Swift Hybrid: ಕಡಿಮೆ ಬೆಲೆಗೆ 35 Km ಮೈಲೇಜ್ ಕೊಡುವ ಹೊಸ ಹೈಬ್ರಿಡ್ ಸ್ವಿಫ್ಟ್ ಕಾರ್ ಲಾಂಚ್, ಸಂಕಷ್ಟದಲ್ಲಿ ಟಾಟಾ

Maruti Suzuku Swift Hybrid System Update: ಭಾರತೀಯ ಮಾರುಕಟ್ಟೆಯಲ್ಲಿ ಈಗಾಗಲೇ ಸಾಕಷ್ಟು ಮಾದರಿಯ ಕಾರ್ ಗಳು ವಿಭಿನ್ನ ಬೆಲೆಯಲ್ಲಿ, ವಿಭಿನ್ನ ವಿನ್ಯಾಸದೊಂದಿಗೆ ಲಾಂಚ್ ಆಗಿದೆ. ಈಗಲೂ ಕೂಡ ವಿವಿಧ ಕಾರ್ ತಯಾರಕ ಕಂಪನಿಗಳು ಹಲವು ಮಾದರಿಯ ಕಾರ್ ಗಳನ್ನೂ ಪರಿಚಯಿಸುತ್ತ ಗ್ರಾಹಕರಿಗೆ ಹೊಸ ಹೊಸ ಆಯ್ಕೆಯನ್ನು ನೀಡುತ್ತಿದೆ. ಸದ್ಯ ದೇಶದ ಜನಪ್ರಿಯ ಕಾರ್ ತಯಾರಕ ಕಂಪನಿಯಾದ MARUTI ಇದೀಗ ತನ್ನ ಕಾರುಗಳಲ್ಲಿ ಹೊಸ ರೀತಿಯ ತಂತ್ರಜ್ಞಾನವನ್ನು ಬಳಸಲು ನಿರ್ಧರಿಸಿದೆ.

ಮಾರುಕಟ್ಟೆಯಲ್ಲಿ ಕ್ರಾಂತಿ ಸೃಷ್ಟಿಸಲು ಮಾರುತಿ ಹೊಸ ಪ್ಲಾನ್
ಇದೀಗ Maruti ಕಂಪನಿಯು Strong Hybrid Car ಗಳ ಮಾರಾಟಕ್ಕೆ ಉತ್ತೇಜನ ನೀಡಲು ಮುಂದಾಗಿದ್ದು ಹೊಸ ಹೆಜ್ಜೆ ಇಟ್ಟಿದೆ ಎನ್ನಬಹುದು. ಹೌದು ಮಾರುತಿ ಕಂಪನಿಯು ಇದೀಗ ನೂತನವಾಗಿ ಹೊಚ್ಚ ಹೊಸ Hybrid System ಅನ್ನು ಪರಿಚಯಿಸಲು ಸಿದ್ಧವಾಗಿದೆ. ಕಂಪನಿಯು ಮುಂದೆ ಲಾಂಚ್ ಆಗಲಿರುವ Fronx, Swift, Dzire and Baleno ಕಾರ್ ಗಳಲ್ಲಿ Hybrid Technology ನೀಡಲು ಮುಂದಾಗಿದೆ. ಈ ಮೂಲಕ ಮಾರುಕಟ್ಟೆಯಲ್ಲಿ ಕ್ರಾಂತಿ ಸೃಷ್ಟಿಸಲು ಮಾರುತಿ ಪ್ಲಾನ್ ಮಾಡುತ್ತಿದೆ.

Hybrid System ಅನ್ನು ಪರಿಚಯಿಸಲು ಮುಂದಾದ Maruti
ಕಂಪನಿಯು ಫ್ರಾಂಕ್ಸ್ ಅನ್ನು ಹೈಬ್ರಿಡ್ ವ್ಯವಸ್ಥೆಯಲ್ಲಿ ನೀಡಲಿದ್ದು, ಈ ಹೊಸ ವ್ಯವಸ್ಥೆಯೊಂದಿಗೆ 2025 ರಲ್ಲಿ ಕಾರು ಆಗಮಿಸಲಿದೆ. ಹೆಚ್ಚುವರಿಯಾಗಿ, ಶೀಘ್ರದಲ್ಲೇ ಪ್ರಾರಂಭಿಸಲಿರುವ 2024 ಸ್ವಿಫ್ಟ್ ಮತ್ತು ಡಿಜೈರ್ ಈ ಹೊಸ ಸರಣಿಯ ಹೈಬ್ರಿಡ್ ವ್ಯವಸ್ಥೆಯನ್ನು ಪಡೆಯುತ್ತದೆ. ಈ ಎಲ್ಲಾ ಕಾರುಗಳು ಸುಮಾರು 35 kmpl ಮೈಲೇಜ್ ನೀಡುತ್ತವೆ ಎಂದು ವರದಿಯಾಗಿದೆ.

ಮಾರುತಿ ಸುಜುಕಿಯ ಹೊಸ ಸರಣಿಯ ಹೈಬ್ರಿಡ್ ವ್ಯವಸ್ಥೆಯು ಒಂದು ವಿಶಿಷ್ಟ ವ್ಯವಸ್ಥೆಯಾಗಿದೆ. ಚಕ್ರಗಳಿಗೆ ನೇರವಾಗಿ ಶಕ್ತಿ ನೀಡಲು ಆಂತರಿಕ ಧಹನಕಾರಿ ಎಂಜಿನ್ ಮತ್ತು ವಿದ್ಯುತ್ ಮೋಟರ್ ಎರಡನ್ನೂ ಬಳಸುವ ಸಮಾನಾಂತರ ಅಥವಾ ಸರಣಿ-ಸಮಾನಾಂತರ ವ್ಯವಸ್ಥೆಗಳಿಗಿಂತ ಭಿನ್ನವಾಗಿ, ಸರಣಿ ಹೈಬ್ರಿಡ್ ವ್ಯವಸ್ಥೆಯು ಆಂತರಿಕ ಧಹನಕಾರಿ ಎಂಜಿನ್ ಅನ್ನು ಪವರ್ ಉತ್ಪಾದಿಸಲು ಜನರೇಟರ್ ಆಗಿ ಮಾತ್ರ ಬಳಸುತ್ತದೆ. ಈ ವಿದ್ಯುಚ್ಛಕ್ತಿಯ ನಂತರ ಎಲೆಕ್ಟ್ರಿಕ್ ಮೋಟಾರಿಗೆ ಶಕ್ತಿಯನ್ನು ನೀಡುವ ಮೂಲಕ ಚಕ್ರಗಳನ್ನು ಓದುವಂತೆ ಮಾಡುತ್ತದೆ.

ಹೈಬ್ರಿಡ್ ತಂತ್ರಜ್ಞಾನದ ಬಳಕೆಯಿಂದ ಏನು ಪ್ರಯೋಜನವಾಗಲಿದೆ…?
•ಇದು ಅತ್ಯಂತ ಸರಳವಾದ ಹೈಬ್ರಿಡ್ ವ್ಯವಸ್ಥೆಯಾಗಿದ್ದು, ಎಂಜಿನ್ ಮತ್ತು ಚಕ್ರಗಳ ನಡುವೆ ನೇರವಾದ ಯಾಂತ್ರಿಕ ಸಂಪರ್ಕದ ಅಗತ್ಯವನ್ನು ತೆಗೆದುಹಾಕುವ ಮೂಲಕ ಮಾರುತಿಯ ಸರಣಿ ಹೈಬ್ರಿಡ್ ವ್ಯವಸ್ಥೆಯು ಪವರ್‌ ಟ್ರೇನ್ ಅನ್ನು ಸುಗಮಗೊಳಿಸುತ್ತದೆ ಹಾಗೆಯೆ ಸಂಕೀರ್ಣತೆಯನ್ನು ಕಡಿಮೆ ಮಾಡುತ್ತದೆ ಮತ್ತು ಮೈಲೇಜ್ ಅನ್ನು ಸುಧಾರಿಸುತ್ತದೆ.

•ಹೊಸ ವ್ಯವಸ್ಥೆಯು ಮಾರುತಿ ಸುಜುಕಿಗೆ ಬಲವಾದ ಹೈಬ್ರಿಡ್‌ ಗಳನ್ನು ವ್ಯಾಪಕ ಶ್ರೇಣಿಯ ಗ್ರಾಹಕರಿಗೆ ಹೆಚ್ಚಾಗಿ ಖರೀದಿಸಲು ಸಹಾಯ ಮಾಡುತ್ತದೆ.

•ಹೆಚ್ಚಿನ ಇಂಧನ ದಕ್ಷತೆಗೆ ಸಹಾಯ ಮಾಡುತ್ತದೆ. ಕಂಪನಿಯ ಪ್ರಕಾರ, ಹೊಸ ಹೈಬ್ರಿಡ್ ವ್ಯವಸ್ಥೆಯು ಆಂತರಿಕ ಧಹನಕಾರಿ ಎಂಜಿನ್ ನೀಡುವ ಮೈಲೇಜ್‌ ಗಿಂತ ಹೆಚ್ಚಿನ ಮೈಲೇಜ್ ನೀಡುತ್ತದೆ.