯನ್ನು ಪಡೆಯುತ್ತಿದ್ದರು. ಆದರೆ ಈಗ ಪ್ರತಿ ಚಿತ್ರಕ್ಕೆ 4 ಕೋಟಿ ರೂಪಾಯಿಗಳನ್ನು ತೆಗೆದುಕೊಳ್ಳುತ್ತಾರೆ. ನಟಿ ಅನೇಕ ಉದ್ಯಮಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ. ಹಾಗೆಯೇ ಆದಾಯವು ಕೂಡಾ ಹೆಚ್ಚಳವಾಗುತ್ತ ಸಾಗುತ್ತಿದೆ. ರಶ್ಮಿಕಾ ಮಂದಣ್ಣ ನಿವ್ವಳ ಮೌಲ್ಯ ಸುಮಾರು 65 ಕೋಟಿ ರೂಪಾಯಿಗಳಾಗಿದೆ. ನಟಿ ಈಗಾಗಲೇ ನಾಲ್ಕು ಚಲನಚಿತ್ರ ಉದ್ಯಮಗಳಲ್ಲಿ ಕೆಲಸ ಮಾಡಿದ್ದಾರೆ. ಪ್ರತಿ ಉದ್ಯಮದಲ್ಲಿ ಒಂದೆರಡು ಅಥವಾ ಹೆಚ್ಚಿನ ಚಲನಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ನಟಿ ರಶ್ಮಿಕಾ ಮಂದಣ್ಣ ಹೊಂದಿರುವ ಮನೆಗಳು ಹಾಗು ಕಾರು ಕಲೆಕ್ಷನ್

ಇತ್ತೀಚೆಗಷ್ಟೇ ನಟಿ ಬಾಲಿವುಡ್‌ನಲ್ಲಿ ಅವಕಾಶ ಪಡೆದ ಬಳಿಕ ತಕ್ಷಣ ಮುಂಬೈನಲ್ಲಿ ಮನೆಯನ್ನು ಖರೀದಿಸಿದರು. ಮುಂಬೈನಲ್ಲಿರುವ ರಶ್ಮಿಕಾ ಮಂದಣ್ಣ ಮನೆಯನ್ನು “ಸೆರಿನಿಟಿ” ಎಂದು ಕರೆಯಲಾಗುತ್ತದೆ. ಮುಂಬೈ ಮಾತ್ರವಲ್ಲದೆ ಬೆಂಗಳೂರು, ಗೋವಾ, ಕೊಡಗು, ಹೈದರಾಬಾದ್‌ನಲ್ಲಿಯೂ ರಶ್ಮಿಕಾ ಮನೆಯನ್ನು ಹೊಂದಿದ್ದಾರೆ. ರಶ್ಮಿಕಾ ದೊಡ್ಡ ಪ್ರಕೃತಿ ಪ್ರೇಮಿಯಾಗಿರುವುದರಿಂದ ತನ್ನ ಆಸ್ತಿಗೆ ಸೆರಿನಿಟಿ ಎಂದು ಹೆಸರಿಟ್ಟಿದ್ದಾರೆ. ಹಾಗು ನಗರದಲ್ಲಿ ಪ್ರಯಾಣ ಮಾಡಲು ರಶ್ಮಿಕಾ ತನ್ನ ಆಡಿ Q3 ಜರ್ಮನ್ ಎಸ್‌ಯುವಿಯನ್ನು ಬಳಸುತ್ತಾರೆ.

ಇದನ್ನು ಹೊರತುಪಡಿಸಿ ನಟಿ ಬ್ರಿಟಿಷ್ ಐಷಾರಾಮಿ ವಾಹನವಾದ ರೇಂಜ್ ರೋವರ್ ಸ್ಪೋರ್ಟ್ ಕಾರು ಇದೆ. ಜೊತೆಗೆ ಮರ್ಸಿಡಿಸ್ ಬೆಂಜ್ ಸಿ-ಕ್ಲಾಸ್, ಟೊಯೊಟಾ ಇನ್ನೋವಾ ಮತ್ತು ಹ್ಯುಂಡೈ ಕ್ರೆಟಾ ಕೂಡಾ ಇದೆ. ರಶ್ಮಿಕಾ ತಿಂಗಳಿಗೆ ಅರ್ಧ ಕೋಟಿಗಿಂತ ಹೆಚ್ಚು ಸಂಪಾದಿಸುತ್ತಾರೆ. ಆದ್ದರಿಂದಾಗಿ ಭಾರತದಲ್ಲಿ ಅನೇಕ ಆಸ್ತಿಗಳನ್ನು ಹೊಂದಿದ್ದಾರೆ.