Tata Commercial Vehicle: ಪ್ರತಿ Km ಗೆ ಬರಿ 3 ರೂ ಖರ್ಚು, ಮಾರುಕಟ್ಟೆಗೆ ಬಂತು ಇನ್ನೊಂದು ಅಗ್ಗದ 10 ಸೀಟರ್ ಕಾರ್.
ಮಾರುಕಟ್ಟೆಗೆ ಬಂತು ಇನ್ನೊಂದು ಅಗ್ಗದ 10 ಸೀಟರ್ ಕಾರ್
Tata Magic Bi-Fuel: ಭಾರತೀಯ ಮಾರುಕಟ್ಟೆಯಲ್ಲಿ ಟಾಟಾ ಕಂಪನಿಯು ವಾಣಿಜ್ಯ ವಾಹನಗಳ (Commercial Vehicle) ವಿಭಾಗದಲ್ಲಿ ಕೂಡ ಹೆಚ್ಚು ಜನಪ್ರಿಯತೆ ಪಡೆದುಕೊಂಡಿದೆ. ಈವರೆಗೆ ಯಾವುದೇ ಕಂಪನಿಗಳಿಗೆ ಟಾಟಾ ಕಂಪನಿಯನ್ನು ಹಿಂದಿಕ್ಕಲು ಸಾಧ್ಯವಾಗಲಿಲ್ಲ.
ವಾಣಿಜ ವಾಹನಗಳ ವಿಭಾಗದಲ್ಲಿ ಕೂಡ ಟಾಟಾ ಕಂಪನಿಯು ನಂಬರ್ ಒನ್ ಸ್ಥಾನದಲ್ಲಿದೆ. ಸದ್ಯ ಮಾರುಕಟ್ಟೆಯಲ್ಲಿ ಟಾಟಾ ಕಂಪನಿಯು ನೂತನ ವಾಣಿಜ್ಯ ವಾಹನವನ್ನು ಬಿಡುಗಡೆ ಮಾಡಿದೆ. ಅತಿ ಕಡಿಮೆ ಖರ್ಚಿನಲ್ಲಿ ನೀವು ಈ ನೂತನ ಮಾದರಿಯನ್ನು ಖರೀದಿಸುವುದಲ್ಲದೆ, ಇದರ ನಿರ್ವಹಣೆಗೆ ಕೂಡ ಹೆಚ್ಚು ಹಣದ ಅಗತ್ಯ ಇಲ್ಲ ಎನ್ನಬಹುದು.
![Tata Magic Bi-Fuel](https://nadunudi.in/wp-content/uploads/2024/04/Tata-Magic-Bi-Fuel.png)
ಮಾರುಕಟ್ಟೆಗೆ ಬಂತು ಇನ್ನೊಂದು ಅಗ್ಗದ 10 ಸೀಟರ್ ಕಾರ್
ಸದ್ಯ ಟಾಟಾ ಮೋಟಾರ್ಸ್ ತನ್ನ ಮ್ಯಾಜಿಕ್ ವ್ಯಾನ್ ನ CNG ಬೈ ಫ್ಯುಯೆಲ್ ರೂಪಾಂತರವನ್ನು ಪರಿಚಯಿಸಿದೆ. ಟಾಟಾ Magic Bi-Fuel ರೂಪಾಂತರವು ಸಿಎನ್ಜಿ ಮತ್ತು ಪೆಟ್ರೋಲ್ ನಲ್ಲಿ ಏಕಕಾಲದಲ್ಲಿ ಚಲಿಸಬಲ್ಲ ಹೊಸ ಮಾದರಿಯ ವಾಹನವಾಗಿದೆ. ಕಂಪನಿಯು 10 ವರ್ಷಗಳಿಂದ ಕಾಂಪ್ಯಾಕ್ಟ್ ಗಾತ್ರದ ವ್ಯಾನ್ ವಿಭಾಗದಲ್ಲಿ ಟಾಟಾ ಮ್ಯಾಜಿಕ್ ಎಂಬ ವಾಹನವನ್ನು ಮಾರಾಟ ಮಾಡುತ್ತಿದೆ.
ಈ ವಾಹನದಲ್ಲಿ ಏಕಕಾಲಕ್ಕೆ 10 ಮಂದಿ ಪ್ರಯಾಣಿಸಬಹುದು. ಟಾಟಾ ಮ್ಯಾಜಿಕ್ ವಾಹನಗಳು ಸರಕು ಸಾಗಣೆದಾರರು, ಶಾಲಾ ಮಕ್ಕಳು ಮತ್ತು ಕೆಲವು ಪಟ್ಟಣಗಳಲ್ಲಿ ಶೇರ್ ಆಟೋಗಳಾಗಿ ಕಾರ್ಯನಿರ್ವಹಿಸುತ್ತವೆ. ಹೆಚ್ಚಿನ ವಿಶ್ವಾಸಾರ್ಹತೆ ಮತ್ತು ಹೆಚ್ಚಿನ ಮೈಲೇಜ್ ಕಾರಣದಿಂದ ಅನೇಕ ಜನರು ಈ ಟಾಟಾ ಮ್ಯಾಜಿಕ್ ವಾಹನವನ್ನು ಹಲವು ವರ್ಷಗಳಿಂದ ಖರೀದಿಸುತ್ತಿದ್ದಾರೆ. ಇದೀಗ ಟಾಟಾ ಕಂಪನಿ 4 ಲಕ್ಷ ವಾಹನಗಳನ್ನು ಮಾರಾಟ ಮಾಡುವ ಮೂಲಕ ಹೊಸ ಮೈಲುಗಲ್ಲು ಸಾಧಿಸಿದೆ.
![Tata Magic Bi-Fuel Price](https://nadunudi.in/wp-content/uploads/2024/04/Tata-Magic-Bi-Fuel-Price.png)
ಪ್ರತಿ Km ಗೆ ಬರಿ 3 ರೂ ಖರ್ಚು
ಇದು 60-ಲೀಟರ್ CNG ಟ್ಯಾಂಕ್ ಮತ್ತು ಐದು-ಲೀಟರ್ ಪೆಟ್ರೋಲ್ ಟ್ಯಾಂಕ್ ಹೊಂದಿದೆ. ಪೆಟ್ರೋಲ್ ಮತ್ತು ಸಿಎನ್ಜಿ ತುಂಬಿದ ಮೇಲೆ 380 ಕಿಲೋಮೀಟರ್ ಗಳವರೆಗೆ ಮೈಲೇಜ್ ಅನ್ನು ನೀಡುತ್ತದೆ. ಇದನ್ನು ಲೆಕ್ಕ ಹಾಕಿದರೆ 60 ಲೀಟರ್ ಸಿಎನ್ ಜಿ ಟ್ಯಾಂಕ್ ನಲ್ಲಿ 10 ಕೆಜಿ ಸಿಎನ್ ಜಿ ತುಂಬಿಸಬಹುದು. 5 ಲೀಟರ್ ಪೆಟ್ರೋಲ್ ಸೇರಿದಂತೆ ಲೆಕ್ಕ ಹಾಕಿದರೆ ಇಂದಿನ ಸಿಎನ್ ಜಿ/ಪೆಟ್ರೋಲ್ ಮಾರಾಟ ದರದಲ್ಲಿ ಸಿಎನ್ ಜಿ ಟ್ಯಾಂಕ್ ಮತ್ತು ಪೆಟ್ರೋಲ್ ಟ್ಯಾಂಕ್ ಸಂಪೂರ್ಣ ತುಂಬಲು 1260 ರೂ. ಖರ್ಚಾಗುತ್ತದೆ. ಇದರೊಂದಿಗೆ 380 ಕಿ. ಮೀ.ವರೆಗಿನ ಪ್ರಯಾಣಕ್ಕೆ ಪ್ರತಿ ಕಿ.ಮೀ.ಗೆ ಕೇವಲ 3.3 ರೂ. ವೆಚ್ಚ ಬರುತ್ತದೆ. ಇದರಲ್ಲಿ ನೀವು ಪೆಟ್ರೋಲ್ ಬೇಕಾದಾಗ ಹೆಚ್ಚು ಅಗ್ಗವಾಗಿ ಪ್ರಯಾಣಿಸಬಹುದು ಮತ್ತು ಹೆಚ್ಚಾಗಿ ಸಿಎನ್ಜಿ ಬಳಸಬಹುದು.
ಟಾಟಾ ಬಿಡುಗಡೆ ಮಾಡಿದ Magic Bi-Fuel ಟಾಟಾ ಮ್ಯಾಜಿಕ್ ವಾಹನಕ್ಕಿಂತ ಹೆಚ್ಚಿನ ಕಾರ್ಯಕ್ಷಮತೆ ಮತ್ತು ಕಡಿಮೆ ಚಾಲನೆಯಲ್ಲಿರುವ ವೆಚ್ಚವನ್ನು ಹೊಂದಲು ವಿನ್ಯಾಸಗೊಳಿಸಲಾಗಿದೆ. ಕಂಪನಿಯು ಈ ವಾಹನದ ಮೇಲೆ 2 ವರ್ಷ ಅಥವಾ 72,000 ಕಿಲೋಮೀಟರ್ ಗಳ ವಾರಂಟಿ ನೀಡುತ್ತದೆ. ಈ Magic Bi-Fuel ವಾಹನದ ಬೆಲೆಯನ್ನು ಟಾಟಾ ಅಧಿಕೃತವಾಗಿ ಪ್ರಕಟಿಸಿಲ್ಲ. ಆದರೆ ಸದ್ಯ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿರುವ ಟಾಟಾ ಮ್ಯಾಜಿಕ್ ಗೋಲ್ಡ್ ಕಾರಿನ ಆರಂಭಿಕ ಬೆಲೆ 5.65 ಲಕ್ಷ ರೂ. ಆಗಿರುವುದರಿಂದ ಹೊಸ ರೂಪಾಂತರದ ಬೆಲೆಯು ಇದಕ್ಕಿಂತ ಸ್ವಲ್ಪ ಹೆಚ್ಚು ವೆಚ್ಚವಾಗಲಿದೆ ಎಂದು ಅಂದಾಜಿಸಲಾಗಿದೆ.
![Tata Magic Bi-Fuel Mileage](https://nadunudi.in/wp-content/uploads/2024/04/Tata-Magic-Bi-Fuel-Mileage.png)