TRAI Update: ಮೊಬೈಲ್ ಬಳಸುವವರಿಗೆ ಕೇಂದ್ರದಿಂದ ಗುಡ್ ನ್ಯೂಸ್, ಇನ್ಮುಂದೆ ಬರಲ್ಲ Unknown ನಿಂದ ಕಾಲ್.
ಇನ್ನುಮುಂದೆ ಅಪರಿಚಿತ ಕರೆಯ ಬಗ್ಗೆ ತಿಳಿಯಲು ಥರ್ಡ್ ಪಾರ್ಟಿ ಅಪ್ಲಿಕೇಶನ್ ಬಳಸುವ ಅಗತ್ಯ ಇಲ್ಲ
TRAI Latest Update: ಸಾಮಾನ್ಯವಾಗಿ ಮೊಬೈಲ್ ಫೋನ್ ಗಳಿಗೆ Unknown Call ಬರುತ್ತಿರುತ್ತದೆ. ಅಪರಿಚತ ಸಂಖ್ಯೆಯಿಂದ ಕರೆ ಬಂದರೆ ಒಂದು ಕ್ಷಣ ಯೋಚನೆ ಶುರುವಾಗುವುದು ಸಹಜ. ಕರೆ ಮಾಡಿರುವವರು ಯಾರಿರಬಹುದು ಎಂದು ತಿಳಿಯಲು ಬಯಸುತ್ತಾರೆ.
ಇನ್ನು ಈ ಆನ್ ನೋನ್ ಕಾಲ್ ಯಾರೆಂಬುದನ್ನು ತಿಳಿಯಲು ಈಗಾಗಲೇ ಸಾಕಷ್ಟು ಬಳಕೆದಾರರು ಥರ್ಡ್ ಪಾರ್ಟಿ ಅಪ್ಲಿಕೇಶನ್ ಗಳನ್ನೂ ಬಳಸುತ್ತರೆ. ಆದರೆ ಇದೀಗ TRAI ಈ ಸಂಬಂಧ ಹೊಸ ಅಪ್ಡೇಟ್ ನ್ನು ತಂದಿದೆ. ಹೌದು, ಇನ್ನುಮುಂದೆ ನೀವು ಅಪರಿಚಿತ ಕರೆಯ ಬಗ್ಗೆ ತಿಳಿಯಲು ಥರ್ಡ್ ಪಾರ್ಟಿ ಅಪ್ಲಿಕೇಶನ್ ಗಳನ್ನೂ ಬಳಸುವ ಅಗತ್ಯ ಇಲ್ಲ. ಇದಕ್ಕಾಗಿ ಪರ್ಯಾಯ ಮಾರ್ಗವನ್ನು ಟ್ರೈ ಕಂಡುಹಿಡಿದಿದೆ.
ಮೊಬೈಲ್ ಬಳಸುವವರಿಗೆ ಕೇಂದ್ರದಿಂದ ಗುಡ್ ನ್ಯೂಸ್
ಸ್ಮಾರ್ಟ್ ಫೋನ್ ಬಳಕೆದಾರರು ತಮ್ಮ ಫೋನ್ ಗಳಲ್ಲಿ ಅಪರಿಚಿತ ಕರೆಗಳ ಕುರಿತು ಮಾಹಿತಿಯನ್ನು ಪಡೆಯಲು ಥರ್ಡ್ ಪಾರ್ಟಿ ಅಪ್ಲಿಕೇಶನ್ ಗಳನ್ನು ಬಳಸುತ್ತಾರೆ. ಅವುಗಳಲ್ಲಿ ಹೆಚ್ಚಿನವರು ಟ್ರೂ ಕಾಲರ್ ಅನ್ನು ಬಳಸುತ್ತಾರೆ. ಸಂಪರ್ಕ ವಿವರಗಳು, ಫೋನ್ ಗ್ಯಾಲರಿ, ಸ್ಪೀಕರ್, ಕ್ಯಾಮರಾ ಮತ್ತು ಕರೆ ಇತಿಹಾಸದ ಬಗ್ಗೆ ಮಾಹಿತಿ ಸೇರಿದಂತೆ ತಮ್ಮ ವೈಶಿಷ್ಟ್ಯಗಳನ್ನು ಒದಗಿಸಲು ಅನುಸ್ಥಾಪನೆಯ ಸಮಯದಲ್ಲಿ ಥರ್ಡ್ ಪಾರ್ಟಿ ಅಪ್ಲಿಕೇಶನ್ ಗಳು ಸಾಕಷ್ಟು ಅನುಮತಿಗಳನ್ನು ಕೇಳುತ್ತವೆ.
ಇವುಗಳಿಗೆಲ್ಲ ಅನುಮತಿ ನೀಡದಿದ್ದರೆ ಈ ಥರ್ಡ್ ಪಾರ್ಟಿ ಅಪ್ಲಿಕೇಶನ್ ಗಳು ಕಾರ್ಯನಿರ್ವಹಿಸುವುದಿಲ್ಲ ಮತ್ತು ನೀವು ಅನುಮತಿ ನೀಡಿದರೆ ನಿಮ್ಮ ವೈಯಕ್ತಿಕ ವಿವರಗಳನ್ನು ಅಪ್ಲಿಕೇಶನ್ ನಲ್ಲಿ ಸಂಗ್ರಹಿಸಲಾಗುತ್ತದೆ. ಇದರಿಂದ ಪರಿಹಾರವನ್ನು ಕಂಡುಕೊಳ್ಳಲು ಹೊಸ ಮಾರ್ಗವನ್ನು ಕಂಡು ಹಿಡಿಯಲಾಗಿದೆ.
ಇನ್ಮುಂದೆ Unknown ನಿಂದ ಕಾಲ್ ಬಂದರೆ ಚಿಂತಿಸುವ ಅಗತ್ಯ ಇಲ್ಲ
ಟೆಲಿಕಾಂ ರೆಗ್ಯುಲೇಟರಿ ಅಥಾರಿಟಿ ಆಫ್ ಇಂಡಿಯಾ (TRAI) ದೇಶಾದ್ಯಂತದ ಟೆಲಿಕಾಂ ಕಂಪನಿಗಳಿಗೆ ಕರೆ ಮಾಡುವವರ ಹೆಸರನ್ನು ಪ್ರಸ್ತುತಪಡಿಸಲು ಆದೇಶಿಸಿದೆ. ಅದರ ನಂತರ ಅಪರಿಚಿತ ವ್ಯಕ್ತಿಗಳು ನಿಮ್ಮ ಫೋನ್ ಗೆ ಕರೆ ಮಾಡಿದರೆ ನಿಮ್ಮ ಫೋನ್ ಪರದೆಯಲ್ಲಿ ಅವರ ಹೆಸರನ್ನು ನೀವು ನೋಡುತ್ತೀರಿ.
TRAI ದೇಶಾದ್ಯಂತ ಎಲ್ಲಾ ಟೆಲಿಕಾಂ ಕಂಪನಿಗಳಿಗೆ ಸೂಚನೆ ನೀಡಿದೆ. ಅದರ ನಂತರ ದೇಶದ ಮೊಬೈಲ್ ಸೇವಾ ಪೂರೈಕೆದಾರರು ಅದರ ಪ್ರಯೋಗವನ್ನು ಪ್ರಾರಂಭಿಸಿದ್ದಾರೆ. ಈ ಆದೇಶ ಪಾಲನೆಯಾದರೆ ನೀವು ಯಾವುದೇ ಥರ್ಡ್ ಪಾರ್ಟಿ ಅಪ್ಲಿಕೇಶನ್ ಅನ್ನು ಬಳಸದೆ ಅಪರಿಚಿತ ಕರೆಯ ಬಗ್ಗೆ ಮಾಹಿತಿ ತಿಳಿಯಬಹುದು.