Zero Rupee Note: ಭಾರತದಲ್ಲಿ ಮುದ್ರಣವಾಗಿದೆ ಶೂನ್ಯ ರೂಪಾಯಿಯ ನೋಟ್, ಈ ನೋಟಿನ ಉಪಯೋಗ ತಿಳಿದರೆ ಆಶ್ಚರ್ಯ ಆಗುತ್ತೆ
ಶೂನ್ಯ ರೂಪಾಯಿ ನೋಟುಗಳನ್ನು ಮುದ್ರಿಸಲು ಕಾರಣವೇನು..? ಇದರ ಉಪಯೋಗ ಏನು...?
Zero Rupee Note Printed: ದೇಶದಲ್ಲಿ ಎರಡು ಬಾರಿ ನೋಟು ಅಮಾನ್ಯೀಕರಣಗೊಂಡಿದೆ. ಮೊದಲ ಬಾರಿ ಕೇಂದ್ರ ಸರ್ಕಾರ 500 ಮತ್ತು 1000 ರೂಪಾಯಿ ಮುಖಬೆಲೆಯ ನೋಟುಗಳನ್ನು ಏಕಕಾಲದಲ್ಲಿ ಅಮಾನ್ಯೀಕರಣಗೊಳಿಸಿತ್ತು. ಈ ವೇಳೆ ಹೊಸ 2000 ರೂಪಾಯಿ ನೋಟುಗಳ ಚಲಾವಣೆ ಪ್ರಾರಂಭವಾಯಿತು. ಇನ್ನು 2023 ರ ಮೇ ನಲ್ಲಿ ಮತ್ತೆ ಕೇಂದ್ರ ಸರ್ಕಾರ 2000 ರೂ. ನೋಟುಗಳ ಚಲಾವಣೆಯನ್ನು ಸ್ಥಗಿತಗೊಳಿಸಿತ್ತು.
2000 ರೂಪಾಯಿ ನೋಟುಗಳು ಚಲಾವಣೆಗೆ ಬಂದ ನಂತರ ಯಾವುದೇ ಹೊಸ ನೋಟುಗಳು ಮುಂದ್ರಣವಾಗಿಲ್ಲ ಎನ್ನುವುದು ಸ್ಪಷ್ಟ ಮಾಹಿತಿ. ಇನ್ನು ಭಾರತದ್ಲಲಿ ಶೂನ್ಯ ರೂಪಾಯಿಯ ನೋಟುಗಳು ಮುಂದ್ರವಾಗಿರುವ ಬಗ್ಗೆ ನಿಮಗೆ ತಿಳಿದಿದೆಯೇ..? ಹೌದು, ಭಾರತದಲ್ಲಿ ಶೂನ್ಯ ರೂಪಾಯಿಯ ನೋಟುಗಳು ಕೂಡ ಮುದ್ರಣವಾಗಿದೆ. ಶೂನ್ಯ ರೂಪಾಯಿಯ ನೋಟಿಗೆ ಯಾವುದೇ ಮೌಲ್ಯವಿಲ್ಲದಿದ್ದರೆ ಅದರ ಮುದ್ರಣದಿಂದ ಏನು ಪ್ರಯೋಜನ ಎನ್ನುವ ಪ್ರಶ್ನೆ ನಿಮ್ಮಲ್ಲಿ ಮೂಡಿರಬಹುದು. ನಿಮ್ಮ ಪ್ರಶ್ನೆಗೆ ಇಲ್ಲಿದೆ ಉತ್ತರ.
ಭಾರತದಲ್ಲಿ ಮುದ್ರಣವಾಗಿದೆ ಶೂನ್ಯ ರೂಪಾಯಿಯ ನೋಟ್
ವಾಸ್ತವವಾಗಿ, 2007 ರಲ್ಲಿ 5 ನೇ ಪಿಲ್ಲರ್, ಚೆನ್ನೈ ಮೂಲದ ಸರ್ಕಾರೇತರ ಸಂಸ್ಥೆ (NGO) ಶೂನ್ಯ-ರೂಪಾಯಿ ನೋಟನ್ನು ಮುದ್ರಿಸಿತು. ಈ ನೋಟಿನ ಬಗ್ಗೆ ಸರಕಾರವಾಗಲಿ ಅಥವಾ ರಿಸರ್ವ್ ಬ್ಯಾಂಕ್ ಆಗಲಿ ಯಾವುದೇ ಗ್ಯಾರಂಟಿ ನೀಡಿಲ್ಲ. ಅದು ಆಚರಣೆಗೂ ಬಂದಿಲ್ಲ. ಅಂದರೆ ಅದನ್ನು ವಹಿವಾಟಿನಿಂದ ಹೊರಗಿಡಲಾಗಿದೆ. ಇದು ಹಿಂದಿ, ತಮಿಳು, ಕನ್ನಡ, ಮಲಯಾಳಂ ಮತ್ತು ತೆಲುಗು ಭಾಷೆಗಳಲ್ಲಿ ಪ್ರಕಟವಾಯಿತು.
#Indian zero-rupee note carries the slogan, “Eliminate corruption at all levels”. https://t.co/5E4syNAltR #goodgov pic.twitter.com/NfpnGxpZYT
— World Bank (@WorldBank) December 25, 2019
ಶೂನ್ಯ ರೂಪಾಯಿ ನೋಟುಗಳನ್ನು ಮುದ್ರಿಸಲು ಕಾರಣವೇನು..?
ದೇಶದ ಸರ್ಕಾರಿ ಕಚೇರಿಗಳಲ್ಲಿ ಭ್ರಷ್ಟಾಚಾರ ತಾಂಡವವಾಡುತ್ತಿತ್ತು. ಎಲ್ಲೆಲ್ಲಿ ಕೆಲಸವಿದ್ದರೂ ಹಣವಿಲ್ಲದೆ ಕೆಲಸ ನಡೆಯುತ್ತಿರಲಿಲ್ಲ. ಇದರಿಂದ ಸಾರ್ವಜನಿಕರ ಸ್ಥಿತಿ ಕಷ್ಟವಾಗಿತ್ತು. ಇಂತಹ ಪರಿಸ್ಥಿತಿಯಲ್ಲಿ ಭ್ರಷ್ಟಾಚಾರವನ್ನು ಕಿತ್ತೊಗೆಯುವ ಉದ್ದೇಶದಿಂದ ಶೂನ್ಯ ರೂಪಾಯಿ ನೋಟುಗಳನ್ನು ಮುದ್ರಿಸಲಾಗಿದೆ. 5 ಪಿಲ್ಲರ್ ಮುದ್ರಿತ ಶೂನ್ಯ ರೂಪಾಯಿ ನೋಟು. ಇದಾದ ನಂತರ ಎಲ್ಲೆಲ್ಲಿ ಲಂಚ ಕೇಳಿದರೂ ಈ ಶೂನ್ಯ ರೂಪಾಯಿ ನೋಟು ಕೈಕೊಟ್ಟಿತ್ತು.
ಶೂನ್ಯ ರೂಪಾಯಿ ನೋಟುಗಳನ್ನು ಮುದ್ರಿಸಿ ನಾವು ಲಂಚ ಕೊಡುವುದಿಲ್ಲ ಅಥವಾ ತೆಗೆದುಕೊಳ್ಳುವುದಿಲ್ಲ ಎಂದು ಪ್ರಮಾಣ ವಚನ ಸ್ವೀಕರಿಸಿದರು. ಅಭಿಯಾನದ ಮೂಲಕ, ಈ ನೋಟುಗಳನ್ನು ರೈಲ್ವೆ ನಿಲ್ದಾಣಗಳು, ಬಸ್ ನಿಲ್ದಾಣಗಳು ಮತ್ತು ಮಾರುಕಟ್ಟೆಗಳಲ್ಲಿ ವಿತರಿಸಲಾಯಿತು. NGO ಮೂಲಕ ಭ್ರಷ್ಟಾಚಾರದ ಬಗ್ಗೆ ಜನರಿಗೆ ಅರಿವು ಮೂಡಿಸಲಾಯಿತು. ಸುಮಾರು 25 ಲಕ್ಷ ಶೂನ್ಯ ರೂಪಾಯಿ ನೋಟುಗಳನ್ನು ಮುದ್ರಿಸಲಾಗಿದೆ. ಶೂನ್ಯ ರೂಪಾಯಿ ನೋಟು 50 ರೂಪಾಯಿಯಂತೆಯೇ ಇತ್ತು. ಅದರ ಮೇಲೆ ಕೆಳಭಾಗದಲ್ಲಿ, “ನಾನು ಲಂಚವನ್ನೂ ತೆಗೆದುಕೊಳ್ಳುವುದಿಲ್ಲ, ಕೊಡುವುದಿಲ್ಲ’’ ಎಂದು ಪ್ರತಿಜ್ಞೆ ಬರೆಲಾಗಿದೆ.
