Mobile Heat: ನಿಮ್ಮ ಮೊಬೈಲ್ ತುಂಬಾ ಬಿಸಿ ಆಗುತ್ತಾ, ಈ ತಪ್ಪುಗಳನ್ನ ಮಾಡುವುದನ್ನು ಇಂದೇ ಬಿಟ್ಟುಬಿಡಿ.

Smart Phone Heat: ಸಾಮಾನ್ಯವಾಗಿ ಈಗಿನ ಕಾಲದಲ್ಲಿ ಹೆಚ್ಚು ಜನರು ಸ್ಮಾರ್ಟ್ ಫೋನ್ ಅನ್ನು ಬಳಸುತ್ತಾರೆ. ಅದರಲ್ಲಿ ಇತ್ತೀಚಿನ ಯುವ ಪೀಳಿಗೆಗಳು ಸ್ಮಾರ್ಟ್ ಫೋನ್ ನಲ್ಲಿ ದಿನವಿಡೀ ಸಮಯ ಕಳೆಯುತ್ತಾರೆ. ಸ್ಮಾರ್ಟ್ ಫೋನ್ ಅನ್ನು ಹೆಚ್ಚು ಯೂಸ್ ಮಾಡಿದಾಗ ಬಿಸಿಯಾಗುವ ಸಾಧ್ಯತೆ ಹೆಚ್ಚು ಇರುತ್ತದೆ.

ಮೊಬೈಲ್ ಓವರ್ ಹೀಟ್ ಆಗದಂತೆ ಹೇಗೆ ತಡೆಯುವುದು ಅನ್ನುವುದು ಹೆಚ್ಚಿನ ಜನರಿಗೆ ತಿಳಿದಿಲ್ಲ. ಮೊಬೈಲ್ ಬಳಸುವವರು ಈ ವಿಧಾನವನ್ನ ಅನುಸರಿಸಿದರೆ ಮೊಬೈಲ್ ಓವರ್ ಹೀಟ್ ಆಗದಂತೆ ತಡೆಯಬಹುದು.

ಸ್ಮಾರ್ಟ್ ಫೋನ್ ಬಳಸುವವರಿಗೆ ಹೊಸ ಮಾಹಿತಿ
ನೀವು ಬಳಸುವ ಸ್ಮಾರ್ಟ್ ಫೋನ್ ಹೆಚ್ಚು ಬಿಸಿಯಾದರೆ ಆಂತರಿಕ ಘಟಕಗಳ ಮೇಲೆ ಬಾರಿ ಋಣಾತ್ಮಕ ಪರಿಣಾಮವನ್ನು ಬೀರುತ್ತದೆ. ಇದು ಕಾರ್ಯಕ್ಷಮತೆಯ ನಷ್ಟ, ಡೇಟಾ ನಷ್ಟ ಅಥವಾ ಬ್ಯಾಟರಿ ಸೋರಿಕೆಯಂತಹ ದೀರ್ಘಾವಧಿಯ ಅನೇಕ ಸಮಸ್ಯೆಗಳನ್ನು ಉಂಟುಮಾಡಬಹುದು. ಇನ್ನು ಬಿಸಿಯಾಗುವ ನಿಮ್ಮ ಮೊಬೈಲ್ ಸುರಕ್ಷತೆಗೆ ಸಹಾಯ ಮಾಡುವ ಕೆಲವು ಸಲಹೆಗಳು ಇಲ್ಲಿವೆ.

ಸ್ಮಾರ್ಟ್ ಫೋನ್ ಬಿಸಿಯಾಗದಂತೆ ತಡೆಯುವುದು ಹೇಗೆ
ಬೇಸಿಗೆ ದಿನದಲ್ಲಿ ಸೂರ್ಯನ ಬೆಳಕಿನಿಂದಾಗಿ ಕಿಟಕಿಗಳ ಮೂಲಕ ಶಾಖ ಒಳಗೆ ಬರುವುದರಿಂದ ನಿಮ್ಮ ಕಾರು ಹಸಿರುಮನೆಯಾಗಿ ಕಾರ್ಯನಿರ್ವಹಿಸುತ್ತದೆ. ಅಂದರೆ ಹೊರಗಿನ ತಾಪಮಾನಕ್ಕಿಂತ ನಿಮ್ಮ ಕಾರಿನ ಒಳಭಾಗ ಹೆಚ್ಚು ತಾಪಮಾನ ಹೊಂದಿರುತ್ತದೆ.

ಟೆಂಪರೇಚರ್ ಜರ್ನಲ್ ನಲ್ಲಿ ಪ್ರಕಟವಾದ ಪತ್ರಿಕೆಯ ಪ್ರಕಾರ ಬಿಸಿಲಿರುವ ಪ್ರದೇಶದಲ್ಲಿ ನಿಲ್ಲಿಸಿದ ವಾಹನದ ಒಳಭಾಗವು ಕೇವಲ ಎರಡು ಗಂಟೆಗಳಲ್ಲಿ ಅಪಾಯಕಾರಿ ಮಟ್ಟಕ್ಕೆ ಬಿಸಿಯಾಗಬಹುದು.  ಇಂತಹ ಸಮಯದಲ್ಲಿ ನೀವು ಆ ಭಾಗದಲ್ಲಿ ಮೊಬೈಲ್ ಇಡುವುದು ಬಹಳ ಅಪಾಯಕಾರಿ.

ಕಾರು ಆಫ್ ಆಗಿರುವಾಗ ಮತ್ತು ಹವಾನಿಯಂತ್ರಣ ಇಲ್ಲದಿರುವಾಗ ನೀವು ಅದನ್ನು ನಿಮ್ಮ ಕಾರಿನಲ್ಲಿ ಬಿಟ್ಟು ಹೋಗದಂತೆ ಎಚ್ಚರ ವಹಿಸುವುದು ತುಂಬಾ ಮುಖ್ಯ. ನಿಮ್ಮ ಮೊಬೈಲ್ ಫೋನ್ ನನ್ನ ದೀರ್ಘಕಾಲದ ತನಕ ಸೂರ್ಯನ ಬೆಳಕಿಗೆ ಬಿಡುವುದನ್ನು ತಪ್ಪಿಸಿ. ನಿಮ್ಮ ಫೋನನ್ನು ದೀರ್ಘಾವಧಿಯ ವರೆಗೆ ನೇರ ಸೂರ್ಯನ ಬೆಳಕಿನಲ್ಲಿ ಬಿಟ್ಟರೆ ಅದು ಅಧಿಕ ಬಿಸಿಯಾಗುವ ಸಾಧ್ಯತೆ ಇದೆ.

ನೇರ ಸೂರ್ಯನ ಬೆಳಕು ಇರುವಲ್ಲಿ ನಿಮ್ಮ ಫೋನನ್ನು ಚಾರ್ಜ್ ಮಾಡಲು ಬಿಟ್ಟರೆ ಇದು ಇನ್ನಷ್ಟು ಹದಗೆಡಬಹುದು. ಚಾರ್ಜಿಂಗ್ ಮತ್ತು ಸೂರ್ಯನ ಬೆಳಕಿನಿಂದ ಉಂಟಾಗುವ ಸಂಯೋಜಿತ ಶಾಖವು ಫೋನ್‌ನ ಒಳಗಿನ ಭಾಗಗಳಿಗೆ ಗಂಭೀರವಾದ ದೀರ್ಘಕಾಲೀನ ಹಾನಿಯನ್ನು ಉಂಟುಮಾಡಬಹುದು.