APY Withdrawal: ಅವಧಿಗೂ ಮುನ್ನವೇ ಅಟಲ್ ಪಿಂಚಣಿ ಯೋಜನೆಯ ಹಣ ಪಡೆಯುವುದು ಹೇಗೆ…? ಇಲ್ಲಿದೆ ಡೀಟೇಲ್ಸ್
ಅವಧಿಗೂ ಮುನ್ನ ಅಟಲ್ ಪಿಂಚಣಿ ಯೋಜನೆಯ ಹಣ ಪಡೆಯುವ ವಿಧಾನ
APY Premature Exit Rule: ಇನ್ನು 60 ವರ್ಷ ಮೇಲ್ಪಟ್ಟ ನಂತರ ನಿವೃತ್ತಿಯ ಜೀವನ ನಿರ್ವಹಣೆಗಾಗಿ ಕೇಂದ್ರದಿಂದ Atal Pension Yojana ಉತ್ತಮವಾಗಿದೆ ಎನ್ನಬಹುದು. ಜನರು ಈ ಯೋಜನೆಯಡಿಯಲ್ಲಿ ಹೂಡಿಕೆಯನ್ನು ಪ್ರಾರಂಭಿಸುವ ಮೂಲಕ ಪಿಂಚಣಿಯ ಮೊತ್ತವನ್ನು ಪಡೆಯಬಹುದು.
Atal Pension Yojana ಅಡಿಯಲ್ಲಿ 60 ವರ್ಷ ಮೇಲ್ಪಟ್ಟವರಿಗೆ ಮಾಸಿಕ ಪಿಂಚಣಿ ಲಭ್ಯವಾಗಲಿದೆ. ನೀವು ಈ ಯೋಜನೆಗಳಲ್ಲಿ ಎಷ್ಟು ಬೇಗ ಹೂಡಿಕೆ ಮಾಡುತ್ತಿರೋ ಅಷ್ಟು ಹೆಚ್ಚು ಹಣವನ್ನು ಪಡೆಯುವ ಅವಕಾಶ ಇರುತ್ತದೆ. ಇದೀಗ ನಾವು ಅವಧಿಗೂ ಮುನ್ನವೇ ಅಟಲ್ ಪಿಂಚಣಿ ಯೋಜನೆಯ ಹಣ ಪಡೆಯುವುದು ಹೇಗೆ ಅನ್ನುವುದರ ಬಗ್ಗೆ ತಿಳಿಯೋಣ.
![Atal Pension Scheme Details](https://nadunudi.in/wp-content/uploads/2024/01/Atal-Pension-Scheme-Details-1.jpg)
60 ವರ್ಷ ಮೇಲ್ಪಟ್ಟವರಿಗೆ ಪ್ರತಿ ತಿಂಗಳು 5000 ಪಿಂಚಣಿ
ಅಟಲ್ ಪಿಂಚಣಿ ಯೋಜನೆಯನ್ನು (Atal Pension Scheme) ಕೇಂದ್ರ ಸರ್ಕಾರ 2015 ರಲ್ಲಿ ಪ್ರಾರಂಭಿಸಿದೆ. ಈ ಯೋಜನೆಯಲ್ಲಿ ಹೂಡಿಕೆದಾರರು 60 ವರ್ಷ ವಯಸ್ಸಿನವರಾದಾಗ ಪ್ರತಿ ತಿಂಗಳು 1,000 ರೂ. ನಿಂದ 5,000 ರೂ.ವರೆಗೆ ಪಿಂಚಣಿ ಪಡೆಯಬಹುದು. ಅಟಲ್ ಪಿಂಚಣಿ ಯೋಜನೆಯಲ್ಲಿ ನೀವು ಪ್ರತಿ ತಿಂಗಳು 210 ರೂಪಾಯಿಗಳನ್ನು ಹೂಡಿಕೆ ಮಾಡಿದರೆ ನಿವೃತ್ತಿಯ ನಂತರ ನಿಮಗೆ ಪ್ರತಿ ತಿಂಗಳು 5 ಸಾವಿರ ರೂಪಾಯಿ ಪಿಂಚಣಿ ಸಿಗುತ್ತದೆ.
ಈ ಯೋಜನೆಗಳಲ್ಲಿ 210 ರೂ.ಗಿಂತ ಕಡಿಮೆ ಹೂಡಿಕೆ ಮಾಡಬಹುದು. ನಿಮ್ಮ ಹೂಡಿಕೆಗೆ ಅನುಗುಣವಾಗಿ ನೀವು ಪ್ರತಿ ತಿಂಗಳು ಪಡೆಯುವ ಪಿಂಚಣಿಯ ಹಣ ನಿರ್ಧಾರವಾಗುತ್ತದೆ. 18 ವರ್ಷದಿಂದ 40 ವರ್ಷದೊಳಗಿನ ಯಾವುದೇ ವ್ಯಕ್ತಿ ಈ ಯೋಜನೆಯಲ್ಲಿ ಹೂಡಿಕೆ ಮಾಡಬಹುದು. ಕನಿಷ್ಠ 20 ವರ್ಷಗಳ ವರೆಗೆ ಈ ಯೋಜನೆಯಲ್ಲಿ ಹೂಡಿಕೆ ಮಾಡಬೇಕು. ಹೂಡಿಕೆದಾರರು ಮೃತಪಟ್ಟ ಸಂದರ್ಭದಲ್ಲಿ ಸಂಗಾತಿಗೆ ಪಿಂಚಣಿ ದೊರೆಯುತ್ತದೆ. ಒಂದು ವೇಳೆ ಇಬ್ಬರೂ ಮೃತಪಟ್ಟರೆ ಪಿಂಚಣಿ ನಿಧಿಯು ನಾಮಿನಿಗೆ ಸಿಗುತ್ತದೆ.
![Atal Pension Scheme Investment](https://nadunudi.in/wp-content/uploads/2024/01/Atal-Pension-Scheme-Investment-1.jpg)
ಅವಧಿಗೂ ಮುನ್ನವೇ ಅಟಲ್ ಪಿಂಚಣಿ ಯೋಜನೆಯ ಹಣ ಪಡೆಯುವುದು ಹೇಗೆ…?
ಅರ್ಜಿದಾರರು 60 ವರ್ಷಕ್ಕಿಂತ ಮೊದಲು ಠೇವಣಿ ಮಾಡಿದ ಮೊತ್ತವನ್ನು ಹಿಂಪಡೆಯಲು ಬಯಸಿದರೆ ಈ ರೀತಿಯಲ್ಲಿ ಮಾತ್ರ ಹಣವನ್ನು ಹಿಂಪಡೆಯಲು ಸಾಧ್ಯವಾಗುತ್ತದೆ.
1. ಅನಾರೋಗ್ಯದ ಸಮಸ್ಯೆ ಇದ್ದರೆ
ಅರ್ಜಿದಾರರು ಯಾವುದೇ ಗಂಭೀರ ಅಥವಾ ದೀರ್ಘಕಾಲದ ಅನಾರೋಗ್ಯದ ಚಿಕಿತ್ಸೆಗಾಗಿ ಯೋಜನೆಯಲ್ಲಿ ಠೇವಣಿ ಮಾಡಿದ ಮೊತ್ತವನ್ನು ಹಿಂಪಡೆಯಲು ಬಯಸಿದರೆ ಮತ್ತು ಅವರು ಯೋಜನೆಯಲ್ಲಿ ಹೆಚ್ಚಿನ ಹೂಡಿಕೆ ಮಾಡಲು ಸಾಧ್ಯವಾಗದಿದ್ದರೆ ಈ ಪರಿಸ್ಥಿತಿಯಲ್ಲಿ ಅವರು ಠೇವಣಿ ಮಾಡಿದ ಮೊತ್ತವನ್ನು ಹಿಂತೆಗೆದುಕೊಳ್ಳಬಹುದು. ಈ ಪರಿಸ್ಥಿತಿಯಲ್ಲಿ ಅವರು ತಮ್ಮ ಠೇವಣಿಗಳ ಜೊತೆಗೆ ಗಳಿಸುವ ಮೊತ್ತ, ಸರ್ಕಾರದ ಕೊಡುಗೆಯ ಮೊತ್ತ ಮತ್ತು ಅದರ ಮೇಲೆ ಪಡೆದ ಆದಾಯವು ಅವರ ಖಾತೆಗೆ ಬರುತ್ತದೆ.
![APY Premature Exit Rule](https://nadunudi.in/wp-content/uploads/2024/01/APY-Premature-Exit-Rule.jpg)
2 . ಸ್ವಯಂಪ್ರೇರಿತ ಹಿಂಪಡೆದುಕೊಳ್ಳುವಿಕೆ
ಹಿಂತೆಗೆದುಕೊಳ್ಳಲು ಯಾವುದೇ ನಿರ್ದಿಷ್ಟ ಕಾರಣವಿಲ್ಲದಿದ್ದರೆ, ಅರ್ಜಿದಾರರು 60 ವರ್ಷ ವಯಸ್ಸಿನ ಮೊದಲು ಯೋಜನೆಯಲ್ಲಿನ ಕೊಡುಗೆಯನ್ನು ನಿಲ್ಲಿಸುವ ಮೂಲಕ ಹಣವನ್ನು ಹಿಂಪಡೆಯಲು ಸ್ವಯಂಪ್ರೇರಣೆಯಿಂದ ಬಯಸುತ್ತಾರೆ. ನಂತರ ಈ ಸಂದರ್ಭದಲ್ಲಿ ಖಾತೆ ನಿರ್ವಹಣೆ ಮತ್ತು ಮುಂತಾದ ಶುಲ್ಕಗಳನ್ನು ಕಡಿತಗೊಳಿಸಿದ ನಂತರ ಚಂದಾದಾರರಿಗೆ ಕೊಡುಗೆಯನ್ನು ನೀಡಲಾಗುತ್ತದೆ.