TVS iQube ST: ಓಲಾ ಮತ್ತು ಆಕ್ಟಿವಾ ಸ್ಕೂಟರ್ ಗೆ ಪೈಪೋಟಿ ಕೊಡಲು ಬಂತು ಇನ್ನೊಂದು TVS ಸ್ಕೂಟರ್, ಕಡಿಮೆ ಬೆಲೆಗೆ.

ಸಿಂಗಲ್ ಚಾರ್ಜ್ ನಲ್ಲಿ 150 ಕಿಲೋಮೀಟರ್ ಮೈಲೇಜ್ ನೀಡಲಿದೆ ಈ TVS ಸ್ಕೂಟರ್.

Sujatha Poojari Published on: May 15, 2024 IST

TVS iQube ST Price And Features — Image Credit: Original Source

TVS iQube ST Price And Feature: ಸದ್ಯ ಮಾರುಕಟ್ಟೆಯಲ್ಲಿ ಎಲೆಕ್ಟ್ರಿಕ್ ಸ್ಕೂಟರ್ ಗಳ ಮೇಲಿನ ಬೇಡಿಕೆ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಜನರು ತಮ್ಮ ಇಂಧನದ ಖರ್ಚನ್ನು ಉಳಿಸಲು ಹೆಚ್ಚಾಗಿ ಎಲೆಕ್ಟ್ರಿಕ್ ವಾಹನಗಳನ್ನೇ ಬಳಸುತ್ತಿದ್ದಾರೆ. ಮಾರುಕಟ್ಟೆಯಲ್ಲಿ ಇತ್ತೀಚಿಗೆ ಎಲೆಕ್ಟ್ರಿಕ್ ವಾಹನಗಳೇ ಹೆಚ್ಚು ಪರಿಚಯವಾಗುತ್ತಿದೆ.

ಇನ್ನು ಗ್ರಾಹಕರು ಹೆಚ್ಚಾಗಿ ಮೈಲೇಜ್ ನೀಡುವ ಎಲೆಕ್ಟ್ರಿಕ್ ಸ್ಕೂಟರ್ ಗಳನ್ನೂ ಖರೀದಿಸಲು ಬಯಸುತ್ತಾರೆ. ಸದ್ಯ TVS ಕಂಪನಿಯು ತನ್ನ ಜನಪ್ರಿಯ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಮಾರುಕಟ್ಟೆಯಲ್ಲೂ ಪರಿಚಯಿಸಲು ನಿರ್ಧರಿಸಿದೆ. ಕಡಿಮೆ ಖರ್ಚಿನಲ್ಲಿ ನೀವು ಟಾಪ್ ಬೆಸ್ಟ್ EV ಯನ್ನು ಖರೀದಿಸಬಹುದಾಗಿದೆ.

TVS iQube ST Price In India — Image Credit: Zigwheels

ಓಲಾ ಮತ್ತು ಆಕ್ಟಿವಾ ಸ್ಕೂಟರ್ ಗೆ ಪೈಪೋಟಿ ಕೊಡಲು ಬಂತು ಇನ್ನೊಂದು TVS ಸ್ಕೂಟರ್
ಇದೀಗ TVS Motor TVS ಐಕ್ಯೂಬ್ ST ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಬಿಡುಗಡೆ ಮಾಡಿದೆ. ಮಾರುಕಟ್ಟೆಯಲ್ಲಿ TVS ನೂತನ EV ಬಾರಿ ಸಂಚಲನ ಸೃಷ್ಟಿಸಲಿದೆ. ಗ್ರಾಹಕರ ಬಜೆಟ್ ಬೆಲೆಯಲ್ಲಿ ಈ ಸ್ಕೂಟರ್ ಲಾಂಚ್ ಆಗಲಿದ್ದು ಹೆಚ್ಚಿನ ಮೈಲೇಜ್ ನೀಡಲಿದೆ. ಟಿವಿಎಸ್ ತನ್ನ ಎಲೆಕ್ಟ್ರಿಕ್ ಸ್ಕೂಟರ್ ನಲ್ಲಿ ಎರಡು ಬ್ಯಾಟರಿ ಪ್ಯಾಕ್ ಆಯ್ಕೆಗಳನ್ನು ನೀಡಿದೆ. ನೀವು 3.4kWh ಮತ್ತು 5.1kWh ಬ್ಯಾಟರಿ ಪ್ಯಾಕ್ ಆಯ್ಕೆಯನ್ನು ನೋಡಬಹುದು. ಅವುಗಳ ಬೆಲೆಯನ್ನು ರೂ. 1.55 ಲಕ್ಷ ಮತ್ತು ರೂ. 1.83 ಲಕ್ಷ (ಎಕ್ಸ್ ಶೋ ರೂಂ ಬೆಂಗಳೂರು) ಇರಿಸಲಾಗಿದೆ.

ಎರಡು ಬ್ಯಾಟರಿ ಆಯ್ಕೆ ಇರುವ ಈ EV ಬೆಲೆ ತುಂಬಾ ಕಡಿಮೆ
TVS iQube ST 5.1kWh ಬ್ಯಾಟರಿಯನ್ನು ಹೊಂದಿದ್ದು, ಇಲ್ಲಿಯವರೆಗೆ ಕಂಪನಿಯ ಅತ್ಯಂತ ಶಕ್ತಿಶಾಲಿ ಸ್ಕೂಟರ್ ಆಗಿದೆ. ಈ ವಿಭಾಗದಲ್ಲಿ ಇದು ಅತಿದೊಡ್ಡ ಬ್ಯಾಟರಿ ಪ್ಯಾಕ್ ಎಂದು ಕಂಪನಿ ಹೇಳಿಕೊಂಡಿದೆ. ಇದು ಒಂದೇ ಚಾರ್ಜ್‌ ನಲ್ಲಿ 150 ಕಿಲೋಮೀಟರ್ ಮೈಲೇಜ್ ಅನ್ನು ನೀಡುತ್ತದೆ. 0 ರಿಂದ 80 ಪ್ರತಿಶತದಷ್ಟು ಚಾರ್ಜ್ ಮಾಡಲು 4 ಗಂಟೆ 18 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ. ಈ ದೊಡ್ಡ ಬ್ಯಾಟರಿ ಸಾಮರ್ಥ್ಯ ಮತ್ತು ಅತ್ಯುತ್ತಮ ಶ್ರೇಣಿಯನ್ನು iQube ST ನ ಅತಿದೊಡ್ಡ ವೈಶಿಷ್ಟ್ಯಗಳೆಂದು ಪರಿಗಣಿಸಬಹುದು.

ಇನ್ನು 3.4kWh ಬ್ಯಾಟರಿಯೊಂದಿಗೆ iQube ST ಮೈಲೇಜ್ ಸ್ವಲ್ಪ ಕಡಿಮೆಯಾಗಿದೆ, ಇದು ಸುಮಾರು 100 ಕಿಲೋಮೀಟರ್ ಆಗಿದೆ. ಆದರೆ ಸಣ್ಣ ಬ್ಯಾಟರಿಯನ್ನು ಹೊಂದಿರುವ ಪ್ರಯೋಜನವೆಂದರೆ ಅದನ್ನು 0 ರಿಂದ 80 ರಷ್ಟು ಚಾರ್ಜ್ ಮಾಡಲು ಕೇವಲ 2 ಗಂಟೆ 50 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ. TVS iQube ST ನಲ್ಲಿ 7-ಇಂಚಿನ TFT ಟಚ್‌ ಸ್ಕ್ರೀನ್ ಡಿಸ್ಪ್ಲೇ, ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ (TPMS), ಸಂಪರ್ಕಿತ ವೈಶಿಷ್ಟ್ಯಗಳು ಮತ್ತು 32 ಲೀಟರ್ ಬೂಟ್ ಸ್ಪೇಸ್ ಅನ್ನು ಹೊಂದಿದೆ.

5.1kWh ರೂಪಾಂತರದ ಗರಿಷ್ಠ ವೇಗವು ಗಂಟೆಗೆ 82 ಕಿಲೋಮೀಟರ್ ಆಗಿದ್ದರೆ, 3.4kWh ರೂಪಾಂತರದ ವೇಗವು ಗಂಟೆಗೆ 78 ಕಿಲೋಮೀಟರ್‌ಗಳವರೆಗೆ ತಲುಪಬಹುದು. ಎರಡೂ ರೂಪಾಂತರಗಳು ಕಾಪರ್ ಕಂಚಿನ ಮ್ಯಾಟ್, ಕೋರಲ್ ಸ್ಯಾಂಡ್ ಸ್ಯಾಟಿನ್, ಟೈಟಾನಿಯಂ ಗ್ರೇ ಮ್ಯಾಟ್ ಮತ್ತು ಸ್ಟಾರ್ಲೈಟ್ ಬ್ಲೂ ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿದೆ.

TVS iQube ST Mileage — Image Credit: Zigwheels