Paytm Users: ಪೆಟಿಎಂ ಬಳಸುವವರಿಗೆ RBI ನಿಂದ ಹೊಸ ರೂಲ್ಸ್, ಸೇವೆ ರದ್ದುಮಾಡಲು ಆದೇಶ ಹೊರಡಿಸಿದ RBI.

Paytm These Service Cancelled: ಸದ್ಯ ದೇಶದಲ್ಲಿ ಎಲ್ಲ ರೀತಿಯ ವ್ಯವಹಾರಗಳು ಡಿಜಿಟಲೀಕರಣಗೊಳ್ಳುತ್ತಿದೆ. ಜನರು ಹೆಚ್ಚಾಗಿ ಆನ್ಲೈನ್(Online) ಮೂಲಕ ಹಣಕಾಸಿನ ವ್ಯವಹಾರವನ್ನು ನಡೆಸುತ್ತಿದ್ದಾರೆ. ಜನರಿಗೆ ಆನ್ಲೈನ್ ಪೇಮೆಂಟ್ ಅನ್ನು ನೀಡಲು ಸಾಕಷ್ಟು UPI ಪಾವತಿಯ ಅಪ್ಲಿಕೇಶನ್ ಗಳು ಲಭ್ಯವಾಗುತ್ತಿದೆ.

ಜನರು ವಿವಿಧ UPI ಅಪ್ಲಿಕೇಶನ್ ನ ಮೂಲಕ ತಮ್ಮ ವಹಿವಾಟನ್ನು ನಡೆಸುತ್ತಿದ್ದಾರೆ. ಸದ್ಯ ಅತಿ ಹೆಚ್ಚು ಜನರು ಬಳಸುವ UPI ಪಾವತಿ ಅಪ್ಲಿಕೇಶನ್ ಆಗಿರುವ Paytm ನಲ್ಲಿ ಮಹತ್ವದ ಬದಲಾವಣೆ ಆಗಲಿದೆ. ಹೌದು, RBI ಪೆಟಿಎಂ ಬಳದಾರರಿಗೆ ಹೊಸ ನಿಯಮವನ್ನು ಜಾರಿಗೊಳಿಸಿದೆ.

ಪೆಟಿಎಂ ಬಳಸುವವರಿಗೆ RBI ನಿಂದ ಹೊಸ ರೂಲ್ಸ್
Paytm ಪೇಮೆಂಟ್ಸ್ ಬ್ಯಾಂಕ್ ಮೇಲೆ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳುವ ಮೂಲಕ, RBI ಫೆಬ್ರವರಿ 29, 2024 ರ ನಂತರ ಯಾವುದೇ ಗ್ರಾಹಕ ಖಾತೆ, ಪ್ರಿಪೇಯ್ಡ್ ಉಪಕರಣ, ವ್ಯಾಲೆಟ್ ಮತ್ತು ಫಾಸ್ಟ್ಯಾಗ್ ಇತ್ಯಾದಿಗಳಲ್ಲಿ ಠೇವಣಿಗಳನ್ನು ಸ್ವೀಕರಿಸುವುದನ್ನು ಅಥವಾ ಟಾಪ್-ಅಪ್ ಮಾಡುವುದನ್ನು ನಿಲ್ಲಿಸಿದೆ. ಬಾಹ್ಯ ಲೆಕ್ಕ ಪರಿಶೋಧಕರ ಸಮಗ್ರ ಸಿಸ್ಟಮ್ ಆಡಿಟ್ ವರದಿ ಮತ್ತು ಅನುಸರಣೆ ಪರಿಶೀಲನೆ ವರದಿಯ ನಂತರ ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಲಿಮಿಟೆಡ್ (PPBL) ವಿರುದ್ಧ RBI ಈ ಕ್ರಮ ಕೈಗೊಂಡಿದೆ.

ಸೇವೆ ರದ್ದುಮಾಡಲು ಆದೇಶ ಹೊರಡಿಸಿದ RBI
ಫೆಬ್ರವರಿ 29, 2024 ರ ನಂತರ ಯಾವುದೇ ಗ್ರಾಹಕ ಖಾತೆ, ಪ್ರಿಪೇಯ್ಡ್ ಮಾಧ್ಯಮ, ವ್ಯಾಲೆಟ್, ಫಾಸ್ಟ್ಯಾಗ್, NCMC ಕಾರ್ಡ್ ಇತ್ಯಾದಿಗಳಲ್ಲಿ ಯಾವುದೇ ಠೇವಣಿ ಅಥವಾ ಕ್ರೆಡಿಟ್ ವಹಿವಾಟು ಅಥವಾ ಟಾಪ್ ಅಪ್ ಅನ್ನು ಅನುಮತಿಸಲಾಗುವುದಿಲ್ಲ. ಆದಾಗ್ಯೂ, ಯಾವುದೇ ಬಡ್ಡಿ, ಕ್ಯಾಶ್‌ ಬ್ಯಾಕ್ ಅಥವಾ ಮರುಪಾವತಿಗಳನ್ನು ಕ್ರೆಡಿಟ್ ಮಾಡಲಾಗುವುದಿಲ್ಲ ಎಂದು ಕೇಂದ್ರ ಬ್ಯಾಂಕ್ ಹೇಳಿದೆ.

ಇದರೊಂದಿಗೆ, ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಗ್ರಾಹಕರು ತಮ್ಮ ಉಳಿತಾಯ ಬ್ಯಾಂಕ್ ಖಾತೆ, ಚಾಲ್ತಿ ಖಾತೆ, ಪ್ರಿಪೇಯ್ಡ್ ಮಾಧ್ಯಮ, ಫಾಸ್ಟ್ಯಾಗ್, ನ್ಯಾಷನಲ್ ಕಾಮನ್ ಮೊಬಿಲಿಟಿ ಕಾರ್ಡ್ (NCMC) ಸೇರಿದಂತೆ ಯಾವುದೇ ನಿರ್ಬಂಧವಿಲ್ಲದೆ ತಮ್ಮ ಖಾತೆಗಳಿಂದ ಬಾಕಿ ಹಣವನ್ನು ಹಿಂಪಡೆಯಲು ಅಥವಾ ಬಳಸಲು ಅನುಮತಿಸಲಾಗುವುದು ಎಂದು ಆರ್‌ಬಿಐ ಹೇಳಿದೆ.